ئێمە لە تۆرە کۆمەڵایەتیەکان

کوردستان

خەڵك؛ دواهەڵوێستی یەكێتی بۆ بەشداری لە كۆبوونەوەی پەڕلەمان ئاشكرادەكات

خەڵك-بەشی هەواڵ

سەرۆكی پەڕلەمانی كوردستان لە ڕاگەیەندراوێكدا بانگهێشتی پەڕلەمانتاران دەكات ڕۆژی سێ شەممەی داهاتوو لە دانیشتنی ژمارە 1ی نائاسایی خولی پێنجەمی پەڕلەمانی كوردستان ئامادەبن، بەپێی زانیارییەكانیش فڕاكسیۆنی یەكێتی بڕیاری بەشداری كردنی نەداوە، هاوكات لە كۆبوونەوەی داهاتووی پەڕلەمانی كوردستان لیژنەی یاسایی هەڵدەبژێردرێت، چونكە بەبێ ئەو لیژنەیە پەڕلەمانی كوردستان ناتوانێت هیچ ڕێكارێكی یاسایی بۆ دەركردنی بڕیار و یاساكانی بگرێتەبەر.

بەپێی زانیارییەكانی (خەڵك) بەپێی ئەو بارودۆخەی لە ئارادایە، فڕاكسیۆنی یەكێتی بەشداری كۆبوونەوەی پەڕلەمانی كوردستان ناكات و چاوەڕێی بڕیاری سەركردایەتی حزبەكەیەتی بۆ ئەو مەبەستە.

هەر بەپێی زانیارییەكان، بڕیارە لە 24 كاتژمێری داهاتوودا شاندی پارتی سەردانی یەكێتی بكات و دانوستانەكان بۆ پێكهێنانی كابینەی داهاتووی هەرێم دەست پێ بكەنەوە و بگەنە ڕێككەوتنێك.

هاوڕێ پەنا، پەڕلەمانتاری یەكێتی لە پەڕلەمانی كوردستان بە (خەڵك)ی ڕاگەیاند، تا ئێستا هیچ بڕیارێك نییە بۆ بەشداریكردنی فڕاكسیۆنەكەمان.

وتیشی، “هەر بڕیارێك لە سەركردایەتییەوە بدرێت بە بەشداریكردن یان بەپێچەوانەوە، ئێمە جێبەجێی دەكەین”.

ئاشكراشیكرد، چاوەڕێ دەكەین لە 24 كاتژمێری داهاتوودا یەكێتی و پارتی بگەنە ڕێككەوتنێك ئەوكات لاریمان نییە لە بەشداریكردنمان لە كۆبوونەوەی پەڕلەمان، بەڵام تاكو ئێستا هیچ بڕیارێك نییە بۆ بەشداریكردنمان.

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان