بیتكۆین گەیشتە سەروو 60 هەزار دۆلار - تۆڕی میدیایی خەڵک

سەردێر

خەڵك- نوێنەری ئەنجومەنی سوریای دیموكرات لە هەرێمی كوردستان ڕایدەگەیەنێت، دانوستانی نێوان لایەنە كوردییەكانی سوریا ڕاگیراوە. هۆشەنگ دەروێش نوێنەری ئەنجومەنی سوریای دیموكرات لە هەرێمی كوردستان لە لێدوانێكی ڕۆژنامەوانیدا ڕایگەیاند، دانوستانی كوردی-كوردی لە ئێستادا ڕاگیراوە، پاش قۆناغی یەكەم و دووەمی دانوستانەكان كە سەركەوتووانە بەڕێوەچوون، لە ئێستادا بەهۆی وتاری توندی بەرپرسانی ئەنجومەنی نیشتمانیی كورد دانوستانەكان ڕاگیراون. وتیشی"لە ئێستادا نوێنەری ئەمریكا دەستیكردووە بە گفتوگۆ لەگەڵ دوو لایەنەكەدا تاكو بگەڕێنەوە بۆ سەر مێزی گفتوگۆ، هاوكات مەزڵوم كۆبانی داوای لە هەروو لایەنەكە كردووە دەست بە دانوستان بكەنەوە". ئاشكراشیكرد، وەكو حزبەكانی یەكێتی نیشتمانی كورد ئامادەین بەبێ مەرج دانوستانەكان دەستپێبكەینەوە، بەڵام ئەنەكەسە خاوەنی بڕیاری سیاسی نییە و ناتوانێت لەبارەی دانوستانی كوردی-كوردی بڕیاری سەربەخۆ بدات. جەختی لەوەش كردەوە، بەرپرسانی ئەنجومەنی نیشتمانی لە وتەكانیاندا حزبەكانی یەكێتی تاوانبار دەكەن، بەڵام لە ڕاستیدا ئەنەكەسە لەژێر كاریگەریی گرووپەكانی تردایە و ئەمریكییەكانیش ئەم ڕاستیە دەزانن. پێشتر فەتحوڵڵا حوسەینی ئەندامی نوێنەرایەتیی ڕێڤەبەری خۆسەری ڕۆژئاوا لەباشووری كوردستان بە (خەڵك)ی ڕاگەیاند، هەندێك گفتوگۆ لە نێوان لایەنە كوردییەكان لە ڕێكەوتنی كوردی-كوردی كۆتاییان هاتووە بەتایبەت لە ڕووی سەربازییەوە. وتیشی"یەك هێز لە ڕۆژئاوای كوردستان بوونی هەیە ئەویش هێزی سوریای دیموكراتە و هیچ هێزێكی دیكە لە ڕۆژئاوا جێگای نابێتەوە". ئاشكراشیكرد، لە ڕووی سیاسییەوە پێویستە ڕێكەوتن بكرێت، بەڵام تاكو ئێستا نەگەیشتووینەتە هیچ ئەنجامێك.
خەڵك- بانكی ناوەندی عیراق، داوا لە حكومەت دەكات بەشە خۆراكی مانگانەی هاووڵاتیان باش بكات، بەپێویستیشی زانی پشتیوانی لە كەرتەكانی پیشەسازی و كشتوكاڵی وڵات بكرێت. ئیحسان شمران یاسری، جێگری پارێزگاری بانكی ناوەندی عیراق، لە لێدوانێكی ڕۆژنامەوانیدا ڕایگەیاند"یەكێك لە داواكارییەكانی بانكی نێودەوڵەتی لەكاتی دانوستانەكان بۆ بەرزكردنەوەی نرخی خەرجی دۆلار، باشكردنی قفەرمانگەكانی دارایی گشتی بوو، لەگەڵ تەرخانكردنی بەشێك لە داهاتە داراییەكان بۆ یارمەتیدانی چینە هەژارەكە". شمران یاسری جەختی لەسەر پێویستی باشكردنی جۆرەكانی بەشەخۆراكی مانگانەی هاووڵاتیان كردەوە، "لەپێناو كەمكردنەوەی ئەو زیانانەی بەهۆی گۆڕینی نرخی دۆلارەوە دروستبوون". جێگری پارێزگاری بانكی ناوەندی عیراق دەڵێت"لە سەرەتاوە بانكی ناوەندی داوای كرد دۆلار بۆ 160 هەزار دینار بۆ هەر 100 دۆلارێك بورزبكرێتەوە، بەڵام بانكی ناوەندی لەڕێژی توێژینەوە و خوێندنەوەكانی بۆ ڕەوشی بازاڕ و باری گوزەرانی خەڵك، بۆی دەركەوت كە 145 هەزار دینار بۆ هەر 100 دۆلارێك، نرخێكی شیاوە، ئەمەش ئەنجامی ئەرێنی بەدەستهێنا.
