ئێمە لە تۆرە کۆمەڵایەتیەکان

عێراق

بە وێنە.. بۆ یەكەمجار لە عێراقدا كچان نوسینی خۆشەویستی لەسەر دیواری گشتی دەنوسن


خەڵك- بەشی هەواڵ

میدیا و ماڵپەڕەكانی عێراق وێنەی دوو كچیان بڵاوكردۆتەوە، كە لەسەر دیواری یەكێك لە پردەكانی بەغداد نوسینی خۆشەویستی دەنوسن.

پێشتر دیواری شوێنە گشتییەكانی عێراق پڕكرابوون لە دروشم و نوسینی خۆشەویستی و هەندێكجاریش نوسینی ناشیاو و ژمارەی تەلەفۆن، بەڵام ئەمە یەكەمین جارە بە ئاشكرا كچان نوسینی خۆشەویستی بڵاوبكەنەوە.

دوای بڵابونەوەی ئەو وێنانە، ئەمیندارێتی بەغداد راگەیەندراوێكی بڵاوكردەوە و رایگەیاند، كە خەڵكانێكی نابەرپرسیار ئەو كارانە دەكەن و هەڕەشەی ئەوەیشی لێكردن كە بەپێی یاسا مامەڵەیان لەگەڵ دەكرێت.

ریکلام

عێراق

بەغدا، زیاتر لە 60 حاڵەتی توشبوون بە كۆرۆنا لە ڕەسافە تۆماردەكرێن


خەڵك- بەشی هەواڵ
سەرچاوەیەكی پزیشكی لە بەغدای پایاتەخت، تۆماركردنی زیاتر لە 60 حاڵەتی توشبوونی نوێ‌ بە ڤایرۆسی كۆرۆنا لە ڕەسافە ڕادەگەیەنێت.

سەرلەئێوارەی ئەمڕۆ چوار شەممە، سەرچاوەیەكی پزیشكی بە میدیاكانی عیراقی ڕاگەیاند”ئەمڕۆ زیاتر لە 60 حاڵەتی توشبوونی نوێ‌ بە ڤایرۆسی كۆرۆنا لە بەغدا/ رەسافە، تۆماركران”.

بە وتەی سەرچاوەكە”زۆربەی توشبووەكان لە سنوری ناوچەی گەڕەكی سەدردان”.

دوای ئەوەی بۆ ماوەیەك ئاستی توشبوون بە ڤایرۆسی كۆرۆنا لە عیراقدا ڕووی لە دابەزین كرد، ماوەی چەند ڕۆێكە وێڕای بەرزبوونەوەی پلەی گەرما، ڕێژەی توشبوونی زیاتر بە كۆرۆنا لە بەغدای پایتەخت و پارێزگەكانی تری عیراقدا تۆماردەكرێت، بۆ بەرگرتن لەم تەوژمە نوێیەش، لایەنە پەیوەندارەكان پەنا بۆ سەپاندنەوەی قەدەغەكردنی هاتووچۆی گشتگیردەبەن.

بەپێی دوایین ئاماری وەزارەتی تەندروستی عیراق، تائێستا ژمارەی تووشبوان بە ڤایرۆسی كۆرۆنا لە عیراقدا گەیشتۆتە 4848 كەس.

بەردەوام بە لە خوێندنەوە

عێراق

كەركوك، یەكێك لەوانەی دەغڵودانی هاووڵاتیانیان دەسوتاند دەستگیركرا


خەڵك- بەشی هەواڵ
بەڕێوەبەرایەتی هەواڵگری سەربازی عیراق، دەستگیركردنی “تیرۆریستێك كە بەروبومی كشتوكاڵی هاووڵاتیانی دەستوتاند لە ناحیەی زابی سەر بە پارێزگەی كەركوك” ڕادەگەیەنێت.

بەپێی بەیاننامەیەك كە ئەمڕۆ چوار شەممە لەلایەن دەزگای هەواڵگری سەربازییەوە بڵاوكرایەوە”مەفرەزەكانی بەشی هەواڵگری سەربازی لە فەوجی یەكی لیوای 51ی فیرقەی 14، بە پشتبەستن بە زانیاریی هەواڵگری ورد، توانیا یەكێك لەوانەی بەروبومی كشتوكاڵی هاووڵاتیانيان دەسوتاند لە گوندی زراریەی سەر بە ناحیەی زاب لە كەركوك، دەستگیربكەن”.

هەر لە بەیاننامەكەدا هاتووە”دەستگیركراوەكە برای دوو تیرۆریستە كە یەكێكیان بە 25 ساڵ زیندانی حوكمدراوە”، ئاماژەی بە ڕادەستكردنيشی كرد “بە لایەنە پەیوەندیدارەكان، تا ڕێوشوێنی یاسایی پێویستی لەدژ بگیرێتەبەر”.

 

بەردەوام بە لە خوێندنەوە

عێراق

دەرمانسازێكیش تووشی پەتاكە بوو
عیراق، گەنجێك بە كۆرۆنا گیانی لەدەستدا


خەڵك- بەشی هەواڵ
بەڕێوەبەرایەتی تەندروستی كەرخ، گیانلەدەستدانی لاوێك بە ڤایرۆسی كۆرۆنا ڕادەگەیەنێت.

ئەمڕۆ چوار شەممە، جاسب حەجامی بەرٍێوەبەری تەندروستی كەرخ لە بەیاننامەیەكدا ڕایگەیاند”بەداخەوە كەمێك پێش ئێستا (فورات عەبدولكازم فەتلاوی) تەمەن 44 ساڵ گیانی لەدەستدا كە برای (مەعن عەبدولكازم فەتلاوی) تەمەنی 37 ساڵانە و دوێنی بەهۆی هەمان نەخۆشییەوە گیانی لەدەستدابوو”.

بە وتەی حەجامی”پزیشكەكان هەموو هەوڵێكیان خستەگەڕ، لەوانەش پلازمای خوێنی ئەو نەخۆشانەیان پێدا كە نەخۆشییەكەیان پەڕاندووە و چاكبوونەتەوە، بەڵام هەموو ئەو هەوڵانە شكستخواردوو بوون”، باسی لە گیانلەدەستدانی برایەكی تری  فوراتيش كرد لەماوەی 24 كاتژمێری ڕابردوو كە ئەمەش بە بۆچوونی ئەو “مایەی كارەساتە و لەگەڵ ئەوەشدا خەڵكانێكی نەفام هەن تائێستاش ڕەتیدەكەنەوە نەخۆشییەكە بوونی هەبێت”.

هەر لەو چوارچێوەیەدا، لەمیا حەسناوی بەڕێوەبەری تەندروستی دیوانیە، تۆماركردنی دەرمانسازێكی دانیشتووی نەجەفی بە ڤایرۆسی كۆرۆنا ڕاگەیاند.

حەساوی لە بەیاننامەیەكدا ئاماژەی بە توشبوونی دەرمانسازێكی خەڵكی نەجەف كرد بە ڤایرۆسی كۆرۆنا كە لە نەخۆشخانەی شامیەی قەزای شامیە كار دەكات.

بە وتەی بەڕێوەبەری تەندروستی دیوانیە”توشبووەكە لە بەڕێوەبەرایەتی تەندروستی نەجەف تۆماركراوە”.

 

بەردەوام بە لە خوێندنەوە

کوردستان