سەردێر

حكومەتی هەرێم هەلی دامەزراندنی بۆ هاتووچۆ ڕاگەیاند

خەڵك-

وەزارەتی ناوخۆی حكومەتی هەرێمی كوردستان هەلی دامەزراندنی بۆ هاتووچۆی هەولێر كردەوە و جەختیشی كردۆتەوە، دەبێت هەڵگری بڕوانامەی بە كالۆریۆس بن.

وەزارەتی ناوخۆی هەرێم لەراگەیەندراوێكدا ئاماژەی بەوەكردووە، بەرێوەبەرایەتی هاتوچوی پارێزگای هەولێر پێویستی بە دامەزراندنی (15) كەس هەیە لەسەر میلاكی هەمیشەیی بە پلەی پولیسی پیادە تەنها بۆ هەلگرانی بڕوانامەی بەكالۆریۆس لە بواری (ژمێریاری و ئای تی) بە مەبەستی دامەزراندن لە بەشی ژمێریاری و ئای تی بەڕێوەبەرایەتی ناوبراو.

ڕاشیگەیاندووە، وەزارەتی ناوخۆ سیستەمی دامەزراندنی ئەلكترونی داناوە، كە هەر هاووڵاتیەك ئارەزوی دامەزراندنی هەیە داتوانیت ئەم سیستەمە بە كار بێنیت بو ناردنی زانیارییاكان یەكسەر بو لێژنەی باڵای دامەزراندن.

ڕوونیشی كردۆتەوە، لە كاتی دەستپێكردنی پرۆسەی پڕكردنەوەی زانیارییەكان كودێكی تایبەت وەردەگری و نابێت دوو جار فۆڕم پڕبكەیتەوە، چونكە داواكارییەكە ڕەتدەكرێتەوە و ده‌بێت زانیارییه‌كانی داواكراو به‌ دروستی پربكرێته‌وه‌ و هه‌ر جیاوازییه‌ك هه‌بێت له‌ زانیارییه‌كان داواکارییەکە به‌ هه‌ڵوه‌شاوه‌ ئه‌ژمار ده‌كرێت.

لێرەوە فۆڕم پڕدەكرێتەوە