ئێمە لە تۆرە کۆمەڵایەتیەکان

عێراق

وردەكاریی ڕووداوەكەش دەخاتەڕوو
وتەبێژی حەشد بۆ (خەڵك) ژمارەی قوربانیانی پەلامارەكەی دوێنێی مەخمور ئاشكرا دەكات


خەڵك- بەشی هەواڵ
وتەبێژی حەشدی توركمانی، وردەكاریی ڕووداوی پەلامارەكەی دوێنێی داعش بۆسەر كاروانێكی هێزەكانی حەشدی شەعبی لە ناوچەی مەخمور باس دەكات و ژمارەی قوربانیانی ئەو پەلامارەش ئاشكرا دەكات.

عەلی حسێنی، وتەبێژی حەشدی توركمانی لە لێدوانێكی تایبەت بە (خەڵك) ڕایگەیاند:”كۆمەڵێك لە هێزەكانی فەوجی (شهید الصدر) لیوای 15 كە بۆ مەئمورییەتی ئیداری چوبونە موسڵ، لە كاتی گەڕانەوەیان لەڕێگەی مەخمور- دبس، لەلایەن چەكدارانی داعشەوە پەلاماردرابوون”.

بە وتەی عەلی حسێنی:”رووداوەكە لە شەوی ڕابردوودا ڕویدا و داعش سودی لە تریكی شەو بینیی بوو بۆ پەلاماردانی هێزەكەی حەشد، وێڕای سەختی ناوچەكە كە ناوچەیەكی چۆڵ و دووردەستە، لەكاتی پەلامارەكەشدا، هێزەكانی حەشدی شەعبی مقاوەیان كرد، تا ئەو كاتەی هێزێكی تر عیراقی گەیشتبووە ناوچەكە”.

وتەبێژی حەشدی توركمانی دەڵێت:”لەئەنجامی ئەو پەلامارەی چەكدارانی ڕێكخراوی تیرۆریستی داعش، شەش كەس لە حەشدی شەعبی شەهید بوون و 31 كەسی تریش برینداربوون، لە نێوان بریندارەكاندا سیانیان برینەكەیان سەختە”.

عەلی حسێنی لەگەڵ ئەوەی خەمباری خۆی بەرانبەر بە ڕووداوەكە دەربڕی، پێیوابوو كە ناوچەكە هێشتا بە تەواوەتی لە چەكدارانی ڕێكخراوی داعش پاكنەكراوەتەوە.

عێراق

سەرۆك كۆماری عیراق: هەوڵە گرنگەكانی سوپای سپی بەرز دەنرخێنم


خەڵك – بەشی هەواڵ

د. بەرهەم ساڵح سەرۆك كۆماری عیراق ئێوارەی ئەمڕۆ سێ شەممە 2-6-2020 لە شاری بەغدا پێشوازیكرد لە حەسەن محەمەد تەمیمی وەزیری تەندروستی و ژینگە.

لە میانی دیدارەكەدا تاوتوێی پێشهاتەكانی دۆخی تەندروستی وڵات و رێكارەكانی چۆنیەتی خۆپارێزی لە ڕووبەڕووبوونەوەی ڤایرۆسی كۆرۆنا و ڕێگرتن لە بڵاوبوونەوەی كرا.

هەر لە دیدارەكەدا سەرۆك كۆمار ئاماژەیكرد بەگرنگی ڕەچاوكردنی میكانیزمێكی گونجاو بۆ بڵاوكردنەوەی هۆشیاری لەلای هاونیشتمانیان و ناساندنی ڕێنماییە پێویستەكان بۆ خۆدوورخستنەوە لە تووشبوون بە ڤایرۆسی كۆرۆنا، هەروەها دووپاتی لە پێویستی هاریكاری لە نێوان هاووڵاتیان و هێزە ئەمنییەكان و تیمەكانی تەندروستی كردەوە لە پابەندبوون بە ڕێنماییەكانی قەدەغەی هاتوچۆ و خۆبەدورگرتن لە كاریگەرییەكانی پەتاكە.

ھاوكات سەرۆك كۆمار، هەوڵە گرنگەكانی سوپای سپی، وەك هێڵی یەكەمی بەرگری لە بەگژداچوونەوەی كۆرۆنادا بەرزنرخاند.

لەبەشێكی تری دیدارەكەدا، باس لە چۆنیەتی دابینكردنی خزمەتگوزارییەكان و باشتركردنی دۆخی ژینگە لە عیراقدا كرا.

لەلای خۆیەوە وەزیری تەندروستی و ژینگە، ڕوونكردنەوەیەكەی دوور و درێژی لە بارەی هەوڵەكانی وەزارەت و كارمەندانی تەندروستی و تیمە تەندروستییەكانی لە بەگژداچوونەوەی ڤایرۆسەكە و كەمكردنەوەی كاریگەرییەكان و پاراستنی سەلامەتی هەمووانی پێشكەش بە سەرۆك كۆمار كرد.

