سەردێر

دۆسێیەكی گەورەى گەندەڵی لە وەزارەتی نەوتدا ئاشكرا دەكرێت

چەندان ملیارە

خەڵك-
ڕەحیم دەڕاجی، ئەمینداری گشتنی بزوتنەوەی كەفا، دۆسێیەكی گەندەڵی گەورە لە وەزارەتی نەوتی عیراق ئاشكرا دەكات و دەڵێت بە چەندان ملیار دینارە.

دەڕاجی لە دیمانەیەكی تەلەفیزیۆنیدا ڕایگەیاند”تێچووی خۆراكی فەرمانبەران لە هەفتەیەكدا لە یەكێك لە فەرمانگەكانی سەر بە وەزارەتی نەوت گەیشتۆتە پێنج ملیار و نزیكەی 400 ملیۆن دینار”.

بە وتەی دەڕاجی”جل و تاقمی كاركردنی یەك ئەندازیار كە لە بەدلەیەك و یەك خودە و جوتێك پێڵاو پێكدێت، تێچووی لەسەر دەوڵەت 15 ملیۆن دینارە”، داواشی لە مەرجەعیەتی ئاینی كرد، ئەو گەندەڵكارانە بگێڕێتەوە بۆ ئەو شوێنەی لێوەی هاتوون.

ئەمینداری گشتی بزوتنەوەی كەفا دەڵێت”وەزارەتی نەوت كە یەك گۆڤاری مانگانە دەردەكات، تێچووەكەی دەگاتە پێنج ملیار دینار”.

دەڕاجی داوای بەرپاكردنی شۆڕشێكی گەورەی كرد لە هەڵبژاردندا،تا گەندەڵی لە وڵاتدا لەناوببرێت.