سەردێر

گەرمیان.. سبەینێ‌ پارەی توێژێك دابەش دەكرێت

خەڵك

بەڕێوەبەرایەتی پەروەردەی كەلار ڕایدەگەیەنێت: سبەینێ‌ پارەی چاودێری هۆڵی ئەزموونە گشتییەكانی هەر دوو خوولی یەكەم و دووەمی ساڵی خوێندنی 2019ـ2020 دابەش دەكرێت.

بەڕێوەبەرایەتی پەروەردەی كەلار لە ئاگادارینامەیەكدا ڕایگەیاند:” سەرجەم بەڕێوەبەری هۆڵی ئەزموونە گشتییەكانی ساڵی خوێندنی 2019ـ2020 ئاگادار دەكەینەوە سبەینێ ڕۆژی سێ شەممە 4ـ5ـ2021 كاتژمێر 10:00ی سەر لەبەیانی سەردانی بەڕێوەبەرایەتی پەروەردەی كەلار ـ هۆبەی تەكنیكی بكەن بەمەبەستی وەرگرتنی پارەی چاودێری هۆڵی ئەزموونە گشتییەكانی هەر دوو خوولی یەكەم و دووەمی ساڵی خوێندنی 2019ـ2020″.

لە ئاگادارینامەكەدا ئاماژە بەوەشدراوە:”پێویستە تەنها بەڕێوەبەری هۆڵەكان سەردان بكەن بۆ وەرگرتنی پارەی مامۆستایانی چاودێر، هەروەها پێویستە بەڕێوەبەر فەرمانی هۆڵی ئەزموونی پێ بێت”.