سەردێر

فێستیڤاڵی پایزی پێنجوێن دەستیپێكرد

زیاتر لە 100 خاوەن بەرهەم بەشدارن تیایدا و دوو ڕۆژ بەردەوام دەبێت

خەڵك
لە قەزای پێنجوێن فێستیڤاڵی پایزی پێنجوێن بە ناونیشانی (لە ژینگەیەكی تەندروست ئاسایشی خۆراكمان دەستەبەردەكەین) دەستپێكرد، كە زیاتر لە 100 خاوەن بەرهەم بەشدارن تیایدا و دوو ڕۆژ بەردەوام دەبێت.

ڕێبوار كەمال، لێپرسراوی ڕێكخراوی ملكۆ و ئەندامی گروپی ڕێكخەرانی فێستیڤاڵی پایزی پێنجوێن بە(خەڵك)ی ڕاگەیاند، فێستیڤاڵی پایزی پێنجوێن یەكەم فێستیڤاڵە بۆ بەرهەمە خۆراكییە خۆماڵییەكان بە ناونیشانی (لە ژینگەیەكی تەندروست ئاسایشی خۆراكمان دەستەبەردەكەین)، كە تێیدا ڕاستەوخۆ خاوەن كاڵا بەرهەمەكەی دەناسێنێت بە كڕیاەكانی.

“گرنگی بە بەرهەمی خۆماڵی دەدرێت”

وتیشی، ئەم فێستیڤاڵە گرنگی تایبەتی خۆی هەیە و وا دەكات گرنگی بە بەرهەمە خۆماڵییەكان بدرێت بەتایبەت بەرهەمی جوتیاران و ساغكردنەوەیان و دەستەبەركردنی سەلامەتی خۆراكمان.

ئاماژەی بەئەوەشكرد، ناوچەی پێنجوێن بەهۆی لەباری كەشوهواكەیەوە، لە هەموو وەرزەكاندا پێداویستییە خۆراكییەكان دەستەبەردەكات و لە فێستیڤاڵەكەدا زیاتر لە 100 خاوەن بەرهەم بەشداریكردووە لەسەرجەم شار و شارۆچكەكانی كوردستان.

وتیشی، زۆرینەی بەرهەمەكانی فێستیڤاڵەكە بەرهەمی دەستی جوتیارانن لە هەنگەوانی و كشتوكاڵی و بەرهەمەكانی باخداری و هاوكات كاری دەستی خانمان و شیرینی و خواردنەكانی دیكە.

No description available.

 

“دوو ڕۆژ بەردەوام دەبێت”

باسی لە ئەوەشكرد، فێستیڤاڵەكە دووڕۆژ دەخایەنێت لە 10ی بەیانی بۆ 10 ی شەو كراوە دەبێت.

No description available.

“كار بۆ ئەوە دەكرێت بكرێتە فێستیڤاڵێكی وەرزی”

ئاماژەی بە ئەوەشكرد، ئەمە یەكەم فێستیڤاڵە و كار بۆ ئەوەش دەكرێت نەك ساڵانە بەڵكو وەرزانەش ئەنجام بدرێت و بكرێتە وەرزە فێستڤاڵ كە سەرجەم بەرهەمە ناوخۆییەكانی تێدا نمایش بكرێت.

No description available.

No description available.

No description available.

No description available.

No description available.

No description available.