بەردەوام بە لە خوێندنەوە

عێراق

ڕێگەنادات فەرمانبەران زەرەرمەندبن
مستەفا كازمی: دوو موچە و بندیوار ناهێڵین


خەڵك- بەشی هەواڵ
سەرۆك وەزیرانی عیراق ئاماژە بە نەهێشتنی دوو مووچە و بندیوار و كەمكردنەوەی خەرجییەكان دەكات، ڕەتیشیدەكاتەوە ڕێگە بدات فەرمانبەران و خانەنشینان و مووچەخۆرانی چاودێری كۆمەڵایەتی زیانیان پێبگات.

بەپێی تویتێك كە لەلایەن مستەفا كازمی سەرۆك وەزیرانی عیراقەوە بڵاوكرایەوە”ڕێگەنادەن ڕێگەچارەكانی قەیرانی دارایی لەسەر حیسابی مافی فەرمانبەران و خانەنشیان و مووچەخۆرانی چاودێری كۆمەڵایەتی بن”.

بە وتەی كازمی”ڕێگەنادەن چارەسەری قەیرانی دارایی لەسەر حیسابی ئەوانە بێت كە داهاتیان سنوردارە”.

سەرۆك وەزیرانی عیراق دەڵێت”بڕیارەكەی ئەوان، بۆ كەمكردنەوەی مووچەی سێ‌ سەرۆكایەتییەكە و پلە تایبەتەكان و  بەرپرسە باڵاكان و ڕاگرتنی دوو مووچەیی و مووچەی بندیوار و كەمكردنەوەی خەرجییەكانی حكومەمەتە”، جەختیشی لەسەر تێپەڕاندنی ئەو قەیرانە لەگەڵ عیراقییەكاندا كردۆتەوە.

پێشتر ئەحمەدی حاجی ڕەشید، ئەندامی لیژنەی دارایی لە پەرلەمانی عیراق، لە لێدوانێكیدا بۆ (خەڵك) ڕایگەیاند”پرۆژەیەك لەلایەن ئەنجومەنی وەزیرانی عیراقەوە ئامادەكراوە كە لێوەی تەواوی دەرماڵەكان كەمدەكرێنەوە”.

بە وتەی ئەحمەدی حاجی ڕەشید:”لەڕێی ئەم پرۆژەیەوە كە لەلایەن ئەنجومەنی وەزیرانی عیراقەوە ئامادەكراوە، كەمكردنەوەی مووچە هەموو فەرمانبەرانی عیراق دەگرێتەوە، جگە لەوانەی مووچەكانیان كەمترە لە 500 هەزار دینار”.

 

بەردەوام بە لە خوێندنەوە

عێراق

خوار 500 هەزار دينار ناگرێتەوە
حكومەتی عیراقیش مووچە كەمدەكاتەوە


خەڵك- بەشی هەواڵ
لە سایەی دابەزینی نرخی نەوت و كەمبوونەوەی داهاتەكانی وڵات، حكومەتی عیراق پەنا بۆ كەمكردنەوەی مووچە دەبات، ئەندامێكی لیژنەی دارایی پەرلەمانی عیراقیش دەڵێت، كەمكردنەوەكە ئەوانە ناگرێتەوە كە مووچەكانیان لە خوار 500 هەزار دینارەەوەیە.

ئەحمەدی حاجی ڕەشید، ئەندامی لیژنەی دارایی لە پەرلەمانی عیراق، لە لێدوانێكیدا بۆ (خەڵك) ڕایگەیاند”پرۆژەیەك لەلایەن ئەنجومەنی وەزیرانی عیراقەوە ئامادەكراوە كە لێوەی تەواوی دەرماڵەكان كەمدەكرێنەوە”.

بە وتەی ئەحمەدی حاجی ڕەشید:”لەڕێی ئەم پرۆژەیەوە كە لەلایەن ئەنجومەنی وەزیرانی عیراقەوە ئامادەكراوە، كەمكردنەوەی مووچە هەموو فەرمانبەرانی عیراق دەگرێتەوە، جگە لەوانەی مووچەكانیان كەمترە لە 500 هەزار دینار”.

بەپێی زانیارییە ڕۆژنامەوانییەكان، كەمكردنەوەی مووچەی لە حكومەتی عیراقدا لە سێ‌ سەرۆكایەتییەكەوە دەستپێدەكات، تا دەگاتە فەرمانبەران و كەمكردنەوەكەش لە 70%ی مووچەی سێ‌ سەرۆكایەتییەكەوە دەبێت، و بۆ 65%ی پەرلەمانتاران و 60%ی جێگرەكان و 60%ی وەزیرەكان پەرلەمانتاران و 65%ی بریكارەكان و 50ی دەرماڵەی فەرمانبەران شۆڕدەبێتەوە، پێشبینش دەكرێت ئەو بڕیارە لە مانگی داهاتووەوە جێبەجێ‌ بكرێت.

 

بەردەوام بە لە خوێندنەوە

کوردستان