سەردێر

مێرسیدس 2 ملیۆن و 600 هەزار ئۆتۆمبێل لەبازاڕدا دەكێشێتەوە

خەڵك

دەەسەڵاتدارانی چین بڕیاریانداوە، بەهۆی بوونی كێشە لەخزمەتگوزارییەكانی پەیوەندیكردن ‌و دیزانی بەرنامەكانیدا، نزیكەی 2 ملیۆن و 600 هەزار ئۆتۆمبێلی كۆمپانیای مێرسیدس لەبازاڕە ناوخۆییەكانی وڵاتەكەی بكشێنێتەوە.

ئاژانسی بلومبێرگ بڵاویكردەوە، كۆمپانیای (دایملر ئەی جی)ی ئەڵمانی كە خاوەنداریەتی براندی بازرگانی (مێرسیدس بینز) دەكات بڕیاریداوە، 2 ملیۆن و 600 هەزار ئۆتۆمبێلی خۆیی لەبازاڕەكانی چین بكشێنێتەوە، بەهۆی بوونی كێشە لە دیزاینی پڕۆگرامەكانیدا، هەروەك بڕیاریشە لە مانگی نیسانی داهاتووەوە پڕۆسەی وەرگرتنەوەی ئەو ئۆتۆمبێلانە دەست پێبكات.

ئاژانسەكە ئاماژەی بەوەشكردووە، بەشێك لەو ئۆتۆمبێلانەی كە ئەو كێشەیان هەیە هەناردەكراون ‌و بەشێكیشی لەناوخۆی چین دروستكراون.
بلومبێرگ ئەوەشی خستووەتەڕوو، سەرەڕای ئەوەی چین خاوەنی گەورەترین بازاڕی ئۆتۆمبێلی جیهانە، بەڵام ساڵانە 35%ی ئۆتۆمبێلەكانی كۆمپانیای مێرسیدس هەناردەی ئەو وڵاتە دەكرێن.

ئەمەش لەكاتێكدایە، بەتەنها لەساڵی 2020دا 774 هەزار و 382 ئۆتۆمبێلی كۆمپانیای مێرسیدس لەبازاڕەكانی ئەو وڵاتە فرۆشراون.



هەلبژاردە

گرنگترینەکان