ئێمە لە تۆرە کۆمەڵایەتیەکان

کوردستان

سەنتەری میترۆ: لە پەرلەمانی كوردستان جیاكاری بەرامبەر ڕۆژنامەنووسان كراوە

خەڵك – بەشی هەواڵ

سەنتەری میترۆ بۆ داكۆكیكردن لە مافی ڕۆژنامەنووسان ڕایدەگەیەنێت: جیاكاری لەناو بینای پەرلەمانی كوردستان بەرامبەر میدیا و میدیاكاران، بێڕێزییە بەرامبەر ئەو یاسایەی كە‌ لە‌و پەرلەمانە دەرچووە.
دیاری محەمەد بەڕێوەبەری سەنتەری میترۆ ڕایگەیاندووە، ئەمڕۆ دووشەممە چەندین سكاڵامان لە لایەن ئەو ڕۆژنامەنووسانەوە پێگەیشتوو‌ە كە ڕووماڵی كۆبوونەوەی پەرلەمانی كوردستانیان كردووە‌ و جیاكارییان بەرامبەر ئەنجامدراوە.
دیاری محەمەد وتیشی، “ڕێگە بە چەند دەزگایەكی میدیایی دراوە بچنە ناو بینای پەرلەمان و زۆرینەش لەبەردەم دەرگاكە نەیانهێشتووە بچنە ژوورەوە، ئەم جیاكارییە لەناو بینای پەرلەماندا، كە یاسای ڕۆژنامەگەریی دەركردووە، بێڕێزییە بەرامبەر ئەو یاسایە.”
بەڕێوەبەری سەنتەری میترۆ ئاماژەی بەوەش كرد، پێویستە جیاكاری‌ لە نێوان كەناڵەكانی‌ ڕاگەیاندندا نەكرێت بۆ بەدەستهێنانی‌ زانیاری‌، بەڵكو ڕێگە بە ‌هەموو میدیاكان بدرێت بێ ڕێگری ڕووماڵی‌ ئەو هەواڵ و ڕووداوانە بكەن كە جێی‌ بایەخی‌ خەڵكن.
دیاری محەمەد جەختیشی كردووەتەوە، ئەگەر هۆكاری‌ ئەمنی‌ هەبێت بۆ ڕێگریكردن لە ڕووماڵ، ئەوە دەبێت ئەو ڕێوشوێنانە بۆ هەمووان بێت، نەك ڕێگە بە ‌چەند كەناڵێك بدرێت و بۆ ئەوانی‌ تر ڕێگە دابخرێت و بەربەست دابنرێت.
بەڕێوەبەری سەنتەری میترۆ جەختیكردووەتەوە، “ئەم جیاكارییەی ئیدارەی پەرلەمان لەگەڵ ڕۆژنامەنووسان جیگەی ناڕەزایی ڕۆژنامەنووسان ‌و بەشێكی زۆری پەیامنێرانی هەولێر بوو، ئێمەش وەك سەنتەری میترۆ بە توندی ئیدانەی دەكەین.”

کوردستان

بڕی 26 تۆن سێو لە سلێمانی دەستی بەسەردا گیرا

خەڵك-بەشی هەواڵ

بەهۆی خراپبوون و نەشیاوی بۆ خواردن، لیژنە هاوبەشەكانی قائیمقامیەتی سلێمانی بڕێكی زۆر سێوی زەردیان لەناو برد.

لیژنە هاوبەشەكانی قائیمقامێتی سلێمانی لە ڕاگەیەندراوێكدا ئاماژە بۆ ئەوە دەكات، لە لایەن لیژنەی عەلوەی سەر بە لیژنەهاوبەشەكانی قائیمقامیەت‌ لە دوو قاتعی عەلوەی سلێمانی دەست بەسەر‌ زیاتر لە (26) تۆن سێوی زەرددا دەگرن كەبەهۆی خراپ عەمبار كردنییەوە خراپ بووە و شیاوی خواردن نییە‌.

ئاشكراشیدەكات، سێوە دەست بەسەردا گیراوەكە لە وڵاتی ئێرانەوە هاوردەكراوە، خاوەنەكانیان بەشێوەی ناتەندروست عەمباریان ‌كردووە و ساردكەرەوەیان بەكارنەهێناوە، بەهۆی ئەوەشەوە سێوەكان‌‌ تەپیون و بۆنیان ناخۆش و خراپ بوون.

بەپێی زانیارییەكان، بەبڕیاری قائیمقامی سلێمانی سێوە دەست بەسەردا گیراوەكە لەناو دەبرێت و خاوەنەكانیشیان ڕووبەڕووی ڕێكاری یاسایی دەكرێنەوە.

