ئێمە لە تۆرە کۆمەڵایەتیەکان

کوردستان

ئەبوبەكر هەڵەدنی: دەبێت شەڕی ڕاستەقینەی پەرلەمانی ڕابگەیەنین

خەڵك – بەشی هەواڵ
پەرلەمانتارێكی فراكسیۆنی یەكگرتوو لە پەرلەمانی كوردستان ڕایدەگەیەنێـت، چی دی نابێ چاوەڕوانی مەرحەمەتی دەستەی سەرۆكایەتی بین فەرموو و بانگهێشتمان بكەن، دەبێ هەموو گوشارەكان بەكاربهێنین تا سەنگ و پێگە و ڕۆڵ بگێڕینەوە بۆ پەرلەمانی كوردستان.

ئەبوبەكر هەڵەدنی، ئەندامی پەرلەمانی كوردستان لە فراكسیۆنی یەكگرتوو لە پۆستێكیدا لە تۆڕی كۆمەڵایەتی فەیسبوك نوسیویەتی، “پەرلەمانتارەكانی یەكگرتوو و گۆڕان و كۆمەڵ، ویژدان زیندوەكانی ناو فراكسیۆنەكانی دیكە كاتی هەڵوێست وەرگرتنە”.

دەشڵێت: “ئەم هەموو قەیرانە سیاسی و ئابوریە هەیە، هەر لەستەمی پاشەكەوت و دواكەوتنی مووچەوە بۆ دەستێوەردان و لەشكركێشی سوپای بێگانە بۆ خاكی پیرۆزی كوردستان و ناشەفافی دۆسیەی نەوت و گرێبەستە گوماناویەكان و لەسەروی هەمویانەوە ئەتك كردنی دیموكراسی و پەنا بردن بۆ دزینی دەنگی هاوڵاتیانی كوردستان و دەیان قەیرانی كۆمەڵایەتی و ئەخلاقی دیكە، ئیتر نابێت پەرلەمانتاران دەستەوستان دانیشن و تەماشاكەربن یان چاوەڕێی ئیعاز و ئاڕاستەی حزبەكان بن”.

ڕاشیگەیاندووە، دەبێت شەڕی ڕاستەقینەی پەرلەمانی ڕابگەیەنین و سنورێك بۆگاڵتە پێكردن بە پەرلەمان و پەرلەمانتاران دابنێین، كە نابێت ئەم دۆخەی بەسەر پەرلەمان هێنراوە قەبوڵ بكرێت، تەنانەت هاوڵاتی سەراسیمە بوە پەرلەمانمان ماوە و هەیە.

پەرلەمانتارەكانی یەكگرتوو و گۆڕان و كۆمەڵ و ویژدان زیندوەكانی ناو فراكسیۆنەكانی دیكەكاتی هەڵوێست وەرگرتنە!!
ماوەی ساڵێكە بە حساب پەرلەمان كارا كراوەتەوە(هەرگیز دەسەڵات پەرلەمانی ئەكتیڤ وكارای نەویستوە وناوێ),كامەیە دەسكەوت ویاسا وبڕیارولێپرسینەوە وچاودێری حكومەت،ئەوە نزیكەی سێ مانگیشە پەرلەمان هیچ كۆبونەوەیەكی نەكردوە،لەكاتێكدا ئەم هەموو قەیرانە سیاسی و ئابوریە هەیە، هەرلەستەمی پاشەكەوت و دواكەوتنی موچە وەبۆدەستێوەردان ولەشكركێشی سوپای بێگانە بۆ خاكی پیرۆزی كوردستان وناشەفافی دۆسیەی نەوت وگرێبەستە گوماناویەكان و لەسەروی هەمویانەوە ئەتك كردنی دیموكراسی و پەنا بردن بۆدزینی دەنگی هاوڵاتیانی كوردستان ودەیان قەیرانی كۆمەڵایەتی وئەخلاقی تر.
ئیترنابێت پەرلەمانتاران دەستەوستان دانیشن وتەماشاكەر بن یان چاوەڕێی ئیعاز وئاراستەی حزبەكان بن. دەبێت شەڕی ڕاستەقینەی پەرلەمانی ڕابگەیەنین وسنورێك بۆگاڵتە پێكردن بەپەرلەمان وپەرلەمانتاران دابنێین،كە نابێت ئەم دۆخەی بەسەر پەرلەمان هێنراوە قەبوڵ بكرێت،تەنانەت هاوڵاتی سەراسیمە بوە په رلەمانمان ماوە وهەیە.
دەیان كاری گرنگ هەیە كە دەبێت پەرلەمان هەنوكه بیكات،چی دی نابێ چاوەڕوانی مەرحەمەتی دەستەی سەرۆكایەتی بین فەرموو و بانگهێشتمان بكەن ،دەبێ هەموو گوشارەكان بەكار بهێنین تا سەنگ وپێگە وڕۆڵ بگێڕینەوە بۆ پەرلەمانی كوردستان.

