سەردێر

لیژنەی دارایی: بودجە ئامادەیە بۆ دەنگدان

خەڵك-
ئەندامێكی لیژنەی دارایی لە پەرلەمانی عیراق ڕایدەگەیەنێت، بودجەی گشتی ئامادەیە بۆ ئەوەی دەنگی لەسەر بدرێت، پێشبینیشی كرد پرۆژە یاساكە لەماوەی دوو ڕۆژی داهاتوودا دەنگی لەسەر بدرێت.

ماجیدە تەمیمی، ئەندامی لیژنەی دارایی لە پەرلەمانی عیراق لە لێدوانێكی ڕۆژنامەوانیدا ڕایگەیاند”چاوەڕوان دەكەین لە هەر ساتێكدا بێت لەلایەن سەرۆكایەتی پەرلەمانەوە كاتێك بۆ دەنگدان لەسەر پرۆژە یاسای بودجە دیاریی بكرێت، لیژنەی داراییش ڕەشنوسی پرۆژە یاساكەی لە ناوەڕاستی مانگی شوباتەوە ڕادەستی سەرۆكایەتی پەرلەمان كردووە و لەو ڕێكەوتەشەوە بودجە ئامادەیە بۆ ئەوەی دەنگی لەسەر بدرێت”.

بە وتەی ئەو ئەندامەی لیژنەی دارایی”فراكسیۆنی سائیرون بە هەموو پەرلەمانتارەكانییەوە ئامادەن بوون بۆ ئەوەی لە یەك شەممەی ڕابردوودا دەنگ لەسەر بودجە بدەن، هەر فراكسیۆن و هەر پەرلەمانتارێكیش مافی ئەوەی هەیە دەنگ بدات یان دەنگ لەسەر ماددە و بڕگەكانی یاساكە نەدات”.

تەمیمی دەڵێت”هەندێك”هەندێك لە فراكسیۆنە سیاسییەكان ڕێگرییان هەیە بەرانبەر بە هەندێك لە ماددەكانی یاساكە، بۆیە بایكۆتكردنی خۆیان بۆ دانیشتنی دەنگدان لەسەر بودجە ڕاگەیاند”.