ئێمە لە تۆرە کۆمەڵایەتیەکان

ژینگە

شەپۆلێكی دیكەی بەفر و باران هەرێمی كوردستان دەگرێتەوە

خەڵك- بەشی هەواڵ
كەشناسی عیراق پێشبینییەكانی بۆ دۆخی كەشوهەوای ئەم هەفتەیە بڵاودەكاتەوە و ڕایدەگەیەنێت، شەپۆلێكی بەفر و باران ناوچەكانی هەرێمی كوردستان دەگرێتەوە و دەشڵێت: “هەورە تریشقەی لەگەڵدایە و پلەكانی گەرما نزم دەبنەوە”.

دەستەی كەشناسی و بوومەلەرزەزانی عیراق لە ڕاپۆرتێكدا ئاماژەی بەوەكردووە، ڕۆژانی سێ‌ شەممە و چوار شەممە ئاسمانی سەرجەم ناوچەكان ساماڵ دەبێت لەگەڵ بوونی هەندێك پەڵەهەور و ئاڕاستەی با دەگۆڕێت بۆ باشووری ڕۆژهەڵات و خێراییەكەی مامناوەند دەبێت.

ئاشكراشی كردووە، ڕۆژی پێنج شەممە ئاسمان دەگۆڕێت بۆ هەور و لە ناوچەكانی هەرێمی كوردستان بەتایبەتی باران بارین دەستپێدەكات و بەهۆیەوە ئاستی بینین كەم دەبێتەوە و هەندێك كاتیش بارانەكە دەبێتە لێزمە و هەورەتریشقەشی لەگەڵ دەبێت و پلەكانی گەرماش كەمێك نزم دەبنەوە، بەڵام لە ناوچەكانی باشوور دۆخی كەشوهەوا ئاسایی دەبێت.

كەشناسی عیراق ڕاشیگەیاندووە، كە ڕۆژی هەینی ئاسمان هەوری باراناوی دەبێت لەناوچەكانی ناوەڕاستی عیراق، بەڵام لەناوچەكانی هەرێم هەندێك كات دەبێتە لێزمەباران و لە ناوچە شاخاوییەكانیش بەفر دەبارێت و پلەكانی گەرما نزم دەبنەوە و ئاستی بینین-یش بۆ نزیكەی 4 كیلۆمەتر كەم دەبێتەوە، بەڵام لە ناوچەكانی باشوور دۆخی كەشوهەوا ئاسایی دەبێت.

سەبارەت بە سەرەتای هەفتەی داهاتووش، كەشناسی پێشبینی كردووە، دوو ڕۆژی سەرەتای هەفتە دۆخی كەشوهەوا بەشێوەی باران بەردەوام بێت لە ناوچەكانی ناوەڕاست و هەرێمی كوردستان و لە ناوچە شاخاوییەكانیش بەفر ببارێت.

ژینگە

بڕی باران بارینی 24 كاتژمێری ڕابردوو بڵاوكرایەوە

خەڵك- بەشی هەواڵ

لە ماوەی 24 كاتژمێری ڕابردوودا لە ناوچە جیاجیاكانی هەرێمی كوردستان بە بڕی جیاواز باران باریووە.

كەشناسی هەرێمی كوردستان ئاماژەی بەوەكردووە، لە قەزای مێرگەسور لەو ماوەیەدا زۆرترین بڕی باران باریووە.

بەردەوام بە لە خوێندنەوە

ژینگە

پۆلیسی دارستان 11 ڕاوچی دەستگیر دەكات

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی سلێمانی دەستگیر كردنی 11 ڕاوچی لە سنووری پێنجوێن و چەمچەماڵ ڕادەگەیەنێت و داواش لە هاووڵاتیان دەكات، لە ڕاوكردن دووربكەونەوە، چونكە دەبێتە هۆی لەناوچونی ئاژەڵ و بألندە كێوییەكان.

