ئێمە لە تۆرە کۆمەڵایەتیەکان

عێراق

رەغدی كچی سەدام سەرەخۆشی لە بنەماڵەكەی كردووە
عزەت دوری جێگری سەرۆكى رژێمی پێشووی عیراق لە تونس كۆچی دوایی كرد

خەڵك- بەشی هەواڵ
عزەت ئیبراهیم دوری جێگری سەرۆك كۆماری رژێمی پێشووی عیراق، لە وڵاتی تونس كۆچی دوایی كرد.

بەپێی ماڵپەڕی (سكای پرێس)ی عیراقی، دوێنێ‌ چوار شەممە، عزەت ئیبراهیم دوری جێگری سەرۆك كۆماری پێشووی رژێمی عیراق، بەهۆی نەخۆشییەوە لە وڵاتی تونس كۆچی دوایی كردووە.

هەر لەو چوارچێوەیەدا، ماڵپەڕەكە باس لەوە دەكات كە رەغد كچە گەورەی سەدام حسێن سەرۆكی لەسێدارەدراوی عیراق، پرسەنامەی رەوانەی بنەماڵەی دووری كردووە كە یەكێك بوو لە هاوڕێ‌ نزیكەكانی باوكی.

(سكای پرێس) لە زاری سەرچاوەیەكی نزیك لە (هەیسەم ئەلهەرەش) پارێزەری رەغد سەدام حسێن، بڵاویكردۆتەوە كە (الهەرەش) لەلایەن رەغدەوە راسپێدراوە پرسەنامە بەبۆنەی مردنی عزەت دوری جێگری سەرۆك كۆماری پێشووی عیراق، بگەیەنێتە بنەماڵەكەى.

هەر بە وتەی ئەو سەرچاوەیە”دوری دوێنێ‌ چوار شەممە لە یەكێك لە نەخۆشخانەكانی تونس لەپاش ململانێیەكی زۆر لەگەڵ نەخۆشییەك لە خوێنیدا، مردووە”.

ناوی عزەت دوری وابەستەی زۆرێك لە كارە تیرۆریستییەكان كراوە لەپاش روخانی رژێمی بەعس، لە زۆر تۆماریی ڤیدیۆییشدا دەركەوتووە كە رێنمایی داوەتە گروپە چەكدارەكانی سەر بە بەعس و هێرشی كردۆتە سەر حكومەتی عیراقی.

حكومەتی عیراقی كوژرانی عزەت دوری لە پرۆسەیەكی سەربازیدا راگەیاند، بەڵام دواتر دوری لە تۆمارێكی ڤیدیۆییدا دەركەوت و هەواڵەكی كوژرانەكەی بەدرۆخستەوە.

عێراق

مافی مرۆڤ: لە عیراق ملیۆنێك ئاوارە و دوو ملیۆن بێكار هەن

خەڵك- بەشی هەواڵ
كۆمیسیۆنی مافەكانی مرۆڤی سەر بە نەتەوە یەكگرتووەكان، لە میانی ئاهەنگ گێڕان بە بۆنەی یادی 70 ساڵەی دەرچوونی جاڕنامەی جیهانی مافی مرۆڤەوە ڕایگەیاندووە، ڕەوشی مافی مرۆڤ لە عیراق باش نییە و ڕوو لە خراپبوونە.

كۆمیسیۆنی باڵای مافەكانی مرۆڤی سەر بە نەتەوە یەكگرتووەكان لە بەیاننامەیەكدا ڕایگەیاندووە، “بەرگریكاران لە مافەكانی مرۆڤ، هەڵوەستە دەكەن و بیر لە ڕەوشی مافەكانی مرۆڤ دەكەنەوە لە وڵاتەكانیان”، ئاماژەی بە خراپی مافەكانی مرۆڤیش كردووە لە عیراق بەهۆی ئەو ڕووداوانەی لەماوەی چەند ساڵی ڕابردوودا لە وڵاتەكە ڕوویاندا.

