سەردێر

خشتەی دابەشكردنی مووچە بە لێبڕینەوە بڵاوكرایەوە

خەڵك- بەشی هەواڵ
وەزارەتی دارایی و ئابووری هەرێم خشتەی دابەشكردنی مووچەی مانگی 11ی فەرمانبەران و خانەنشینان بڵاودەكاتەوە.

بەپێی ئەو خشتەیەی لەلایەن وەزارەتی دارایی هەرێمەوە بڵاوكراوەتەوە و وێنەی دەست (خەڵك) كەوتووە، ڕۆژی یەك شەممە 24-1-2021 دەست بە دابەشكردنی مووچەی مانگی 11ی ساڵی ڕابردووی فەرمانبەران دەكرێت و سەرەتا بە وەزارەتی تەندروستی و پێشمەرگە و دارایی دەستپێدەكات.

هەر بەپێی خشتەكە، لەماوەی یەك هەفتەدا مووچەی تەواوی مووچەخۆران بە خانەنشینانیشەوە دابەش دەكرێت.

پێشتر وەزارەتی دارایی هەرێم لە ڕوونكردنەوەیەكدا ئاماژەی بەوەكردبوو، كە ڕۆژی یەك شەممە دەست بە دابەشكردنی مووچە بە لێبڕینی 21% بۆ فەرمانبەران و 50% بۆ پلە باڵاكان دەكەن.