ئەبوبەكر هەڵەدنی
20/6/2018

کوردستان

جارێكی دیكە تووشبوون بە كۆرۆنا لە هەرێم زیادی كرد 25 حاڵەتی مردن تۆماركراوە

خەڵك- بەشی هەواڵ

وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 706 حاڵەتی تووشبوون بە كۆرۆنا تۆماركراوە و 25 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، 4739 پشكنین ئەنجام دراوە و دەركەوتووە لە هەولیر 250 كەس و سلێمانی 113 كەس و لە گەرمیان 32 كەس و ڕاپەڕین 15 كەس و دهۆك 256 و هەڵەبجە 31 كەس تووشی كۆرۆنا بوون.

ئاشكراشی كردووە، كە 521 كەس چاكبوونەوە و 25 كەسیش گیانیان لەدەستداوە.

No description available.

بەردەوام بە لە خوێندنەوە

کوردستان

پێنجوێن؛ بارهەڵگرێكی ئۆتۆمبێل بە شەش ئۆتۆمبێلەوە كەوتە دۆڵێكەوە

خەڵك – بەشی هەواڵ

بەڕێوەبەرایەتی هاتووچۆی سلێمانی ڕایدەگەیەنێت ، پاش نیوەڕۆی ئەمڕۆ بەهۆی نەمانی ئیستۆپەوە لەسەر ڕێگای پێنجوێن بارهەڵگرێكی گواستنەوەی ئۆتۆمبێل بە شەش ئۆتۆمبێلەوە وەرگەڕا.

بەڕێوەبەرایەتی هاتووچۆی سلێمانی لە ڕاگەیەنراوێكدا بڵاویكردەوە ، پاش نیوەڕۆی ئەمڕۆ هەینی 25ی ئەیلول2020 ڕووداوێكی وەرگەڕان لەسەر ڕێگای سەرەكی پێنجوێن بۆ سەیدسادق ڕوویدا .

ڕاشیگەیاندووە، ڕووداوەكە بەهۆی نەمانی ئیستۆپی بارهەڵگرێكی ئۆتۆمبێلەوە بووە، كە بەوهۆیەیەوە شەش ئۆتۆمبێل، كە بە بار هەڵگرەكە بووە كەوتە ناو دۆڵێكەوە .

 

 

بەردەوام بە لە خوێندنەوە

کوردستان

سلێمانی؛ سبەینێ‌ بەستنی پێوەری زیرەكی كارەبا دەگاتە ئەم گەڕەكە

خەڵك- بەشی هەواڵ

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی مەجید بەگ‌ دەكات ، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە ، ئاگاداری دانیشتوانی گەڕەكی (ئابڵاخ ‌‌) ئەو ماڵانەی دەكەونە سەر هەردوو فیدەری ( ٥۲) و (٥۹) سبەینێ شە‌ممە (26/9/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

 

بەردەوام بە لە خوێندنەوە

کوردستان