سەردێر

سلێمانی.. ژمارەیەك نانەواخانەو سەمونخانە سزادران

بەهۆی فرۆشتنی شەش نان یان سەموون بە هەزار دینار

سلێمانی ـ نزار جەزا

ئەمڕۆ شەممە سزای ژمارەیەك لەسەموونخانە و نانەواخانە درا، بەهۆی فرۆشتنی شەش نان یان سەموون بە هەزار دینار.

سۆران عەبدولغەفوور سەرۆكی چاودێری بازرگانی سلێمانی (خەڵك)ی ڕاگەیاند، ئەمڕۆ لیژنەكانیان گەڕان و پشكنینیان بۆ نانەواخانە و سەموونخانەكان كرد، هەر كەسێك نرخی گرانكردبێت پسوڵەی سەرپێچییان بۆ نوسیوە.

ئاماژەی بەئەوەشدا، لیژنەكانیان بەردەوامدەبن لەگەڕان و پشكنین ڕێگەنادەن نرخی نان و سەموون گرانبێت.

باسی لەئەوەشكرد، تاكو نەگەنە ڕێكەوتنێك نابێت هیچ گۆڕانكارییەك لەنرخدا ڕووبدات.

ئەوەشی خستەڕوو، هەوڵەكان بۆ چارەسەری كێشەی نانەواخانە سەموونخانەكان بەردەوامن.

ئەمە لەكاتێكدایە ئەمڕۆ شەممە ژمارەیەك نانەواخانە و سەموونخانە شەش نان یان سەموونیان بەهەزار دینار فرۆشت، ئەمەش بەهۆی پاڵپشتینەكردنی حكومەتی هەرێم بۆ نانەواخانە و سەموونخانەكان.