ئێمە لە تۆرە کۆمەڵایەتیەکان

ئابوری

پەڕلەمانتاران یەكەم مووچە وەردەگرن
كۆتایی بە دابەشكردنی مووچەی فەرمانبەران دێت

خەڵك- بەشی هەواڵ
سبەینێ‌ چوار شەممە، بە دابەشكردنی مووچەی مانگی 11ی ساڵی ڕابردوو كۆتایی بە دابەشكردنی مووچەی فەرمانبەران و سێ‌ سەرۆكایەتییەكە دێت و سەرچاوەیەكیش دەڵێت: “دوابەدوای ئەوە مووچەی خانەنشینان خەرج دەكرێت”.

سەرچاوەیەك لە گەنجینەی سلێمانی بۆ (خەڵك) ئاشكرای كرد، كە سبەینێ‌ چوار شەممە 20-2-2019، مووچەی وەزارەتەكانی پیشەسازی و بازرگانی، ڕۆشنبیری و لاوان، ئاوەدانكردنەوە و نیشتەجێ‌ كردن لەگەڵ هەر سێ‌ سەرۆكایەتی هەرێم و پەرلەمان و ئەنجوومەنی وەزیران دابەش دەكرێت.

وتیشی، “مووچەی خانەنشینان دوابەدوای مووچەی فەرمانبەران خەرج دەكرێت و ڕۆژی پێنج شەممە مووچەی خانەنشینی سەربازی و ڕۆژی یەك شەممەی داهاتوو مووچەی خانەنشینی مەدەنی دابەش دەكرێت”.

بەپێی بەدواداچوونێكی (خەڵك) لەگەڵ دابەشكردنی مووچەی مانگی 11ی ساڵی 2018ی سەرجەم مووچەخۆران، ئەندامانی خولی نوێ‌ (پێنجەم)ی پەڕلەمانی كوردستان یەكەم مووچە وەردەگرن بەو پێیەی لە 6-11-2018 لە كۆبوونەوەی پەڕلەمان سوێندی یاساییان خوارد و بە فەرمی وەك پەڕلەمانتار دەستبەكار بوون.

بۆ وەرگرتنی زانیاری زیاتر لەو بارەیەوە (خەڵك) پەیوەندی بە چەند پەڕلەمانتارێكی كوردستانەوە كرد، بەلام وەڵامی پەیوەندییەكانیان نەدایەوە.

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 19ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان