ئێمە لە تۆرە کۆمەڵایەتیەکان

جیهان

ئەمریكا جارێكی تر هۆشداری توند دەداتە توركیا

خەڵك – بەشی هەواڵ

وەزارەتی دەرەوەی ئەمریكا جەختدەكاتەوە، ئەگەر توركیا سیستمی بەرگری مووشەكیی ئێس 400 لە ڕوسیا بكڕێت، ڕەنگە سزای جۆراوجۆری بەسەردا بسەپێنرێت.
ڕۆبێرت پالادینۆ جێگری وتەبێژی وەزارەتی دەرەوەی ئەمریكا لە كۆنفڕانسێكی ڕۆژنامەوانیدا ڕایگەیاند، هەڵوێستی ئەمریكا لەبارەی سیستمی بەرگری مووشەكیی ئێس 400 نەگۆڕاوە و هەوڵی توركیا بۆ كڕینی ئەو سیستمە لە ڕوسیا، بە جددی ئەمریكای نیگەران كردووە.
پالادینۆ ئاماژەی بەوەشكرد، دەخوازن لەبارەی سیستمی بەرگری ئاسمانیی لەگەڵ توركیا بەیەكەوە كاربكەن، ئەوەشی خستەڕوو، كە سیستمی پاتریۆت و سیستمەكانی تریان بۆ توركیا پێشنیار كردووە تا هەڵسەنگاندنیان بۆ بكات و وتی “بەڕوون و ئاشكرایی هۆشداریمانداوە لەبارەی ئەوەی ئەگەر توركیا سیستمی بەرگری مووشەكیی ئێس 400 لە ڕوسیا بكرێت، ئەوا دەبێتە هۆی ئەوەی دووبارە هەڵسەنگاندن بۆ بەشداریكردنی لە بەرنامەی فڕۆكەی جەنگی ئێف 35 بكرێت و گواستنەوەی چەك لە داهاتوودا بكەوێتە مەترسییەوە. ئەمە جگەلەوەی لە چوارچێوەی یاسای بەرەنگاربوونەوەی دوژمنەكانی ئەمریكا لە ڕێگای سزاكانەوە، گوزارشتمان لەوەكردووە كە ڕەنگە سەرجەم دەوڵەت و دامەرزراوە تایبەت و كەسەكانی بەشدار لە كڕینی سیستمی بەرگری مووشەكیی ئێس-400دا، ڕووبەڕووی سزا ببنەوە”.
پێشتر، مەولود چاوشئۆغڵۆ وەزیری دەرەوەی توركیا ڕەخنەی لە ئەمریكا گرتبوو كە ناڕازییە لە كڕینی سیستمی بەرگری مووشەكیی ئێس 400 و ڕایگەیاندبوو:” توركیا مافی ڕەوای خۆیەتی سیستمی بەرگری مووشەكی جۆری ئێس 400ی دروستكراوی ڕوسیا بكڕێت”.

جیهان

فەڕەنسا: داعش دەگەڕێتەوە سوریا و عیراق

خەڵك- بەشی هەواڵ
سەرۆك وەزیرانی فەڕەنسا ڕایدەگەیەنێت، بڕیارەكانی توركیا و ویلایەتە یەكگرتووەكان لە سوریا، بەرەنجامی خراپی بۆ ناوچەكە دەبێت و ئەو ڕێوشوێنانەی گیراونەتەبەر، بە دڵنیاییەوە دەبێتە مایەی گەڕانەوەی ڕێكخراوی داعش لە سوریا و عیراق.

ئیدوارد فیلیپ، سەرۆك وەزیرانی فەڕەنسا لە وەڵامی پرسیاری پەڕلەمانی وڵاتەكەی ڕایگەیاند، “گەڕانەوەی داعش لە باكووری خۆرهەڵاتی سوریا حەتمییە و ڕەنگە ڕێكخراوەكە بە هەمان شێوە لە باكووری خۆرئاوای عیراقیشیدا سەرهەڵبداتەوە، ئەمەش مانای خاپوركرنی ئاسایشی ئێمە دەگەیەنێت”.

سەرۆك وەزیرانی فەرەنسا، واشنتن-ی بە ڕێگەدان بە هێرشەكەی توركیا و پشتیوانیكردن لە هێرشەكە تۆمەتبار كرد، كە لەڕێی بڕیاری پاشەكشەپێكردنی هەزار سەربازی ئەمریكایی بوو بەشێوەیەكی تاكلایەنە لە سوریا.

ئەم لێدوانانەی ئیدوارد فیلیپ لەكاتێكدایە، كە هێزەكانی سوپای توركیا ئۆپەراسیۆنێكی سەربازی لە باكووری خۆرهەڵاتی سوریا بەڕێوەدەبەن و دەیان هاووڵاتی مەدەنی كوردیان شەهید و بریندار كردووە، بەڵام بەو پێیەی دەستدرێژییە بۆ سەر دەوڵەتێكی تر، بەشێوەیەكی فراوان ڕووبەڕووی ڕەخنەیەكی زۆر بۆتەوە.

