دوای گەیشتنی پارەکەی بەغداد، لەمڕۆوە دەست بە دابەشکردنی مووچەی مانگی کانوونی دووەمی 2025 دەکرێت.
بە پێی خشتەی وەزارەتی دارایی هەرێمی کوردستان، ئەمڕۆ چوارشەممە خانەنشینی شارستانی، خاوەن پێداویستی تایبەت و زیندانییانی سیاسیی مووچەی مانگی یەک وەردەگرن.
بە پێی خشتەکە مووچەی مانگی یەک بە چوار ڕۆژ دابەش دەکرێت.
دابەشکردنی مووچە دوای ئەوە دەستیپێکرد کە دوێنێ وەزارەتی دارایی عێراق 958 ملیار و 12 ملیۆن دیناری بۆ مووچەی فەرمانبەران ڕەوانەی هەرێمی کوردستان کرد.
