سەردێر

بەشە ئارد و دۆشاو و فاسۆلیا و نۆك دابەش دەكرێت

خەڵك-
وەزارەتی بازرگانی حكومەتی هەرێم ئاشكرای دەكات، كە دەست دەكەن بە دابەشكردنی بەشە ئاردی مانگی 7ی هاووڵاتیان.

بریكارێكی خۆراك لە سلێمانی بۆ (خەڵك) ئاماژەی بەوەكرد، ماوەی چەند ڕۆژێكە دەست كراوە بە دابەشكردنی سەبەتەی خۆراكی، كە حكومەتی عێراق بڕیاری لێ‌ دابوو، سەرەتاش شەكر و زەیت دابەشكرا.

وتیشی، “ماوەی دوو ڕۆژە دەست كراوە بە دابەشكردنی دۆشاوی تەماتە و برنج و لەتكەنۆك و فاسۆلیا، كە هەموویان كوالێتیان زۆر باشە و لە جۆری باشن”.

لای خۆشیەوە، بەڕێوەبەرایەتی گشتی بازرگانی هەرێم لە ڕاگەیەنراوێكدا ئاماژەی بەوەكردووە، ئەمڕۆ چوار شەممە ٢٠٢١/٨/١٨ دەست كراوە بە دابەشكردنی لیستی بەشە ئاردی مانگی (7).

ئاماژەی بەوەشكردووە، داوا لە بڕیارەكانی ئارد دەكرێت سەردانی بەڕێوەبەرایەتییەكانی دروستكراوی دانەوێڵەی پارێزگاكان بكەن بۆ وەرگرتنی لیستەكانیان و بەشە ئاردی ئەو مانگە.