
توێژینەوەیەکی نێودەوڵەتی هۆکاری قوڵبوون و ڕۆچوونی نائاسایی زەوی لە عێراق ئاشکرا دەکات و دەڵێت”کاریگەری دوو جەمسەری گەورە هۆکارن بۆ ئەم ڕۆچوونە”.
تیمێکی توێژینەوەی نێودەوڵەتی توێژینەوەیەکیان لە زانکۆی گۆتینگن لە ئەڵمانیا ئەنجامدا و چەند دەرئەنجامێکی سەرسورهێنەریان بۆدەرکەوت، بەپێی بڵاوکراوەی گۆڤاری زەوی ڕەق ، دەرکەوتووە کە پلێتی کۆنی ئۆقیانوس ناسراو بە “ئۆقیانوسی تێتیس” (Ocean Tethys یان Neo-Tethys) کە دەکەوێتە نێوان کیشوەرەکانی ئۆراسیا و نیمچە دوورگەی عەرەبی، بە شێوەیەکی ئاسۆیی لە ژێر ڕووی زەویدا لێک دەترازێن، ئەمەش دەبێتە هۆی ئەوەی کێشانی نائاسایی لە ناوچەکەدا ڕووبدات.
لەگەڵ جوڵەی کیشوەرەکان بەرەو یەکتر لە ماوەی ملیۆنان ساڵدا، پلێتە زەریاییەکان دەخلیسکن تا قووڵایییەکی زۆر لە ژێر ڕووی زەویدا.
لە کۆتاییدا کیشوەرەکان تووشی پێکدادان دەبن و بەردەکانی لێوارەکانیان بەرز دەبنەوە و زنجیرە شاخێکی بەرفراوان دروست دەکەن وەک چیای زاگرۆس (زنجیرە چیایەک کە دەکەوێتە ڕۆژئاوای ئێران و ڕۆژهەڵاتی هەرێمی کوردستانەوە).
Oceanic plate between Arabian and Eurasian continental plates is breaking away. An international research team from the University of Göttingen has studied how the Zagros Mountains in Iraq influence the bending of the Earth’s surface. Their findings, published in Solid Earth,… pic.twitter.com/ES16oW16sE
— Nirmata (@En_formare) January 29, 2025
توێژەران بە کەڵک وەرگرتن لە یاسای بیرکاری بۆیان دەرکەوتووە کە کێشی چیای زاگرۆس بە تەنیا ناتوانێت ئەو پێچانەی قووڵی ٣-٤ کیلۆمەتر لە بەشی باشووری ڕۆژهەڵاتی ناوچەکە درووستبکات، ئەنجامەکان ئاماژەیان بەوە کردووە کە پلێتی زەریایی “دەریای تەتیس” کە تا ئێستاش بە پلێتی عەرەبییەوە بەستراوەتەوە، وردە وردە لە باشووری ڕۆژهەڵاتی تورکیاوە بۆ باکووری ڕۆژئاوای ئێران جیا دەبێتەوە، ئەمەش ڕۆچوونی ڕووی زەوی زیاد دەکات.
ئەو نوێگەرییە جیۆداینامیکییەی کە لەلایەن توێژەرانەوە پەرەی پێدراوە، نەک تەنها پەرەسەندنی ڕووی زەوی ڕوون دەکاتەوە، بەڵکو دەتوانێت بەکاربهێنرێت بکات لە بوارەکانی دیکەدا، وەک گەڕان بەدوای سەرچاوە سروشتییەکان، لەوانەش نەوتە کانزاییەکان و وزەی گەرمی زەوی، ئەمە جگە لە باشترکردنی هەڵسەنگاندنی مەترسییەکانی بوومەلەرزە.