ئێمە لە تۆرە کۆمەڵایەتیەکان

عێراق

هۆكاری سەردانەكەی وەزیری بەرگری ئەمریكا بۆ عیراق ئاشكرا دەبێت

خەڵك- بەشی هەواڵ
سەرچاوەیەكی ئەمریكایی ئاگادار، ئامانجی ڕاستەوخۆی سەردانەكەی پاتریك شانەهان، وەزیری بەرگری ئەمریكا بەوەكالەت بۆ عیراق ئاشكرا دەكات.

سەرچاوەكە بە ئاژانسی (فرانس پرێس)ی ڕاگەیاندووە، “شانەهان لە سەردانەكەیدا چاوی بە عادل عەبدولمەهدی، سەرۆك وەزیران دەكەوێت، تا دڵنیای بكاتەوە سەبارەت بە خواستەكانی پنتاگۆن لەدوای لێدوانەكانی دۆناڵد ترەمپ سەبارەت بە مانەوەی هێزەكانی ئەمریكا لە عیراق بۆ چاودێری كردنی ئێران”.

بە وتەی سەرچاوەكە، “شانەهان، لەگەڵ بەرپرسانی عیراق بابەتی بوونی هێزەكانی ئەمریكا لە عیراق لە دوای پاشەكشەكردنی هێزەكانیان لە سوریا، تاوتوێ‌ دەكات”.

سەرلەبەیانی ئەمڕۆ سێ‌ شەممە، شانەهان بە سەردانێكی كتوپڕ و ڕانەگەیەندراو گەیشتە عیراق.

سەرچاوەیەكی بەرپرسیش لەبارەی سەردانەكەوە بە (فرانس پرێس)ی ڕاگەیاندووە، “شانەهان لە ئەفغانستانەوە بە سەردانێكی ڕانەگەیەندراو گەیشتە بەغدا، تا چاوی بە بەرپرسانی عیراقی بكەوێت و هێزەكانی ئەمریكا لە عیراق بەسەربكاتەوە”.

پێشتر دۆناڵد ترەمپ، سەرۆكی ئەمریكا ڕایگەیاندبوو، “هێزە ئەمریكاییەكان كار بۆ چاودێریكردنی ئێران دەكەن لە بنكەی عەین ئەسەدەوە” كە لە كۆتایی ساڵی ڕابردوودا سەردانی كردبوون.

هەروەها ترەمپ باسی لە خەرجكردنی سامانێك كردبوو لە بنكەكەدا، كە دەكەوێتە ئەنباری خۆرئاوای عیراق و تەئكیدی لەسەر پارێزگاری لەو بنكەیەش كردبۆوە لەلایەن واشنتۆتەوە.

لێدوانەكانی ترەمپ بووە مایەی ناڕەزایی لە بەغدا. لەو بارەیەوە بەرهەم ساڵح، سەرۆكی عیراق ڕایگەیاندبوو، سەرۆكی ئەمریكا مۆڵەتی لە بەغدا وەرنەگرتووە تا هێزەكانی لە خاكی عیراقەوە چاودێری ئێران بكەن.

هەر لەو چوارچێوەیەدا ژمارەیەك لە سەركردە عیراقییەكان، قسەكانی ترەمپ-یان بە پێشێلكاری بۆ سەروەری عیراق لەقەڵەمدابوو.

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان