سەردێر

ئاماری نەوتی فرۆشراوی عێراق

خەڵك-

وەزارەتی نەوتی عێراق ئاماری فرۆشتنی نەوتی لە مانگی رابردوو ئاشكراكرد.

وەزارەتی نەوتی عێراق رایگەیاند مانگی مانگی رابردوو 88 ملیۆن و 922 هەزار و 697 بەرمیل نەوتی خاو فرۆشراوە.

ئاشكراشیكرد داهاتی نەوتی خاوی فرۆشراو لە مانگی رابردوودا 4 ملیار و 765 ملیۆن دۆلار بووە.

ئاماژەی بەوەشكرد، تێكڕای نرخی نەوتی فرۆشراو 53.586 دۆلار بووە بۆ هەر بەرمیلێك.

ئەمە لە كاتێكدا رۆژانە نرخی نەوت بەرز دەبێتەوە، ئەمڕۆ نرخی گرێبەستە دواخراوەكان لە لەندەن بە رێژەی 1.4 بۆ 65.21 دۆلار بۆ هەر بەرمیلێك نەوت بەرز بووەوە.

ئەمەش بەهۆ كاری ئەو شەپۆلی بەفرەی تێكساسی گرتووەتەوە كە بووە بەهۆی بڕینی وزەی كارەبا لە سەرانسەری نێوەڕاستی ئەمریكا، بەهۆیەوە بەرهەمهێنانی نەوت بە رێژەی 4 ملیۆن بەرمیلی رۆژانە كەمیكردووە.