سەردێر

وەزارەتی دارایی دەربارەی خانەنشینی فۆڕمێك بڵاودەكاتەوە

خەڵك-
وەزارەتی دارایی و ئابووری حكومەتی هەرێمی كوردستان سەبارەت بە كۆكردنەوەی زانیاری لەسەر خانەنشینی پلە تایبەتەكان فۆڕمێك بڵاودەكاتەوە و جەختدەكاتەوە، كە دەبێت لە ماوەی 10 ڕۆژدا پڕبكرێتەوە.

بەڕێوەبەرایەتی گشتی خانەنشینی هەرێم لە گشتاندنێكدا دوو فۆڕمی ئاڕاستەی بەڕێوەبەرایەتییەكانی خانەنشینی كردووە و ئاماژەی بەوەكردووە، “ئاگاداری پلە تایبەتەكانی خانەنشینی دەكەینەوە هەر وەكو پێشتریش ئاگاداركراونەتەوە پێویستە فۆرمی زانیاری خانەنشینانی پلە تایبەت لە ماوەی 10 ڕۆژدا لە لایەن بەڕێوبەرایەتیەكانیانەوە پڕبكەنەوە”.

ئاماژەی بەوەشكردووە، “بۆ ئەوەی لە كاتی دابەشكردنی مووچەی مانگی شوبات كێشەیان بۆ دروست نەبێت”.

بەپێی یاسای چاكسازی، كە زیاتر لە ساڵێكە لە پەڕلەمانی كوردستان دەرچووە، هەموو ئەو فەرمانبەر و خانەنشینانەی بەبێ‌ شایستەیی خۆیان پلەیان پێ‌ دراوە لێیان وەردەگیرێتەوە.

me_ga.php?id=2584me_ga.php?id=2585