بەردەوام بە لە خوێندنەوە

کوردستان

مستەفا چاوڕەش: تائێستا یەكێتی كاندیدی بۆ كابینەی نوێ‌ دیاری نەكردووە

خەڵك- بەشی هەواڵ

هەرچەندە ناوی چەند كەسێك بۆ ژمارەیەك پۆستی كابینەی نوێی حكومەتی هەرێم لە نێو یەكێتییدا دەهێنرێن، بەڵام تائێستا یەكێتی بەفەڕمی كەسی بۆ پۆست دیاری نەكردووە و ئەندامێكی سەركردایەتی ئەو حزبەش دەڵێت”لەوانەیە پێكهێنانی كابینەی تازە بكەوێتە مانگی حەوتەوە، بۆیە ئێمەش پەلەمان نەبووە”.

مستەفا چاوڕەش، ئەندامی سەركردایەتی یەكێتی و بەرپرسی مەڵبەندی پێشمەرگەی ئەو حزبە بۆ (خەڵك) ئاماژەی بەوەكرد، تائێستا كۆبوونەوەی ئەنجومەنی سەركردایەتی بۆ دیاریكردنی كاندیدەكانی كابینەی نوێ‌ نەكراوە و بڕیاری كۆتایی لەسەر كاندیدەكان نەدراوە.

وتیشی”ئەوانەی لەبارەی دیاریكردنی هەندێك كەسەوە دەوترێت، نافەڕمین یەكێتی لە ئەنجومەنی سەركردایەتی كاندیدەكان دیاری دەكات”.

سەبارەت بەوەی دەوترێت لەوانەیە پێش كۆبوونەوەی ئەنجومەنی سەركردایەتی ڕێككەوتن بكرێت، ناوبراو ڕەتیكردەوە و وتی”لە ئەنجومەنی سەركردایەتی بڕیار دەدرێت، ڕێككەوتن لە دەرەوە ناكرێت”.

یەكێتی نیشتیمانی كوردستان لە كابینەی نوێی حكومەتی هەرێمدا ژمارەیەك پۆست وەردەگرێت، كە هەندێكیان سیادین، لەوانە جێگری سەرۆكی هەرێم، جێگری سەرۆكی حكومەت، سەرۆكی پەڕلەمان، وەزیری پێشمەرگە و چەند وەزارەتێكی دیكە.

مستەفا چاوڕەش، یەكێكە لەو ئەندامانەی یەكێتی باس لەوەدەكرێت بكرێتە كاندیدی ئەو حزبە بۆ وەرگرتنی پۆستی وەزیری پێشمەرگە، ناوبراو لەوبارەوە دەڵێت”لەبەرئەوەی پێكهێنانی كابینەی تازە لەوانەیە بكەوێتە مانگی حەوتەوە، ئێمەش پەلەمان نەبووە بۆ دیاری كردنی كاندیدەكان و بەوەش هیچ كەسێك تائێستا كاندیدی یەكێتی نییە، هەندێك ناودەهێنرین و ناوی ئێمەش دەهێنرێت، هەموو ئەوانە ماونەتەوە”.

مستەفا چاوڕەش، یەكێك بووە لە پێشمەرگەی مەفرەزە سەرەتاییەكانی یەكێتی نیشتیمانی كوردستان و لەسەرەتای دامەزراندنی یەكێتییدا لە هۆڵەنداوە گەڕاوەتەوە كوردستان،  لە ساڵانی حەفتا و هەشتاكانی سەدەی ڕابردوودا لە شارباژێر و قەرەداغ فەرماندە بووە و دوای ڕاپەڕینیش یەكەم پارێزگاری كەركوك بووە لە دەربەندیخان.

بەردەوام بە لە خوێندنەوە

کوردستان

لەسەر یەكلاییكردنەوەی كاندیدەكانی گۆڕان بۆ كابینەی داهاتووی حكومەت ڕوونكردنەوە دەدرێت

خەڵك-بەشی هەواڵ

سەرچاوەیەكی باڵای بزووتنەوەی گۆڕان ڕایدەگەیەنێت، تا ئێستا كاندیدەكان بۆ پۆستەكانی حكومەتی هەرێم یەكلایی نەكراونەتەوە.

سەرچاوەیەكی باڵای بزووتنەوەی گۆڕان كە نەیویست ناوی ئاشكرا بكرێت بە (خەڵك)ی ڕاگەیاند، تا ئێستا ناوی كاندیدەكان بۆ وەرگرتنی پۆستە حكومییەكان لە كابینەی داهاتوو یەكلایی نەكراونەتەوە.

وتیشی”لە ئێستادا گفتوگۆی چڕ و پڕ لەسەر ئالیەتی دیاریكردنی كاندیدەكان دەكرێت و تا ئێستاش كاتێك دیاری نەكراوە بۆ كۆتاییهێنان بە بابەتەكە.

ئەمەش لەكاتێكدایە بەرپرسانی پارتی ئاماژە بۆ ئەوە دەكەن، كۆتایی مانگی داهاتوو كابینەی داهاتووی حكومەت پێكدەهێنرێت و تا ئێستا لایەنەكان كاندیدەكانیان بۆ پۆستەكان یەكلایی نەكردوەتەوە.

بەردەوام بە لە خوێندنەوە

کوردستان