كۆمیسیۆنی باڵای مافەكانی مرۆڤ دەڵێت: “بەهۆی ئەو ڕووداوانەوە، مافی ئابوری و كۆمەڵایەتی و كلتوری و تەنانەت سیاسی و مەدەنی عیراقییەكان پێشێلكراوە”.

لە بەیاننامەكەی كۆمیسیۆنی مافەكانی مرۆڤدا هاتووە، “بەپێی دوایین ئامار، ژمارەی ئەوانەی لە خانووە لاوەكی و داڕوخاوەكاندا دەژین دەگاتە (400 هەزار) خێزان، ئەو پارێزگایانەش، كە دەستی تیرۆریان پێگەیشت، بە ئاوەدان نەكراوی ماونەتەوە، وێڕای بوونی زیاتر لە (300 هەزار) خێزانی ئاوارە، كە لە خێوەتگەكاندا دەژین، تائێستاش دوو ملیۆن ئاوارە هەن و زیاتر لە دوو ملیۆن بێكاریش لە وڵاتەكەدا هەیە”.

بەپێی بەیاننامەكە، “فێركاریی لە عیراق نەگەیشتۆتە ئاستی پێویست، تائێستاش زیاتر لە (2177 خوێندنگە) تەواونەكراون و (200 هەزار خوێنكار) لە خوێندن دەرنەچوون”.

كۆمیسیۆنی باڵای مافەكانی مرۆڤی سەر بە نەتەوە یەكگرتووەكان ڕایگەیاندووە، “لە دوای تێپەڕینی 70 ساڵ بەسەر جاڕنامەی جیهانی مافی مرۆڤ، تائێستاش ژنان و كچان توندوتیژییان بەرانبەر دەكرێت و لە خوێندن بێ‌ بەش دەكرێن”، ئاماژەی بە هەڵدانەوەی 194 گۆڕی بەكۆمەڵ كردووە، لەگەڵ بوونی 200 گۆڕی بەكۆمەڵی تر، كە گۆڕی قوربانیانی دەستی تیرۆرن و هێشتا هەڵنەدراونەتەوە.

بەردەوام بە لە خوێندنەوە

عێراق

كازم ساهر داواكەی موقتەدا سەدری قبوڵكرد

خەڵك- بەشی هەواڵ
هونەرمەندی عیراقی كازم ساهر، داوایەكی موقتەدا سەدر، ڕابەری ڕەوتی سەدر قبوڵ دەكات سەبارەت بەوەی، كە گۆرانی (سلام علیك) بكرێتە سرودی نیشتمانی عیراق.

بەپێی تۆڕی (نواعم)ی عەرەبی، كازم ساهر مەرجی هەیە لەگەڵ سەردانی عیراقدا گۆرانییەكە وێنە بگیرێت، دوای ئەوەی لەلایەن پەرلەمانەوە بە تەواوەتی ڕەزامەندی لەسەر دەردەبڕدرێت، تا سەرلەنوێ‌ دابەشكردن و شێوازی ئاوازی ئۆركێستراكەی، تۆماربكرێتەوە.

یەكێك لە مەرجەكانی كازم ساهر ئەوەیە، “دەبێت ئەو كۆڕاڵەی لەگەڵ قەیسەردا دەبێت، لە خوێندكارانی خوێندنگەكانی عیراق بن”.

پێشتر موقتەدا سەدر، ڕابەری ڕەوتی سەدر، ستایشی هونەرمەند كازم ساهری كردبوو، خۆشحاڵیشی دەربڕی بە گەڕانەوەی بۆ عیراق لەپێناو وتنەوەی گۆرانی (سلام علیك.. علی رافدیك.. عیراق القیم)، ئەمەش بە وتەی سینان عەزاوی، هونەرمەند و دەرهێنەری عیراقی.

