ئێمە لە تۆرە کۆمەڵایەتیەکان

ئابوری

بەڕێوبەرایەتی گشتی كارەبای سلێمانی ڕوونكردنەوەیەك بڵاودەكاتەوە

خەڵك- بەشی هەواڵ
بەڕێوبەرایەتی گشتی كارەبای سلێمانی ڕوونكردنەوەیەك سەبارەت بە كردنەوەی بەڕێوبەرایەتی دابەشكردنی كارەبای سەیدسادق بڵاودەكاتەوە و ڕایدەگەیەنێت، كە كردنەوەی ئەو بەڕێوبەرایەتیە پەیوەستە بە ڕەزامەندی وەزارەتی دارایی.

بەڕێوبەرایەتی گشتی كارەبای سلێمانی لە ڕوونكردنەوەكەدا ئاماژەی بەوەكردووە، كە دیوانی وەزارەت لە نووسراوێكدا جەختیان كردۆتەوە، كە هەموو گۆڕانكاریەك لە پەیكەر گشتی ڕێكخستن بە مەبەستی زیادكردنی بەڕێوەبەرایەتیەكان و بەش و هۆبە ڕاگیراوە، بەڵام ڕەزامەندی داوە لەسەر كردنەوەی ئەو بەڕێوبەرایەتییە بە مەرجی ڕەزامەندی وەزارەتی دارایی.

جەختیشی كردۆتەوە، ئەوان وەك بەڕێوبەرایەتیەكەیان ڕەزامەندن و پشتیوانی لە كردنەوەی ئەو بەڕێوبەرایەتیە دەكەن.

ڕوونكردنەوەی پێویست
دەربارەی كردنەوەی بەڕێوەبەرایەتی دابەشكردنی كارەبای سەیدصایەق

ئاگاداری هاووڵاتیان و بەرپرسانی سنووری سەیدسادق و شارەزوور دەكەینەوە، لەسەرەتاوە پاڵپشتی بیرۆكەی كردنەوەی بەڕێوەبەرایەتی دابەشكردنی كارەبای سەیدصادق پاڵپشتی ئەو بیرۆكەیە بووین و لە 5/6/2018 بە نوسراوی ژمارە (3642) داوای ڕەزامەندیمان لە وەزارەت كردووە و بە سوپاسەوە لە بەرواری 19/6/2018 بە دوو خاڵ ڕەزامەندی درا بە كردنەوەی بەڕێوەبەرایەتی دابەشكردنی كارەبای سەیدسادق، یەكەم دەڵێت: ڕازین بەكردنەوەی بەڕێوەبەرایەتیەكە بە مەرجێك یەكەی ژمێریاری نەبێت، دووەم: دەتوانن كارەكان ڕێكخەن و بۆ دەرماڵەی پایەش پێویستە ڕەزامەندی وەزارەتی دارایی وەربگیرێت.

دوای ئەو ڕەزامەندیەی سەرەوە لە بەرواری 8/8/2018 بە فەرمانی ژمارە (5569) لیژنەیەكی شەش كەسیمان پێكهینا بەمەبەستی كردنەوەی بەڕێەوەبەرایەتی دابەشكردنی كارەبای سەیدصادق.

دواتر لە بەرواری 26/11/2018 بە نوسراوی ژمارە (9350) رونكردنەوەی لیژنەی پێكهێنانی بەڕێوەبەرایەتی دابەشكردنی كارەبای سەیدصادق بەچەند خاڵێك ئاڕاستەی وەزارەت كرد .

دوای ڕوونكردنەوەكەی لیژنەی پێكهێنای دابەشكردنی كارەبای سەیدصادق بەشی میلاكاتی وەزارەتی كارەبا داوایكردوە سەید سادق میلاكی لە پارێزگای هەڵەبجەوە بگوێزرێتەوە سەر بەرێوەبەری دابەشكردنی كارەبای سلێمانی.

دوای ئەو نوسراوە وەزارەت لە بەرواری 7/1/2019 روونكردنەوەیەكمان ئاڕاستەی نوسینگەی بریكاری وەزیری كارەبا كردووە و جەختمان لەسەر كردنەوەی بەڕێوەبەرایەتی دابەشكردنی كارەبای سەیدصادق كردووەتەوە .

لە كۆتایی هەوڵەكانمان لە بەرواری 22/1/2019 بەڕێوەبەرایەتی گشتی دیوانی وەزارەتی كارەبا بە نوسراوی ژمارە 456 روونكردنەوەیەكی بۆ ناردووین لە خاڵی یەكەمدا دەڵێت: هەموو گۆڕانكاریەك لە پەیكەر گشتی ڕێكخستن بە مەبەستی زیادكردنی بەڕێوەبەرایەتیەكان و بەش و هۆبە راگیراوە .

لە خاڵی دووەمدا دەڵێت: بە نوسراومان ژمارە 3731 لە بەرواری 19/6/2019 رەمەزامەندیمانداوە بەكردنەوەی بەڕێوەبەرایەتی دابەشكردنی كارەبای سەیدسادق بەڵام تا لەلایەن وەزارەتی دارایی و ئابووری پەسند نەكردێت كاری پێویستی بۆ ئەنجام نادرێت.

بۆیە هەموو بەڕێزان لە سنوری سەیدسادق دڵنیادەكەینەوە، كە وەك بەڕێوەبەرایەتی گشتی كارەبای سلێمانی هیچ لارییەكمان لەكردنەوەی بەڕێوەبەرایەتی دابەشكردنی كارەبای سەیدسادق نیە و هەموو پاڵپشتیەكی دەكەین.

