كەشناسی زانیاری لەسەر شەپۆلی باران و بەفر بڵاودەكاتەوە



دوای ماوەیەكی زۆر لە زاڵبوونی كەشێكی وشك و بێ‌ بارانی بەسەر هەرێمی كوردستاندا، ڕاپۆرتە كەشناسییەكان پێشبینی هاتنی شەپۆلێكی بەفر و باران بۆ ناوچەكانی هەرێم دەكەن.

سیروان ساڵح، شارەزای كەشناسی بۆ (خەڵك) ڕایگەیاند، وشکی كەشوهەوا کۆتایی دێت و لە ڕۆژی پێنج شەممەوە ئەگەری بارانی باش هەیە لە سەرجەم ناوچەکان بە گەرمیانیشەوە.

وتیشی، “لە زنجیره چیاکان ئەگەری بەفربارینی باش هەیە و سەنتەری چەند شارێک دەگرێتەوە”.

لای خۆشیەوە، شاڵاو هیدایەت، شارەزای كەشناسی بۆ (خەڵك) ئاماژەی بەوەكرد، مانگی 2ی ئەمساڵ لەهەردوو مانگی (12- 2024 و 1- 2025) باشترە لەڕووی دابارینەوە ئەگەری زۆره گۆڕانکاری گەورەی تێدا ڕووبدات ڕێژەی دابارین بەشێوەی بەرچاو زیاد بکات.

وتیشی، “بەنسبەت مانگەکانی ڕابردووەوە بەپێی ئەو بڕە بارانە و بەفرەی دەزگای جفسی ئەمریکی دایناوە تەواو دڵخۆشکەرە و مەترسی وشکەساڵی لایەنی کەم لەزۆرینەی ناوچەکان دووردەخاتەوە”.

مامۆستایان بۆ “شكاندنی مانگرتن” بڕیاری خۆیان ڕاگەیاند
پێت مامۆستایان بۆ “شكاندنی مانگرتن” بڕیاری خۆیان ڕاگەیاند
کۆمەڵی دادگەری ڕوونکردنەوەیەکی بڵاوکردەوە
دوات کۆمەڵی دادگەری ڕوونکردنەوەیەکی بڵاوکردەوە
پەیوەنیدر