دوابەدوای دابەزینی نرخی بەنزین لە هەولێر و دەستپێكردنەوەی دابەشكردنی بەنزینی 750 دیناری حكومی لە بەنزینخانەكانی سلێمانی، نرخی بەنزین لە سلێمانی هەرزان دەبێت.
بەپێی زانیارییەكانی (خەڵك) ئه‌مڕۆ شه‌ممه 28-12-2024 به‌نزینی حكومی، كه نرخی 750 دیناره گه‌یشته به‌نزینخانه‌كانی شاری سلیمانی و له‌ئێستادا به‌سه‌ر 5 به‌نزینخانه‌دا دابه‌ش كراوه.
هەر بەپێی زانیارییەكان، لە ئێوارەی ئەمڕۆوە نرخی بەنزینی بازرگانی بۆ هەردوو جۆری نۆرماڵ و موحەسەن بە بڕی 25 دینار دادەبەزێت.
بەنزینخانەی كۆتەڵ بڵاویكردۆتەوە، لە ئێوارەی ئەمڕۆوە نرخی بەنزین بە بڕی 25 دینار دابەزیوە و ئێستا لیترێك بەنزینی نۆرماڵ بووە بە 920 دینار و موحەسەن 1120 دینار.
بۆ بەدواداچوونی زیاتر (خەڵك) پەیوەندی كرد بە بەهمەن شێخ قادر، وتەبێژی بەنزینخانەكانی سلێمانی، بەڵام پەیوەندییەكەی بەردەست نەبوو.