بەڕێوەبەرایەتی
گشـــتی كـــارەبای سلێمــــانی
12/2/2019

ئابوری

فواد حسێن: دەبێت كێشەی دواكەوتنی مووچەی فەرمانبەران، لای حكومەتی‌ هەرێمەوە چارەسەر بكرێت

خەڵك – بەشی هەواڵ

وەزیری دارایی حكومەتی عیراق، دەڵێت، دواكەوتنی مووچەی فەرمانبەران لە هەرێمی كوردستان بۆ لێكەوتەكانی ئەو قەیرانە دەگەڕێتەوە كە لە ماوەی ڕابردوودا تووشی هەرێمی كوردستان بووە، وەك حكومەتی عیراقیش، مووچەی‌ چوار مانگیان ڕەوانەكردووە.

 

فوئاد حسێن وەزیری دارایی حكومەتی عیراق لەبەرنامەیەكی كەناڵی ئاسمانی شەرقیەدا، ڕایگەیاند “مووچەی‌ چوار مانگمان ڕەوانەی‌ هەرێمی‌ كوردستان كردووە، لە هەرێم بەهۆی‌ قەیرانی‌ داراییەوە كە حكومەتی ئەوكاتی عیراق بۆ چەند ساڵێك بودجەی بۆ ڕەوانە نەكردوون، دەرەنجامی دواكەوتنی دابەشكردنی‌ مووچەی‌ فەرمانبەرانی لێكەوتۆتەوە”.

 

بە وتەی وەزیری دارای عیراق، كێشەی دواكەوتنی مووچەی فەرمانبەران، دەبێت لە لایەنی حكومەتی‌ هەرێمەوە چارەسەر بكرێت.

بەردەوام بە لە خوێندنەوە

ئابوری

بەشەخۆراكی دوو مانگ بەسەر هاووڵاتیاندا دابەش دەكرێت

خەڵك – بەشی هەواڵ
بەرێوەبەری گشتی كۆمپانیای دابەشكردنی خۆراك لە سلێمانی ڕایدەگەیەنێت، دوای جەژنی ڕەمەزان دەست بە دابەشكردنی زەیت و شەكری مانگی ئایار دەكرێت، دەشڵێت: “بەشە نیسەكەكەی وەك دیاری درا بەهاووڵاتیان هەمووی دابەشكرا”.

شەوكەت محەمەد، بەڕێوەبەری گشتی كۆمپانیای دابەشكردنی خۆراك لە سلێمانی بە (خەڵك)ی ڕاگەیاند، ئەمڕۆ دابەشكردنی بەشە زەیت و شەكر و برنجی مانگی ئازار تەواو بووە و دەستمان بە دابەشكردنی بەشە برنجی مانگی ئایاری ئەمساڵ كردووە، ڕۆژانە دابەشكردنمان هەیە و بەردەوام دەبین”.

ڕاشیگەیاند، ئەگەر پێش جەژن فریاكەوتین دەست بە دابەشكردنی بەشە زەیت و شەكری مانگی ئایار دەكەین، ئەگەر نا دەكەوێتە دوای جەژنی ڕەمەزان.

سەبارەت بە قەرەبووی بەشەخۆراكی فەوتاوی ساڵانی پێشوو وتی، “ئەوە پەیوەستە بە بڕیاری حكومەتی عیراق و هەر كاتێك ئەوان بڕیار بدەن قەرەبووی هاووڵاتیان دەكرێتەوە”.

بەردەوام بە لە خوێندنەوە

ئابوری

بەوێنە؛ لە ماڵێكدا شەربەت بە ئاوی بیر دروست كراوە

خەڵك- بەشی هەواڵ
لیژنەكانی چاودێری تەندروستی سلێمانی لە ماڵێكدا لە گەڕەكی هەواری شار دەست دەگرن بەسەر تەن و نیوێك شەربەت، كە بە ئاوی بیر دروست كراوە.

بەڕێوەبەرایەتی چاودێری تەندروستی سلێمانی لە ڕاگەیەندراوێكدا ئاماژەی بەوەكردووە، بۆ پاراستنی تەندروستی هاووڵاتیان و ڕێگری كردن له خواردن و خواردنەوەی ناتەندروست و ماوەبەسەرچوو له لایەن لیژنەكانی سەنتەری چاودێری ڕاپەڕین لە گەڕەكی ڕاپەڕین دەستیان گرت بەسە ر (1500) لیتر شەربەت.

ئاشكراشی كردووە، دوای بە دواداچوونی ورد و وەرگرتنی زانیاری توانیان ئەو شوێنەی شەربەتەكەی لێ دروست دەكرێت
بدۆزنەوە لە ماڵێك لە گەڕەكی هە واری شار.

ئاشكراشی كردووە، شەربەتەكە بە شێوەیەكی ناتەندروست و بە ئاوی بیر دروستكراوە و هیچ مۆڵەت و ناسنامەی تەندروستیان نەبووە و دەستگیرا بەسەر سەرجەم شەربەت و ئەو كەلوپەلانەی لە ئامادەكردنی بە كارهاتووە.

جەختیشی كردۆتەوە، كە كاری پێوست لەگەڵ خاوەنەكەی دەكرێت و هەر ئەمڕۆ سە رجەمیان لەلایە ن لیژنەی تایبەتەوە بە شێوەیەكی تەندروست لەناوبرا .

بەڕێوەبەرایەتی چاودێری تەندروستی سلێمانی داوا له هاووڵاتیانی دەكات “لە كاتی بینینی هەر خواردن و خواردنەوەیەكی ناتەندروست و بەسەرچوودا ئاگاداری لیژنەكانی چاودێری تەندروستی بكەن” .

 

بەردەوام بە لە خوێندنەوە

کوردستان