سەردێر

وتەبێژی حكومەت باس لە لێبڕینی مووچە دەكات

خەڵك-
وتەبێژی حكومەتی هەرێمی كوردستان باس لە ڕێژەی لێبڕینی مووچە دەكات لەم مانگەدا و دەڵێت، هێشتا یەكلایی نەكراوەتەوە.

جوتیار عادل، وتەبێژی حكومەتی هەرێمی كوردستان لە كۆنفرانسێكی ڕۆژنامەوانیدا ڕایگەیاند:” بابەتی ڕێژەی لێبڕینی مووچەی فەرمانبەران هێشتا یەكلایی نەبۆتەوە، بەڵام لە كۆبوونەوەی داهاتووی ئەنجومەنی وەزیراندا بڕیاری لەسەر دەدرێت”.

بە وتەی جوتیار عادل”ئێمە پابەندین بە دابەشكردنی موچە لە 25ی مانگ”.

ئەمەش لەكاتێكدایە كە نرخی نەوت لە بازاڕەكانی جیهان ڕووی لە بەرزبوونەوە كردووە و ڕێژەی پشكی هەرێمیش لە بودجەی فیدراڵ، وابڕیارە بەمزوانە لە بەغداوە بگاتە هەرێمی كوردستان.