عەزاوی لە نوسینێكیدا لەسەر هەژماری تایبەتی خۆی لە فەیسبووك ڕایگەیاندبوو، “چاوی بە موقتەدا سەدر كەوتووە و لە چاوپێكەوتنەكەدا، سەدر ستایشی قەسیدەكەی كردووە، كە وەك سرودێكی نیشتمانی وتراوە و داوای لێكردووە، ئەو سرودە لە موسڵ بڵێتەوە، وەك دوایین خاكی عیراق، كە لە دەست ڕێكخراوی داعش ڕزگار كرا”.

بە وتەی عەزاوی، “سەدر پێشنیاری كردووە، وتنی سرودەكە لە شوێنی مەناری حەدبای داڕوخاو لە موسڵ وێنە بیگرێت، چونكە بە هێز و بازوی عیراقییەكان و سوربونیان لەسەر مانەوە لە عیراقدا بنیات دەنرێتەوە”، باسی لەوەشكردبوو، كە لەلایەن سەدرەوە ڕاسپێردراوە بۆخۆی بەدواداچوون بۆ ئەو بابەتە بكات.

سینان عەزاوی ماوەیەك لەمەوبەر، هەڵمەتێكی لەژێر ناوی “گۆڕینی سرودی نیشتمانی داوایەكی نیشتمانییە” دەستپێكرد و داوای كرد هاوكاریی بكەن لە هەڵمەتی گۆڕینی سرودی نیشتمانی عیراقی.

گۆرانییەكەی (ساهر) كە بە (سلام علیك، علی رافدیك، عیراق القیم) دەناسرێت، لە ساڵی 2008دا تۆماركراوە و وتراوەتەوە، كە ڕۆژگاری شەڕی تایەفەگەری بوو لە عیراق، زۆرێك لە عیراقییەكان داوایان كردبوو ئەو گۆرانییە بكرێتە سرودی نیشتمانی عیراقی لە بری سرودی ئێستا، كە لەلایەن پەرلەمانەوە لە ساڵی 2005دا بەشێوەیەكی كاتی بە سرودی نیشتمانی پەسەندكرابوو.

بەردەوام بە لە خوێندنەوە

عێراق

بەرەی توركمانی: حكومەتی عیراق پێكهاتەی توركمانی پەراوێزخستووە

خەڵك- بەشی هەواڵ
سەركردەیەكی بەرەی توركمانی دەڵێت، سەرۆك وەزیرانی عیراق پێكهاتەی توركمانی لە عیراقدا پەراوێزخستووە، لەكاتێكدا توركمان پێكهاتەی سێیەمە لە وڵات و لە هاوكێشەی سیاسی و هاوكێشەكانی تردا قورسایی خۆی هەیە.

ئایدن مەعروف، سەركردە لە بەرەی توكمان لە لێدوانێكی تایبەت بە (خەڵك) ڕایگەیاند، “عادل عەبدولمەهدی، توركمانی لە حكومەتی نوێدا پەراوێزخستووە، ئەمەش لەكاتێكدایە، كە زۆرێك كێشە هەیە و گومانیش لەبارەی هەندێك لە وەزیرەكانی نێو حكومەتەكەی هەیە”.

بە وتەی ئایدن مەعروف، ئەوان وەك بەرەی توركمانی و پێكهاتەی توركمان لە عیراق، هەڵوێستی خۆیان دەبێت لەبەرانبەر ئەو پەراوێزخستنە، چونكە پێشینەیەكی مەترسیدارە، كە سێیەم پێكهاتەی وڵات پەراوێزبخرێت، لەكاتێكدا توركمانەكان كەسانی لێوەشاوە و زۆر بەتوانایان هەیە، كە دەكرێت لە دامەزراوەكانی دەوڵەتدا سودییان لێوەربگیرێت”.

حكومەتی نوێی عیراق بە سەرۆكایەتی عادل عەبدولمەهدی لە پەرلەمانی عیراق پەسەند كرا و 14 وەزیر سوێندیان خوارد و دەستبەكار بوون، بەڵام بەهۆی ناكۆكی و ململانێی لایەنە سیاسیەكانەوە تا ئێستا 8 وەزارەت یەكلایی نەبۆتەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین