سەردێر

“عیراق پێنجەم وڵاتە لە یەدەگی نەوتی جیهاندا”

دامەزراوەی GFPی جیهانی تایبەت بە ڕیزبەندی كردن ئاشكرایكرد، لە ڕیزبەندی ئەو وڵاتانەی زۆرترین نەوتی یەدەگیان هەیە، عیراق لە ڕیزبەندی پێنجەمدا دەبینرێت.


دامەزراوەی GFP لە ڕاپۆرتێكدا بڵاویكردوەتەوە: عیراق خاوەنی 148 ملیار و 800 ملیۆن بەرمیل نەوتی یەدەگە، بەوەش پێگەی پێنجەمی هەیە لەناو ئەو وڵاتانەی زۆرترین نەوتی یەدەگیان هەیە.

بەپێی ڕاپۆرتەكە: لە پلەی یەكەمدا فەنزویلا دێت كە خاوەنی 302 ملیار و 300 ملیۆن بەرمیل نەوتی یەدەگە ئەوەش لەناو 92 دەوڵەتی جیهاندا كە خاوەنی نەوتی یەدەگن، بەدوای ئەویشدا سعودیە دێت بە 266 ملیار و 200 ملیۆن بەرمیل، هەرچی وڵاتی كەنەدایە خاوەنی 170 ملیار و 500 ملیۆن بەرمیلە و لەپلەی سێیەمدا دەبینرێت.

لە پلەی چوارەمیشدا ئێران دەبینرێت كە خاوەنی 157 ملیار و 200 ملیۆن بەرمیل، پلەی شەشەمیش لە دوای عیراق بۆ ئیماراتە و خاوەنی 97 ملیار و 800 ملیۆن بەرمیلە، وڵاتی ئەسیوپیاش لە كۆتا پلەی ڕیزبەندییەكەدایە بە 428 هەزار بەرمیل.

خەڵك – بەشی هەواڵ



هەلبژاردە

گرنگترینەکان