سەردێر

دووەمین پێشانگای تایبەتی ئێران لە سلێمانی بەڕێوە دەچێت

 

خەڵك-بەشی هەواڵ

سەركونسوڵی كۆماری ئیسلامی ئێران لە سلێمانی ڕایگەیاندووە دووەمین پێشانگای تایبەتی كۆماری ئیسلامی ئێران لە سلێمانی لە مانگی ئایاری ئەمساڵ بەڕێوەدەچێت.

مەهدی شوشتەری سەركونسوڵی كۆماری ئیسلامی ئێران لە سلێمانی رایگەیاند ، دووەمین پێشانگای تایبەتی كۆماری ئیسلامی ئێران لە سلێمانی بەپێی مۆڵەتی دەستەی پەرەپێدانی بازرگانی ئێران لە 25 تاكو 29ی ئایاری 2021 ی زاینی لە ناوەندی پێشانگای نێودەوڵەتی سلێمانی بەڕێوەدەچێت.

سەركونسوڵی كۆماری ئیسلامی ئێران وتیشی، خواستی بازرگانان و بەكارهێنەرانی هەرێمی كوردستانی عێراق بۆ كاڵا و بەرهەمە ئێرانیەكان زۆرە.

شوشتەری ئاماژەی بەوەشكرد كە كۆمپانیای پێشانگا هەمیشەییە نێودەوڵەتیەكانی باشوری ئازەربایجانی ڕۆژئاوایی جێبەجێكاری ئەم پێشانگایە دەبێت و خوازیاران دەتوانن بەمەبەستی تۆماركردنی ناو بۆ بەشداری كردن لەم پێشانگایەدا، پەیوەندی بە كۆمپانیای ناوبراوەوە بكەن.

No description available.