خەڵك- حكومەتی هەرێمی كوردستان بە بۆنەی سەری ساڵی ئێزدییەكانەوە ڕۆژێك پشووی فەرمی ڕاگەیاند. حكومەتی هەرێمی كوردستان لە ڕاگەیەنراوێكدا ئاماژەی بەوەكردووە، بەبۆنەی جەژنی چوار شەممەی سووری ئێزدییەكانەوە ڕۆژی چوار شەممە ١٤ی نیسان پشووی فەرمییە لە سەرجەم دامودەزگاكانی حكومەتی ھەرێمی كوردستان. بەپێی خشتەی پشووە فەرمییەكانی حكومەتی هەرێم، ساڵانە دووەم چوار شەممەی مانگی نیسان بەبۆنەی (جەژنی چوار شەممە سوور –سەری ساڵی ئێزدییەكان) دەبێتە پشووی فەرمی.
خەڵك – نزار جەزا ئیدارەی گەرمیان ڕووبەڕووی وشكەساڵی بۆتەوە بەتایبەت لەڕووی دانەوێڵەوە، بەرپرسانی ئەو ئیدارەیەش داواكارن حكومەتی هەرێم بودجەی پێویستیان بۆ دابین بكەن. شادی حسێن، بەڕێوەبەری كشتوكاڵی گەرمیان بە(خەڵك)ی ڕاگەیاند، داوایان كردووە بودجەی پێویست تەرخان بكرێت بۆ دابینكردنی ئالیك و بنەتۆو بۆ جوتیارەكان. ئاماژەی بەئەوەشدا، ئەو زەوییانەی بەراون هیچ كێشەیان نییە، تەنها ١٦٠ هەزار دۆنم زەوییان هەیە، كە بەدانەوێڵە چێندراون، لەناوچوون. باسی لەئەوەشكرد، لەڕاپۆرتی وەزارەتی كشتوكاڵی حكومەتی هەرێمدا باس لەم بابەتە كراوە و بڕیارە لەكۆبوونەوەی ئەنجوومەنی وەزیراندا بخرێتەڕوو، بۆئەوەی بودجەی پێویستیان بۆ تەرخان بكەن. لەماوەی ئەمساڵدا ڕێژەی بارانبارین كەمبۆتەوە، كە بۆتە هۆی وشكەساڵی لەهەندێك ناوچەی هەرێمی كوردستان، بەتایبەت لەناوچەی گەرمیان، كە ١٦٠ هەزار دۆنم زەوی دانەوێڵە وشكبووە.
خەڵك- بەڕێوەبەرایەتی هاتووچۆی هەولێر ئاشكرای دەكات، بەهۆی پشووی فەرمییەوە، سبەینێ‌ تاقیكردنەوە ئەنجام نادرێت و خستەی سەرەكانیان دابەش دەبێت بۆ ڕۆژەكانی هەفتەی داهاتوو. مقەدەم فازڵ حاجی، بەڕێوەبەری ڕاگەیاندنی هاتووچۆی هەولێر بۆ (خەڵك) ئاماژەی بەوەكرد، سبەینێ‌ چوار شەممە 14ی نیسان پشووی فەرمییە، بۆیە ئەو هاووڵاتیانەی تاقیكردنەوەی دەرهێنانی مۆڵەتی شۆفێرییان هەبووە، سەرەكانیان دوادەكەوێت بۆ هەفتەی داهاتوو. ڕاشیگەیاند، ئەوانەی لە كاتژمێر (8، 9، 10) كاتی تاقیكردنەوەیان بۆ دیاری كرابوو، ئەوا سەرەكەیان دەكەوێتە ڕێكەوتی 21ی نیسان، كە دەكاتە ڕۆژی چوار شەممە. ڕوونیشی كردەوە، ئەوانەی لە كاتژمێر (11 و 12) كاتی تاقیكردنەوەیان هەبووە، سەرەكانیان دەكەوێتە ڕێكەوتی 22ی نیسان، كە دەكاتە ڕۆژی پێنج شەممەی هەفتەی داهاتوو.
خەڵك- سەرپەرشتیاری ئیدارەی گەرمیان ئاشكرای دەكات، كە بەپێیی ڕاپۆرتی كشتوكاڵ و مامۆستایەكی زانكۆ، ئەمساڵ لە گەرمیان وشكەساڵی دەبێت و جەلال نوری، سەرپەرشتیاری ئیدارەی گەرمیان لە كۆنگرەیەكی ڕۆژنامەوانیدا ئاماژەی بەوەكرد، بەپێی ڕاپۆرتی بەڕێوەبەرایەتی گشتی كشتوكاڵی گەرمیان و هەروەها مامۆستایەكی زانكۆ، ئەمساڵ وشكەساڵی ڕوووبەڕوی گەرمیان دەبێتەوە و بۆ ئەوەش كۆبوونەوەكان ئەنجام داوە تاوەكو ئامادەكاری بۆ بكەین. وتیشی، "بەپێی داتاكانی كەشناسی، تا ئێستتا لە كەلار 117 ملم باران باریوە و لە كفری 114.5 ملم باران باریوە و ئەوەش بە بەراورد بە ساڵی ڕابردوو ڕێژەكە زۆر كەمە، كە 363 ملم بووە". ئاماژەی بەوەشكرد، بەڕێوەبەری بەنداوی دەربەندیخان پلانی خۆی خستەڕووو بۆ بەردانەوەی ئاو و بۆ ئەوەش ئیدارەی ناوچەكە دەبێت خۆی بگونجێنێت و ڕێگە نەدرێت بە بەفیڕۆدانی ئاو یان جۆرە كشتوكاڵێك، كە پێویستی بە ئاوی زۆرە. سەرپەرشتیاری ئیدارەی گەرمیان داواشی لە حكومەتی هەرێم كرد، بودجەیەك بۆ وشكەساڵی ناوچەكە تەرخان بكات تا بتوانین بەپێی پلانی وشكەساڵی كێشەی جوتیاران و خاوەن ئاژەڵەكان چارەسەر بكەین لە دابینكردنی ئاو و ئالیك و بنەتۆو.
