عێراق بڕیارێكی بۆ دامەزراندنی دەرچووانی زانكۆكانی هەرێم دەركرد


دوابەدوای بڕیاری ئەنجوومەنی وەزیرانی عێراق بۆ دامەزراندنی سێ‌ یەكەمەكانی زانكۆ حكومییەكان، پەرلەمانتارێكی كورد لە بەغدا ئاشكرای دەكات، سێ‌ خوێندكارە یەكەمەكانی زانكۆ حكومییەكانی هەرێم و هەڵگرانی بڕوانامەی خوێندنی باڵاى هەرێم دەگرێتەوە.

دز بڕیار ڕەشید، ئەندامی پەرلەمانی عێراق بۆ (خەڵك) ڕایگەیاند، دامەزراندنی سێ خوێندكارە یەكەمەكان، خوێندكارانی ناو هەرێم دەگرێتەوە، كە لە زانكۆ و پەیمانگا حكومییەكان تەواویان كردووە و ۹٦ ناوی خوێندنی باڵای هەرێمی كوردستان ( دبلۆمی باڵا و ماستەر و دكتۆر)ایان پێگەشتووە بۆ دامەزراندن.

ڕوونیشی كردەوە، بۆ جاری دووەم سەردانی ئەنجوومەنی ڕاژەی گشتی فیدراڵیمان كرد بۆ بابەتی دامەزراندنی سێ یەكەمەكانی زانكۆ و پەیمانگا حكومییەكانی هەرێم و هەڵگرانی بڕوانامەی باڵا و لەگەڵ سەرۆكی ئەنجومەنەكە (مەحمود تەمیمی) كۆبووینەوە لەبارەی دامەزراندنی سێ خوێندكارە یەكەمەكانی زانكۆ و پەیمانگا حكومییەكانی هەرێم لەسەر میلاكی وەزارەتی خوێندنی باڵای عێراق.

ڕاشیگەیاند، ئەنجوومەنی ڕاژەی گشتی فیدراڵی نووسراوی كردووە بۆ وەزارەتی خوێندنی باڵای عێراق و ئەوانیش بۆ خوێندنی باڵای هەرێم و وەزیری خوێندنی باڵای حكومەتی هەرێم ناوەكانی ناردۆتەوە بۆ وەزارەتی خوێندنی باڵای عێراق و بڕیارە لە مانگی داهاتوودا ناوەكان بگەڕێنەوە بۆ ئەنجوومەنی ڕاژەی گشتی و كارەكانیان تەواو ببێت.

جەختیشی كردەوە، بەردەوام دەبین لە چاودێری كردنی ئەم دۆسییە تا دەگاتە ئەنجام.

عەبدولی حەمەجوان: من پێشتر ناوم سەرچڵ بوو نەك عەبدولكەریم
پێشت عەبدولی حەمەجوان: من پێشتر ناوم سەرچڵ بوو نەك عەبدولكەریم
ئێران سەر لەنوێ‌ لەسەر ناوی جامی كەنداوی عەرەبی هەڵوێست وەردەگرێت
دواتر ئێران سەر لەنوێ‌ لەسەر ناوی جامی كەنداوی عەرەبی هەڵوێست وەردەگرێت
پەیوەندیدار