لە 9ی تشرینی یەكەمی 2019، سوپای توركیا لەڕێی بۆردومانی فڕۆكە جەنگییەكانی، هێرش و پەلامارەكانی بۆسەر شار و شارۆچكەكانی ڕۆژئاوا دەستپێكرد، دەستپێكردنی ئەم هێرش و پەلامارانەش، هاوكات بوو لەگەڵ ڕاگەیاندنی پاشەكشەكردنی هێزەكانی ئەمریكا لە ناوچەكانی باكووری خۆرهەڵاتی سوریا، كە لەلایەن كوردەوە بەڕێوەدەبرێن.

بەردەوام بە لە خوێندنەوە

جیهان

ئەنجوومەنی ئاسایش دەربارەی هێرشەكانی توركیا بۆ سەر ڕۆژئاوا كۆدەبێتەوە

خەڵك- بەشی هەواڵ
بۆ جاری دووەم ئەنجوومەنی ئاسایشی نێودەوڵەتی دەربارەی هێرشە داگیركارییەكەی توركیا بۆ سەر خاكی ڕۆژئاوای كوردستان كۆدەبێتەوە.

سەرچاوەیەكی دبلۆماسی بە ئاژانسی (فرانس پرێس)ی ڕاگەیاندووە، كە ئەندامانی ئەنجوومەنی ئاسایشی نێودەوڵەتی داوایان كردووە سبەینێ‌ كۆبوونەوەیەكی دیكەی داخراوی ئەنجوومەنەكە ئەنجام بدرێت دەربارەی هێرشی توركیا بۆ سەر باكووری سوریا.

ڕۆژی پێنج شەممەی ڕابردووش ئەنجوومەنی ئاسایش لەسەر داوای بەلجیكا و ئەڵمانیا و فەڕەنسا و پۆڵەندا و بەریتانیا كۆبووەوە بەشێوەی داخرا، بەڵام تەنها وڵاتانی ئەوروپای ناو ئەنجوومەنەكە بەیاننامەیەكیان دەركرد و تێیدا داوای ڕاگرتنی هێرشە سەربازییەكانیان كرد و هەریەكە لە ڕوسیا و چین ڤیتۆیان بەكارهێنا دژی ئەو پڕۆژەیەی ئەمریكا ئامادەی كردبوو، كە تێیدا داوای كردبوو توركیا كۆتایی بە پڕۆسە سەربازییەكانی بهێنێت.

بەردەوام بە لە خوێندنەوە

جیهان

مۆسكۆ: سوپای سوریا بە تەواوەتی مەنبج كۆنتڕۆڵ دەكات

خەڵك- بەشی هەواڵ
وەزارەتی بەرگری ڕوسیا ڕایدەگەیەنێت، سوپای سوریا بەشێوەیەكی تەواوەتی شاری مەنبج و دەورووبەری كۆنتڕۆڵ دەكات، ئەمەش لەكاتێكدایە، كە دیمەشق هێزە سەربازییەكانی لە باكووری سوریا بۆ بەرپەرچدانەوەی هێرشەكەی توركیا بڵاوەپێكردووە.

ئەمڕۆ سێ‌ شەممە، وەزارەتی بەرگری ڕوسیا لە بەیاننامەیەكدا ڕایگەیاند، “سوپای حكومەتی سوریا، بەشێوەیەكی تەواوەتی شاری مەنبج و دەورووبەری كۆنتڕۆڵ كرد”.

ئاژانسی (RT)ی ڕوسیاش، باس لە چۆڵكردنی تەواوەتی بنكە سەربازییەكەی ئەمریكا دەكات لە باشووری خۆرئاوای مەنبەج، بەر لە چوونەناوەی هێزەكانی سوپای سوریا بۆ ناوچەكە.

لە 9ی تشرینی یەكەمی 2019، سوپای توركیا لەڕێی بۆردومانی فڕۆكە جەنگییەكانی، هێرش و پەلامارەكانی بۆسەر شار و شارۆچكەكانی ڕۆژئاوا دەستپێكرد، دەستپێكردنی ئەم هێرش و پەلامارانەش، هاوكات بوو لەگەڵ ڕاگەیاندنی پاشەكشەكردنی هێزەكانی ئەمریكا لە ناوچەكانی باكووری خۆرهەڵاتی سوریا، كە لەلایەن كوردەوە بەڕێوەدەبرێن، دوابەدوای ئەمەش هێزەكانی سوریا دیموكرات بۆ بەرگرتن لە هەڵمەتی سەربازی توركیا، لەگەڵ حكومەتی دیمەشق ڕێككەوتنی كرد و لەئێستاشدا سوپای حكومەتی سوریا لە زۆربەی ناوچەكانی باكووری خۆرهەڵاتی وڵاتەكە بڵاوبوونەتەوە.

بەردەوام بە لە خوێندنەوە

کوردستان