سەردێر

خەڵك؛ دواین بڕیار بۆ وەرگرتنی 500 هەزار لە سەوزە و میوەفرۆشەكان ئاشكرادەكات

خەڵك-ئارام سەردار
سەرۆكایەتی شارەوانیی هەولێر وەرگرتنی بڕی ٥٠٠ هەزار دینار مانگانە لە سەوزە و میوەفرۆشانی سەر شەقامەكانی هەولێر ڕەت دەكاتەوە و بەهەواڵێكی بێ بنەما لەقەڵەمی دەدات.

سیامەند كەریم، بەڕێوەبەری ڕاگەیاندنی سەرۆكایەتی شارەوانی هەولێر بە(خەڵك)ی ڕاگەیاند، ئەو دەنگۆیانەی بڵاوكراونەتەوە سەبارەت بە وەرگرتنی بڕی ٥٠٠ هەزار دینار مانگانە لە سەوزە و میوەفرۆشانی سەر شەقامەكانی هەولێر دوورە لەڕاستیەوە، كە لەلایەن بەشێك لەڕاگەیاندنەكان بڵاوكراوەتەوە.

دەشڵێت: “ئێمە لە كاتێكدا سەرلەبەری ئەو هەواڵە ناڕاستە ڕەت دەكەینەوە، نیگەرانیشین بەشێك لەمیدیاكان بەبێ گەڕانەوە بۆ لایەنە پەیوەندیدارەكان هەواڵی بێ بنەما بڵاو دەكەنەوە”.

ئەوەشی خستەڕوو، داواكارین لە هەموو دەزگا میدیاییەكان، بە شێوەیەكی پڕۆفێشناڵانە ڕەفتار لەگەڵ هەواڵەكان بكەن و دوای دڵنیابوونەوە لە ڕاستی و دروستی هەواڵەكان، ئەوسا بڵاو بكرێنەوە، بەپێچەوانەوە ناچار دەبین ڕێكاری یاسایی بگرینەبەر.



هەلبژاردە

گرنگترینەکان