ئێمە لە تۆرە کۆمەڵایەتیەکان

کوردستان

“زەوییە تەعریبكراوەكانی كەركوك دەگەڕێندرێنەوە بۆ خاوەنەكانیان”

خەڵك – بەشی هەواڵ

لە كۆبوونەوەی لیژنەی تایبەت بە كێشەكانی زەوییە كشتوكاڵییەكانی پارێزگای كەركوك كە لە دیوانی ئەنجومەنی وەزیرانی عیراق لە بەغدا بەڕێوەچوو، بڕیاردرا ئەو زەوییانەی لە دوای ساڵی 1975ەوە بە مەبەستی گۆڕینی دیموگرافیای كەركوك دراون بە عەرەب، بگەڕێندرێنەوە بۆ خاوەنەكانیان.
جەمال شكور ئەندامی فڕاكسیۆنی یەكێتیی لە ئەنجومەنی نوێنەرانی عیراق ڕایگەیاند، ئەمڕۆ سێیەمین كۆبوونەوەی لیژنەی تایبەت بە كێشەكانی زەوییە كشتوكاڵییەكانی پارێزگای كەركوك بە بەشداری كاكەڕەش سدیق ئەندامی ئەنجومەنی پارێزگا و لێپرسراوی نووسینگەی ماددەی 140 لە دیوانی ئەنجومەنی وەزیران لە بەغدا بەڕێوەچوو.
جەمال شكور وتیشی، لە كۆبوونەوەكەدا شەش بڕیار لە بەرژەوەندی خاوەن زەوییە كشتوكاڵییەكانی سنوری پارێزگای كەركوك دران، بەپێی بڕیارەكانیش، (زەوییەكانی سنوری شوان و قەرەهەنجیر و پردێ و حەویجە گەڕێندرانەوە بۆ خاوەنەكانی پێشوویان)، هەروەها (ئەو زەوییانەی بە بڕیاری 117 دراوە بە نەتەوەی عەرەب بۆ گۆڕینی باری دیموگرافی كەركوك و لەساڵی 1975 و بەدواوە ئەبێ بگەڕێتەوە بۆ خاوەنە ڕەسەنەكانی پێشووی) هەروەك، (سەرجەم بڕیارەكانی دادگا ڕابگیرێت كە دژی جوتیارەكان تەمیز دەكرێتەوە، كە ماددەی 140 دەیانگرێتەوە) . بڕیاریش درا كە پلانی كشتوكاڵی و وەرگرتن (خطة الزراعية والتسويق) زەوییە كشتوكاڵییەكانی سنوری كەركوك بگرێتەوە بە بڕیارێكی وەزارەتی كشتوكاڵ. هەروەها پێویستە لەماوەی ھەفتەیەكدا فەرمانگەی كشتوكاڵی كەركوك بە ھاوكاری نوێنەری وەزارەتی كشتوكاڵ سەرجەم گرێبەستەكانی كشتوكاڵییەكانی سنوری (داقوق ،تازە،بەشیر، لەیلان و دوز) ئامادە بكات و بەزووترین كات بڕیاری كۆتایی لێ بدرێت و بگەڕێتەوە بۆ خاوەنە ڕەسەنەكانی، و دوا بڕیاریش ئەوەبوو ھەرنەتەوەیەك بگەڕێتەوە سەر ئەو زەوییانەی كە لەسەرەوە ئاماژەی پێكراوە و یان گەڕانەوەی گوندەكانی تەعریب دەبێت ڕابگیرێت و دواتر تووشی كێشەی یاسایی دەبن نمونەی ئەو گوندانەی پارێزگاری بەوەكالەت داوای گەڕانەوەی كردووە.

کوردستان

بۆ دووەم جار، کەس و کاری بەشێک لەزیندانیان گردبوونەوە

خەڵک-ئارام سەردار
ئەمڕۆ کەسوکاری بەشێک لە زیندانیانی چاکسازی گەورانی هەولێر لەبەردەم ئەنجوومەنی دادوەری لەهەولێر گردبونەوە.

کەس و کاری گیراوان کە پێشتر لەبەردەم پەڕلەمانی کوردستان گردبوونەوە، نیگەرانن بە ڕاگرتنی جێبەجێ کردنی بڕیاری ئازادکردنی مەرجدار، چونکە بەهۆی ڕاگرتنی ئەو بڕیارە، دەبێ زیندانیکراوەکانيان چەند ساڵێکی تر لەزیندان بن.

