سەردێر

وەزارەتی دارایی ماوەی لێخۆشبوونی 15%ی بۆ سێ مانگی دیكە درێژكردەوە

خەڵك
وەزارەتی دارایی هەرێمی كوردستان ڕایدەگەیەنێت ، ماوەی لێخۆشبوونی لە سەدا 15ی پێشینەكانی بۆ سێ مانگی دیكە درێژكردەوە.

بەڕێوەبەرایەتی گشتی بانكە پسپۆڕییەكانی هەرێم، لە نوسراوێكدا كە رۆژی 13ی نیسانی 2021 ئاڕاستەی گشت بانكە پسپۆڕییەكانی كردوە ڕایگەیاندووە، كە ڕەزامەندی وەزارەتی دارایی وەرگیراوە، كە ماوەی لێخۆشبوون بەڕێژەی لەسەدا 15 درێژكراوەتەوە بۆ ماوەی 3 مانگ، لە یەكی نیسانەوە تا30ی حوزەیرانی 2021 بەردەوام دەبێت .

ئاماژەبۆ ئەوەشكراوە، كە بڕیارەكە پێشینەكانی خانووبەرە، نیشتەجێكردن، گەشتوگوزار، پێشینەی كشتوكاڵی‌ و پیشەسازی دەگرێتەوە.

ئەمە لەكاتێكدایە، كە حكومەتی هەرێم لەكۆبونەوەی رۆژی 5ی 5ی 2020 بڕیاریدا، كە بەرێژەی لەسەدا 15 داشكاندن بۆ پێشینەكان بكات، بەمەرجێك هاووڵاتیان ئامادەبن تەواوی پێشینەكان بگێڕنەوە .



هەلبژاردە

گرنگترینەکان