سەردێر

بەشە خۆراكی مانگانە زیاد دەكرێت

خەڵك-

وتەبێژی ئەنجومەنی وەزیرانی عیراق ڕایدەگەیەنێت، پرسی بەشەخۆراكی مانگانە یەكلایی كراوەتەوە و لە مانگی ڕەمەزانی داهاتووشدا ماددەكانی زیاد دەكرێن.

حەسەن نازم، وتەبێژی ئەنجومەنی وەزیرانی عیراق، لە كۆنفرانسێكی ڕۆژنامەوانیدا ڕایگەیاند”لە ئەنجومەنی وەزیران گفتووگۆ لەسەر بابەتی فۆرمی خۆراك كرا و پێشكەوتنی باش لەبارەی بەشەخۆراكی مانگانە لەڕووی بڕەكەی و ڕێكخستنی وادەی دابەشكردنی، هێنرايەدی”.

بە وتەی حەسەن نازم”وەزیری بازرگانی گفتووگۆی لەسەر بابەتەكە كردووە و دڵنیایی داوە كە وەزارەتی بازرگانی ئامادەیە چوار مەوادە سەرەكییەكە بداتە هاووڵاتیان، و مانگی ڕەمەزانیش تایبەت دەكرێت و ماددەكان زیاد دەكرێن”.

وتەبێژی ئەنجومەنی وەزیرانی عیراق دەڵێت”بابەتی بەشەخۆراكی مانگانە لەمڕۆدا یەكلایی كرایەوە و دڵنیابوین لەوەی كە وادەی دابەشكردنی ڕێكدەخرێتەوە”.