ئێمە لە تۆرە کۆمەڵایەتیەکان

جیهان

باسی كوردیش دەكات
توركیا بەنیازی ئەنجامدانی ئۆپەراسیۆنی سەربازییە لە مەنبج

خەڵك- بەشی هەواڵ
وەزیری بەرگری توركیا ڕایدەگەیەنێت، سوپای توركیا خۆی بۆ ئەنجامدانی ئۆپەراسیۆنێكی سەربازی لە ناوچەی مەنبج و خۆرهەڵاتی ڕ,وباری فورات لە باكووری سوریا ئامادەكردووە، لەو بارەیەشەوە ئاماژە بە چاوەڕوانكردنی فەرمانی سەرۆكی وڵاتەكەی دەكات بۆ دەستكردن بە ئۆپەراسیۆنەكە.

خەڵوسی ئاكار، وەزیری بەرگری توركیا لە میانی گەشتێكی لە ناوچەیەكی سەربازی لە ویلایەتی ئاگری لە باكووری كوردستان ڕاگەیاندووە، “هێزەكانی توركیا لە تەواوی ئامادەباشیدان و چاوەڕوانی فەرمانەكانی ڕەجەب تەیب ئەردۆغانی سەرۆك كۆمار دەكەن”.

بەوتەی ئاكار، “بە هیچ شێوەیەك لە شێوەكان، ڕێگە نادەین ئاسایشی وڵاتەكەمان ڕووبەڕووی مەترسی ببێتەوە، نابێت كەسیش گومانی لەوە هەبێت”، جەختی لەسەر پارێزگاریش لە سەروەریی و سەربەخۆیی توركیا كردەوە.

وەزیری بەرگری توركیا دەڵێت: “وڵاتەكەی ڕێگە نادات ڕێڕەوێك بۆ تیرۆریستان لە باكووری سوریا دروست بكرێت، توركیاش تەماحی لە خاكی وڵاتانی دراوسێدا نییە و ڕێز لە یەكپارچەیی خاكی وڵاتەكان دەگرێت، بە تایبەتیش سوریا و عیراق”.

بەپێی قسەكانی خەڵوسی ئاكار، “وڵاتەكەی تەنیا تیرۆریستان دەكاتە ئامانج، نەك برا كوردەكان، كە هەندێك دەیەوێت هانیان بدات لەڕێی نانەوەی ئاژەوە و پشێوی، كوردەكان برامانن و بۆ هەزاران ساڵ دەچێت لە ناوچەكەدا پێكەوە دەژین”.

جیهان

دەیان كەس بوونەتە قوربانی
هۆشداری سەرهەڵدانی ڤایرۆسێكی كوشندە لە چین دەدرێت

خەڵك-بەشی هەواڵ

 

چین هۆشداری سەرهەڵدانی ڤایرۆسێكی كوشندە دەدات و ئاشكراشیدەكات، تاكو ئێستا 7 كەس بەهۆی ئەو ڤایرۆسەوە گیانیان لەدەستداوە.
گڵوباڵ تایمز بڵاویكردەوە، ڤایرۆسی “SFTS” لە ڕێگەی جۆرێك لە گیانداری خشۆك بڵاودەبێتەوە و لە چین دۆزراوەتەوە و تا ئێستاش 60 كەس تووشی ڤایرۆسەكە بوون و 7 كەسیش گیانیان لەدەستداوە.
ئاشكراشیكرد، سەرەتا ڤایرسەكە لە پارێزگای جیانگسو دۆزرایەوە، بەڵام دواتر دانیشتوانی پارێزگای ئانهوئیش تووشی ڤایرۆسەكە بوون.
یەكێك لە تووشبووان بە ڤایرۆسەكە ڕایگەیاند، لە نیشانەكانی ئەم پەتایە ئەوەیە كە تایەكی زۆر توندی هەیە و خرۆكە سپییەكانی خوێنیش كەم دەكەن كێشە ڕووبەرووی خوێن دەبێتەوە.
بەپێی زانیارییەكان، گواستنەوەی ڤایرۆسەكە بەهۆی خوێنەوە یاخود تیكەڵبوونی تووشبوو لەگەڵ یەكتر دەگوازرێتەوە.

بەردەوام بە لە خوێندنەوە

جیهان

لە 24 كاتژمێردا، 2020 كەس لە ئێران تووشی كۆرۆنا بوون

خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2020 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2020 كەس لە ئێران تووشی ڤایرۆسی كۆرۆنا بوون و 163 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 236 هەزار و 712 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 18 هەزار و 427 كەس لە ئێران گیانیان لە دەستداوە.

بەردەوام بە لە خوێندنەوە

جیهان

ئاماری قوربانیانی خۆپیشاندانەكانی بەیروت ئاشكرا كرا

خەڵك-بەشی هەواڵ

 

زیاتر لە 700 كەس بەهۆی پێكدادانی نێوان خۆپیشاندەرانی بەیروت و هێزە ئەمنییەكان بریندار بوون.
كەناڵی ئەلجەزیرە بڵاویكردەوە، 728 خۆپیشاندەر بەهۆی پێكدادانیان لەگەڵ هێزە ئەمنیەكان بریندار بوون.
ئاشكراشیكرد، هێزە ئەمنییەكان گازی فرمێسك ڕێژیان بەسەر خۆپیشاندەراندا ڕشتووە.

خۆپیشاندانەكانی بەیروت دوای تەقینەوەكانی 4ی ئەم مانگە لە نزیك بنكەیەكی هێزە دەریاییەكانی لوبنان سەریهەڵدا و لە ڕووداوەكەدا 158 كەس گیانیان لەدەستدا و 6 هەزاری دیكەش بریندار بوون و بە دەیان خانو و ئۆتۆمبێلی لەناوبرد.

بەردەوام بە لە خوێندنەوە

کوردستان