سەردێر

سبەینێ‌ نەوتی سپی لەم گەڕەكانەی سلێمانی دابەش دەكرێت

خەڵك-
بەڕێوەبەرایەتی نەوت و كانزاكانی سلێمانی ڕایدەگەیەنێت، كە سبەینێ‌ نەوت لەناو شار دابەش دەكرێت و بۆ هەر بەرمیلێكیش بڕی 55 هەزار دینار وەردەگیرێت.

تەها جەمال، سەرۆكی لیژنەی دابەشكردنی سووتەمەنی لە سلێمانی بۆ (خەڵك) ڕایگەیاند، ئەمڕۆ سێ‌ شەممە نەوت لە دەرەوەی شار دابەشكراوە و سبەینێ‌ چوار شەممە نەوت لەناو شار لە گەڕەكەكانی سنووری مەڵبەندی 5 دابەش دەكرێت.

ئاشكراشی كرد، سبەینێ‌ نەوت دەچێتە گەڕەكەكانی كوردسات و زەرگەتە و ڕاستەوخۆ دوای ئەوانیش نەوت دەچێتە گەڕەكەكانی سنووری مەڵبەندی 6 و بەردەوام دەبێت.

جەختیشی كردەوە، كە بڕێكی باش نەوت هەیە و 200 لیتر بە 55 هەزار دینار بەخێزانێك دەدرێت و دوای كۆتایی هاتنی مەڵبەندی 10 دەگەڕێینەوە بۆ مەڵبەندی 1 بۆ 4 و بەپێی نەوتی بەردەست هاووڵاتیان نەوت وەردەگرن.

ئاماژەی بەوەشكرد، بەهۆی دابەشكردنی نەوت بەسەر هاووڵاتیاندا نرخی نەوتی ناوبازاڕ هەرزان دەبێت.