سەردێر

دابەشكردنی بەشەخۆراكی مانگانە دەستیپێكرد

خەڵك-
بەڕێوەبەری گشتی بازرگانی هەریم دەڵێت، لەمڕۆوە، ئاگادار ی بەڕێوەبەرایەتییەكانی بازرگانی خۆراك لە شارەكانی هەرێمی كوردستان كراوە دەست بە دابەش كردنی بەشەخۆراك بكەن.

نەوزاد شێخ كامیل، بەڕێوەبەری گشتی بازرگانی هەرێم ڕایگەیاند، لە ڕێكەوتی 14ی تەمموزی 2021، ئاگادار ی بەڕێوەبەرایەتیەكانی بازرگانی خۆراك لە شارەكانی هەرێمی كوردستان كراوە دەست بە دابەش كردنی بەشەخۆراك بكەن.

بەشە خۆراكی مانگانەش بۆ ئەم مانگە پێك هاتووە لە:

(3) سێ كیلۆ برنج بۆ هەركەسێك

(1) یەك كیلۆ شەكر بۆ هەركەسێك

(400) چوارسەد غرام دۆشاو بۆ هەر كەسێك

(1) یەك كیلۆ پاقلە مەنی بۆ هەر كەسێك.

(1) یەك لتر زەیت بۆ هەركەسێك

هەروەها بڕیاریشە لەم ڕۆژانەدا بەشە ئاردی مانگی حوزەیران دابەش بكرێت .