خەڵك- وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 1228 حاڵەتی تووشبوون بە كۆرۆنا تۆماركراوە و 15 كەسیش گیانیان لەدەستداوە. وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، 10176 پشكنین ئەنجام دراوە و دەركەوتووە لە هەولیر 179 كەس و سلێمانی 442 كەس و لە گەرمیان 69 كەس و دهۆك 477 و هەڵەبجە 38 كەس و ڕاپەڕین 23 كەس تووشی كۆرۆنا بوون. ئاشكراشی كردووە، كە 406 كەس چاكبوونەوە و 15 كەسیش گیانیان لەدەستداوە، كە 7 كەسیان لە دهۆك بوون.
خەڵك- سەرچاوەیەكی دادوەریی، ئاماژە بە دەرچوونی فەرمانی بانگهێشتكردنی پارێزگاری كەركوك و ژمارەیەك لە بەرپرسانی پارێزگەكە دەكات بەپێی ماددەی 340ی یاسای سزادان. ئەمڕۆ سێ‌ شەممە، سەرچاوەیەكی دادوەریی بە میدیاكانی عیراقی ڕایگەیاند"دادوەریی فەرمانی بانگهێشتكردنی بۆ ڕاكان جبوری پارێزگاری ئێستای كەركوك و ئەحمەد متەر عەبد بەڕێوەبەری بەشی گرێبەستە حكومییەكان و سەدام حسێن حەبیب بەڕێوەبەری گشتی پلاندانان و فاتیمە حەیدەر محەمەد بەڕێوەبەری بەشی ئەندازیاری و عوسمان محەمەد قارەمان بەڕێوەبەری پێشووی بەشی ژمێریاری دەركردووە بەپێی ماددەی 340 كە پەیوەندی بە سەرپێچییەكانەوە هەیە لە كڕینی كاڵاو و پێداویستی بۆ بارەگای نوێی پارێزگاكە و هۆڵەكانی چاوەڕوانی و گەیاندنی كارەبا". بە وتەی ئەو سەرچاوەیە"ماددەی 340 لە یاسای سزاكانی عیراق، ئاماژە بە سەپاندنی سزای حەوت ساڵ زیندانی دەكات بەسەر هەر فەرمانبەرێك كە كە بەشێوەی ئەقەست زیان بە دارایی یان بەرژەندی ئەو شوێن و جێگەیە دەگەیەنێت كە كاریی تێدا دەكات".
خەڵك- جوای لێدوانی بەرپرسانی عیراق بۆ مانەوەی بەهای دۆلار بە بەرزی تا چەند ساڵێك، ئەمڕۆ نرخی 100 دۆلار گەیشتە نزیكەی 150 هەزار دینار. خاوەنی نووسینگەیەكی ئاڵوگۆڕی دراو لە سلێمانی بۆ (خەڵك) ڕایگەیاند، پێش نیوەڕۆی ئەمڕۆ نرخی 100 دۆلار بۆ 148 هەزار دینار بەرزبووەوە، بەڵام دوانیوەڕۆ جارێكی دیكە بەرزبوونەوەی تۆماركرد و گەیشتە 149 هەزار و 500 دینار. بە وتەی ئەو شارەزایەی بواری دراو، دوو هۆكار هەیە بۆ بەرزبوونەوەی نرخی دۆلار، كە لێدوانی بەرپرسانی عیراق و بانكی ناوەندییە لەگەڵ كەمی خستنە بازاڕی دۆلار لەلایەن بانكی ناوەندییەوە.

بیتكۆین گەیشتە سەروو 60 هەزار دۆلار

كوردستان جەلال

هەواڵ بڵاوکراوەتەوە: 13/03/2021

خەڵك
ئەمڕۆ بەهای بیتكۆین ژمارەیەكی پێوانەیی تۆمار كرد و گەیشتە سەروو 60 هەزار دۆلار.

ماڵپەڕی كۆیندێسك كە تایبەتە بە دراوە جیهانیەكان بڵاویكردەوە نرخی ئەمڕۆی بیتكۆین گەیشتە سەرووی 60 هەزار و 132 دۆلار.

بیتكۆین (بە ئینگلیزی: Bitcoin) دراوێكی ڕەمزیی و سیستەمێكی پارەدانی جیهانییە كە وەكوو پارەی بێپاڵپشت بەكاردێت.