سەردێر

بەڵێندەران لە سلێمانی: سەدان پرۆژە ڕاگیراون

خەڵك-

یەكێتی بەڵێندەرانی كوردستان ڕایدەگەیەنێت، بەڵێندەران دووچاری قەیرانی زۆر بونەتەوە بەو هۆیەی بۆ چەندا ساڵێكە پارەكانیان وەرنەگرتووە، ئاماژە بە ڕاوەستانی سەدان پرۆژەش دەكات لە سلێمانی بەهۆی خەرجنەكردنی پارەكانیان.

ئەمڕۆ دوشەممە میران كامیل، وتەبێژی لقی سلێمانی یەكێتی بەڵێندەرانی كوردستان ڕایگەیاند، چەند ساڵێكە بەڵێندەران پارەكانیان ڕاگیراوە و توشی قەیرانی زۆر بونەتەوە، بەو هۆیەشەوە بە سەدان پرۆژە ڕاگیراوە كە ساڵی رابردوو چەند پرۆژەیەك پارەی بۆ دەرچوو، بەڵام تائێستاش پارەكانیان بۆ خەرج نەكراوە.

هەروەها ئەوەشی گوت:حكومەتی هەرێم لەئێستادا بودجەی داڕشتۆتەوە بەشێوازێك كێشەی بەڵێندەران و قەرزی بانكی بەڵێندەران و پرۆژەكانی پشتگوێخستووە و دەیەوێت پڕۆژەی تازە بكات ئەمەش جێگەی ناڕەزایەتی كۆی بەڵێندەرانە، بەمەش ناچار دەبن هەڵوێستی تریان هەبێت، چونكە ئەوان چاوەڕێ بوون لەدوای پەسەندكردنی بودجەو هاتنی پارە حكومەت قەرەبوی پرۆژەكان.