عەمید هێمن كەمەرخان، بەڕێوەبەری پۆلیسی دارستان و ژینگەی سلێمانی بۆ (خەڵك) ڕایگەیاند، یەكێك لەو هۆكارانەی دەبێتە هۆی لەناوچونی ئاژەڵ و بألندە كێوییەكان ڕاوكردنە، هەرچەندە بەهۆی ئەرك و ماندووبوون و شەونخونی ئەفسەر و كارمەندانی بەڕێوەبەرایەتیمان لەسەرجەم بەش و بنكەكانمان توانراوە ڕێگریەكی زۆر باش لەو دیاردەیە بكرێت، بەڵام هەندێك لە هاووڵاتیان بێ هەستكردن بە بەرپرسیارێتی دەبنە هۆی زیان گەیاندن بە سروشت و ژینگەی كوردستان.

ڕاشیگەیاند، مەفرەزەیەكی بنكەی پۆلیسی دارستان و ژینگەی (گەرمك) بەهاوبەشی لەگەڵ بارەگای بەش لە دەرچوونێكی مەیدانیاندا توانیویانە (٤) هاووڵاتی لەسەر ڕاوكردنی باڵندەی كێوی دەستگیر بكەن و دەست بگرن بەسەر (٢) كەروێشك و (١٣) باڵندەی كێوی (كەو) و (٤) چەكی جۆری تاپڕ و (٢٢) فیشەكی تاپڕ و (٢) چەقۆ و ئۆتۆمبێلێك و (٢) لایتی دەستی.

ڕاشیگەیاند، كە پەڕاوی لێكۆڵینەوە بۆ دەستگیركراوەكان كراوەتەوە و ڕووبەڕی یاسا كرانەتەوە.

هاوكات بەپێی ڕاگەیەنراوێكی ئەو بەڕێوەبەرایەتییە، ئەمڕۆ دوو شەممە لەئاكامی دەرچوونی مەفرەزەیەكی مەیدانی هاوبەشی نێوان بەشی پۆلیسی دارستانی چەمچەماڵ و بنكەی پۆلیسی دارستانی شۆڕش بۆ بەرزاییەكانی (مەنیلە) توانیان ۷ ڕاوچی دەستگیر بكەن .

عەمید هێمن داوا لە هاووڵاتیان دەكات، “لەپێناو پاراستنی سروشت و ژینگەی كوردستان دا پێویستە هەمووان پابەندبن بەڕێنماییەكانی پۆلیسی دارستان”.

بەردەوام بە لە خوێندنەوە

ژینگە

پۆلیسی دارستانی چەمچەماڵ ۷ ڕاوچی دەستگیركرد

خەڵك- بەشی هەواڵ
پۆلیسی دارستانی سلێمانی ڕایدەگەیەنێت، ئەفسەر و كارمەندانی پۆلیسی دارستان هەمیشە و بەردەوام بە شەو و بەڕۆژ بەوپەڕی دڵسۆزی پارێزگاری لەسروشت و ژینگەی كوردستان دەكەن و ڕێگە لەسەرپێچیكارانی دژ بە ژینگە و ئاژەڵ و باڵندەكێویەكان دەگرن.

بەڕێوەبەرایەتی پۆلیسی دارستان و ژینگەی سلێمانی بە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، ئەمڕۆ دوو شەممە ۲۰۲۰/۲/۱۷ دوای وەرگرتنی زانیاری و لەئاكامی دەرچوونی مەفرەزەیەكی مەیدانی هاوبەش لەنێوان بەشی پۆلیسی دارستانی چەمچەماڵ و بنكەی پۆلیسی دارستانی شۆڕش بۆ بەرزاییەكانی (مەنیلە) توانیان ۷ ڕاوچی دەستگیر بكەن .

ڕاشیگەیاند، هاوكات دەستگیرا بەسەر یەك ئۆتۆمبێل و ۱۳ ( كەو)ی زیندوو لەگەڵ ۱۰ دەستە داو، كە بۆ ڕاوكردن بەكارهینراوە .

ئاماژەی بەوەشكردووە، پەڕاوی لێكۆڵینەوە ڕێكخراوە و ڕادەستی بەڕێز دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

کوردستان