دەشڵێن، ماوەی چەند ساڵێکە چاوەڕوانین زیندانیکراوەکانمان ئازاد بکرێن، بەڵام ناکرێت چەند ساڵێکی تر چاوەڕوان بین، ئێمەش خاوەنی منداڵین، داوا دەکەین حکومەت و ئەنجوومەنی دادوەری و پەڕلەمان گیراوەکانمان ئازاد بکەن.

بەهۆی ڕاگرتنی جێبەجێ کردنی بڕیاری ئازادکردنی مەرجدار، ژمارەیەک زیندانی لەچاکسازی هەولێر مانگرتنیان ڕاگەیاند و تائێستاش هیچ بڕیارێکی نوێ نیە بۆ دەست پێکردنەوەی جێبەجێ کردنی ئەو بڕیارە کە بۆ هەر زیندانیەک نزیکەی لە۲٥٪ کۆی ساڵەکانی زیندانی لێخۆشبوونیان بۆ دەردەچێت.

بەردەوام بە لە خوێندنەوە

کوردستان

لە پیرانشا و سەردەشت مەتر و نیوێك بەفر باریوە

خەڵك- بەشی هەواڵ

سەرۆكی ئیدارەی ڕێگەوبان و گواستنەوەی وشكانی پیرانشار وتی: بەرزایی بەفر لە مەودای پیرانشار – سەردەشت گەیشتە مەتر و نیوێك.

جەلال محەمەدی بۆ مێدیاكانی ئێران وتی : ئاستی بارینی بەفر كە شەوی یەكشەممە دەستی پێ كردووە، لە مەودای پیرانشار – سەردەشت و تەمەرچین – پیرانشار یەك مەتر و نیو بووە.

وتیشی : لە ئێستادا ڕێگەی تەمەرچین بۆ پیرانشار داخراوە و هێزەكانی ڕێگەوبان خەریكی كردنەوەی ئەو ڕێگەیەن.

محەمەدی پێداگری لەپێویستی خۆپاراستنی شۆفێرانی ناو جادە لە هاتوچۆ لە ڕێگەكانی پیرانشار تا كەمكردنەوەی كڕێوە و بارینی بەفر كردو، پێشبینیكرد بەفری زیاتر ببارێت.

بەردەوام بە لە خوێندنەوە

ئابوری

سەبارەت بە مووچە، دڵنیایی دەدرێتە مووچەخۆرانی هەرێم

خەڵك-بەشی هەواڵ

جێگری دووەمی سەرۆكی پەڕلەمانی عیراق ڕایدەگەیەنێت، موچەی هاوڵاتیانی هەرێمی كوردستان بە گویرەی بودجەی ساڵی ٢٠١٩ بەردەوام دەبێت.

بەشیر حەداد جێگری دووەمی سەرۆكی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دڵنیاییەك لەبارەی مووچەی هاوڵاتیانەوە دەمێكە بڵاودەبێتەوە كە گوایە حكومەتی عیراق مووچەی فەرمانبەرانی هەرێم ڕادەگرێت، یەكەم شت خەڵكی خۆشەویستی هەرێمی كوردستان دڵنیا دەكەینەوە كە هیچ مەترسییەك لەسەر موچەكانیان نیە و ناشبێت.

وتیشی”مووچەی هاوڵاتیانی هەرێمی كوردستان بە گوێرەی بودجەی ساڵی ٢٠١٩ بەردەوام دەبێت، كەی بودجەی سالی ٢٠٢٠ هاتە پەڕلەمانی عیراق ئەوە بگرە هەوڵی زیادكردنیشی دەدەین نەك كەمكردنەوەی”ز

ئاشكراشیكرد، ئەو هەواڵانەی باس لە ڕاگرتنی مووچەش دەكەن جگە لە پڕوپاگەندە و ترس نانەوە هیچی دیكە نیە، ڕاستە بارودۆخی سیاسی و ئاسایشی عیراق تا ئاستێك خراپ بووە، بەڵام لە ڕووی ئابووریەوە عیراق لە هەناردەكردنی نەوت ڕانەوەستاوە، ئەمە لەكاتێكدایە عیراق خاوەنی یەدەگێكی باشی پارەیە كە مەزەندەی ٨٠ بۆ ١٠٠ ملیار دۆلاری ئەمەریكیە و هەر بەم بڕە پارەیەی دەتوانێ مووچەی خۆی بدات تاكو دۆخەكە ئاسایی دەبێتەوە.

دەشڵێت” دڵنیایی تەواو بە هاوڵاتیانی خۆشەویستی خۆمان دەدەین كە حكومەتی عیراق لە ناردنی مووچەی فەرمانبەران بۆ هەرێمی كوردستان بەردەوام دەبێت”.

بەردەوام بە لە خوێندنەوە

کوردستان