سەردێر

حكومەتی هەرێم دەرگای دامەزراندنی كردەوە

خەڵك-
وەزارەتی ناوخۆی حكومەتی هەرێمی كوردستان هەلی دامەزراندن بۆ 184 كەس لە هەڵگرانی بڕوانامەی ناوەندی و ئامادەیی و پەیمانگا و زانكۆ ڕادەگەیەنێت و مەرجەكانی پێشكەشكردنی فۆڕم بڵاودەكاتەوە.

وەزارەتی ناوخۆی هەرێم لە ماڵپەڕی فەرمی خۆی ڕایگەیاندووە، پێویستی بە دامەزراندنی (184) كەس هەیە وەك پۆلیسی پیادە لەسەر میلاكی بەرێوەبەرایەتی پۆلیسی گشتی و بەرێوەبەرایەتی پۆلیسی پارێزگای هەولێر.

ڕوونیشی كردۆتەوە، “لەو ژمارەیەك 50 كەسیان دەرچووی ناوەندی و هەروەها 50 كەس لە دەرچووانی ئامادەیی (زانستی ، وێژەیی، بازرگانی، پیشەسازی) و 25 كەس دەرچووی پەیمانگای كۆمپیوتەر و 59 كەس لە هەڵگرانی بڕوانامەی بەكالیۆریۆس (زانكۆ) لە پسپۆڕییەكانی (بایلوجی، كیمیا، فیزیا، زانستی كۆمپیوتەر/ ئەندازەیی كۆمپیوتەر، بەكالوریوس بە شێوەی گشتی”.

وەزارەتی ناوخۆ مەرجەكانی پێشكەشكردنی داواكاری لەم خاڵانەدا دیاری كردووە:
1. بۆ ڕەگەزی نێر درێژی لە (170 سم) كەمتر نەبێت و بۆ ڕەگەزی مێ لە (160 سم) كەمتر نەبێت.
2. تەمەنی لە (18) ساڵ كەمتر نەبێت و لە (35) ساڵ زیاتر نەبێت.

جەختیشی كردۆتەوە، هەر (25) كەس لەسەر (1) پلەی وەزیفی پێشبركێ دەكەن و دوای پۆلێنكردنی فوڕمەكان بە شێوازی تیروپشك ئەو (184) پلە وەزیفیە یەكلادەكرێتەوە.

بۆ پڕكردنەوەی فۆڕم كلیك لێرە بكەن