ئێمە لە تۆرە کۆمەڵایەتیەکان

ئابوری

هاتووچۆی سلێمانی كاسبی سەر شەقامی 60 مەتری قەدەغە دەكات

خەڵك- بەشی هەواڵ
بەڕێوەبەرایەتی هاتووچۆی سلێمانی كاسبی سەر شەقامی بازنەیی مەلیك مەحمود لە شۆفێران و هاووڵاتیان قەدەغە دەكات و ڕایدەگەیەنێت، بۆتە مایەی دروستكردنی كۆسپی هاووچۆیی و گلەیی و گازندەی هاووڵاتیان.

بەڕێوەبەرایەتی هاتووچۆی سلێمانی لە ئاگادارییەكدا، كە وێنەی دەست (خەڵك) كەوتووە، ئاماژەی بەوەكردووە، ئاگاداری سەرجەم ئەو شۆفێرانە دەكەین، كە لە سنووری شەقامی بازنەیی مەلیك محمود بەهەر جۆرە سوارڕۆیەك بێت وەستاون بۆ كاركردن و سەرقاڵی فرۆشتنی خۆراك و هەموو كاڵا جیاوازەكانی دیكەن، كە ئۆتۆمبێلەكانیان لەو سنوورەدا ڕانەگرن.

ڕاشیگەیاندووە، “بوونەتە مایەی دروستكردنی كۆسپی هاووچۆیی و گلەیی و گازندەی هاووڵاتیان و سەرپێچییە لە یاساكانی هاتووچۆ، چونكە شەقامەكان موڵكی گشتین و ناكرێت قۆرغكاری تیادا بكرێت”.

جەختیشی كردۆتەوە، قائیمقامیەتی پارێزگای سلێمانی و بەڕێوەبەرایەتی هاتووچۆی سلێمانی ئاگادارتان دەكاتەوە، كە لەو سنوورە ئۆتۆمبێلەكانتان پارك نەكەن، بە پێچەوانەوە لێپرسینەوەی یاساییتان بەرامبەر دەكرێت، هیوادارین خۆتان بە دووربگرن لەو سەرپێچی و لێپرسینەوە یاساییە.

 

ئابوری

نرخی نەوت 46 دۆلاری تێپەڕاند

خەڵك- بەشی هەواڵ
نرخی نەوت لە مامەڵەكانی ئەمڕۆ چوار شەممەدا،  بەڕێژەی نزیكەی 4% ڕووی لە بەرزبوونەوە كرد و بەرزترین ئاستی لە مانگی ئاداری ڕابردووەوە تۆماركرد.

بەپێی زانیارییەكانی پێگەی (بلۆمبێرگ)، گرێبەستە دواخراوەكانی نەوتی خۆرئاوای تكساس بەرمیلی بۆ 43.40 دۆلار و بە بەڕێژەی 3.98% ڕووی لە بەرزبوونەوە كردووە.

لە هەمان كاتدا گرێبەستی فرۆشتنی بەرمیلێك نەوتی برێنت بۆ 46.10 دۆلار بەرزبۆوە و بەراورد بە نرخی پێشووی بەڕێژەی 3.76% ڕووی لە بەرزبوونەوە كردووە.

بەرزبوونەوەی نرخی نەوت دوای بڵاوبوونەوەی زانیارییەكان بوو كە ئاماژەیان بە دابەزینی زۆری عەمباری نەوتی ئەمریكایی كرد، وێڕای ئەوەی مەترسی بڵاوبوونەوەی ڤایرۆسی كۆرۆنا و زیادبوونی ژمارەی تووشبوانیش لەئارایە كە كاریگەرییان لەسەر كەمكردنەوەی داواكاریی لەسەر نەوت هەیە.

بەردەوام بە لە خوێندنەوە

ئابوری

بۆ یەكەمجار زێڕ نرخێكی پێوانەیی تۆمار كرد

خەڵك-بەشی هەواڵ

 

بۆ یەكەمجارە نرخی زێڕ ژمارەیەكی پێوانەیی تۆمار كرد و گەیشتە بەرزترین ئاست.

شەوی ڕابردوو نرخی یەك ئۆنسی زێڕ دوو هەزار دۆلاری تێپەڕاند بەو پێیەش بەرزترین ئاستی تۆماركردووە بەشێوەیەك تاكو ئێستا ئەو نرخەی بەخۆیەوە نەبینیوە، بەپێی زانیارییەكانیش، ئەمڕۆ چوار شەممەش نرخی یەك مسقاڵ زێڕی عەیار 21 لە هەرێمی كوردستان گەیشتە 355 هەزار دینار.

نرخی مسقاڵێك زێر لە بازاڕەكانی هەرێمی كوردستان بۆ ئەمڕۆ چوار شەممە بەم شێوەیەیە”یەك مسقاڵ زێڕی عەیار 18 بە 302 هەزار دینار، یەك مسقاڵ زێڕی عەیار21 بە 355 هەزار دینار، یەك مسقاڵ زێڕی عەیار 22 بە 369 هەزار دینار، یەك مسقاڵ زێڕی عەیار 24یش بە 402 هەزار دینار.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 5ی‌ ئابی 2020 بەرز بووەوە، بەشێوەیەك نرخی‌ نەوتی برێنت بە 44 دۆلار و 44 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 65 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان