ئێمە لە تۆرە کۆمەڵایەتیەکان

کوردستان

وەستانی ئۆتۆمبێلی بارهەڵگر لەم شوێنانە قەدەغە كرا

خەڵك-بەشی هەواڵ

بەڕێوەبەرایەتی هاتوچۆی سلێمانی سزای ئەو شۆفێرانە دەداتە كە لەنێو گەڕەكەكاندا ئۆتۆمبێلە بارهەڵگرەكانیان دەوەستێنن.

بەڕێوەبەرایەتی هاتوچۆی سلێمانی لە ئاگادارینامەیەكدا، شۆفێری سەرجەم ئۆتۆمبێلە بارهەڵگرەكان ئاگادار دەكاتەوە كە لەگەڕەك و كۆڵانەكان بارهەڵگرەكانیان ڕانەگرن، چونكە سەرپێچی هاتوچۆیە.

ئاماژە بۆ ئەوەش دەكات، وەستانی بارهەڵگرەكان لەنێو گەڕەك و كۆڵانەكان بووەتە مایەی بێزاری هاوڵاتییان لە شوێنەكانی نیشتەجێ بوون.

ئاشكراشیدەكات، هەر شۆفێرێك ڕێنماییەكان بە هەند وەرنەگرێت، بەپێچەوانەوە مەفرەزەكانی هاتوچۆ لە شەواندا هەڵدەستن بە لێپرسینەوەی یاسایی لەبەرامبەر بەو سەرپێچییە.

کوردستان

عەلی حەمە ساڵح لە سەر ڕێكەوتنەكەیان لەگەڵ پارتی هەڵوێستی ڕاگەیاند

خەڵك – بەشی هەواڵ
سەرۆكی فراكسیۆنی گۆڕان لە پەرلەمانی كوردستان ڕایدەگەیەنێت ، ڕابردوو بۆ پەند وەرگرتنە، بۆ تێگەشتنە چۆن لە ئایندەدا هەنگاو بنێین، دەشڵێت ،” ئێستا دەمانەوێت هەمان ئەو بەرنامەی هەمان بووە، لەدەسەڵاتدا بیخەینە خزمەتی خەڵك، خزمەتی خەڵكیش خزمەتی گۆڕانە”.

عەلی حەمە ساڵح ، سەرۆكی فراكسیۆنی گۆڕان لە پەرلەمانی كوردستان لە هەژماری تایبەتی خۆی لە فەیسبوك ڕایگەیاندووە، لە ڕابردودا لەگەڵ پارتی و یەكێتی چەندین بەر یەككەوتنمان هەبووە، ئەوەی بەسەر گۆڕان هات بەسەر هەر كام لەو دوو حیزبە بهاتایە لەناو دەچوون .

دەشڵێت،”نانبڕینی نزیكەی چوار هەزار كەس، ساختەكاری زۆر، بەكارهێنانی هێزی چەكدار بۆ دژایەتی گۆڕان، بەكارهێنانی دامودەزگای حكومەت بۆ دژایەتی گۆڕان، هێرش و هەڕەشە، لەسەروی هەموو ڕۆشتنی كاریزمای نەوشیروان مستەفا لەوانە بوون، كە لە ڕابردوودا دیمان”.

ڕاشیگەیاندووە، ئەوەی بەسەر گۆڕاندا هات، تەنیا گۆڕان بەرگەی گرت، ماینەوە گفتوگۆ و سیاسەتمان كرد لە پێناو بەرنامەكە، ئێمە بەڕق و كۆنە قین سیاسەت ناكەین، ئەگەر سیاسەت خزمەتی گشتی بێت ڕق و شەڕ هیچ خزمەنێك ناكات ڕابردوو بۆ پەند وەرگرتنە، بۆ تێگەشتنە چۆن لە ئایندەدا هەنگاو بنێین.

ئاماژەی بۆ ئەوەشكردووە، ئێستا دەمانەوێت هەمان ئەو بەرنامەی هەمان بووە، لەدەسەڵاتدا بیخەینە خزمەتی خەڵك، خزمەتی خەڵكیش خزمەتی گۆڕانە، ڕێككەوتن لەگەڵ یەكێتی، ڕێككەوتن لەگەڵ پارتی هەر لە پێناو بەرنامەكەدایە.

بەردەوام بە لە خوێندنەوە

کوردستان

دوو پۆلیسی لیوای نەوت و گاز لە ئاودا خنكان

خەڵك – بەشی هەواڵ
قایمقامیەتی قەزای چەمچەماڵ ڕایدەگەیەنێت ، لە نزیك گوندی كۆرومۆری ناحیەی قادر كەرەمی دوو پۆلیسی لیوای ۲ی نەوت و گاز لە گۆمێكی ئاوی باراناو دا خنكان، دەشڵێت،” تا ئێستا یەكێك لە تەرمەكان دەرهێنراونەتەوە”.

قایمقامیەتی قەزای چەمچەماڵ لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئێوارەی ئەمڕۆ پێنجشەممە 21-2-2019 كاتژمێر٥ لە نزیك گوندی كۆرومۆری ناحیەی قادركەرەمی سەر بە قەزای چەمچەماڵ دوو پۆلیسی لیوای ۲ی نەوت و گاز لە گۆمێكی ئاوی باراناو دا خنكان .

دەشڵێت،”تیمەكانی غەواس و هێزەكانی پۆلیس تەرمی یەكێك لە پۆلیسەكانیان دەرهێناوە و لە هەوڵدان بۆ دۆزینەوەی تەرمی پۆلیسەكەی دیكە”.

قائیمقامیەتی قەزای چەمچەماڵ سەرەڕایی سەرەخۆشی لە بنەماڵەی ئەو دوو پۆلیسە ڕاشیگەیاندووە، دواتر تەرمەكان ڕوانەی پزیشكی دادوەری سلێمانی دەكرێن.

بەردەوام بە لە خوێندنەوە

ئابوری

بەستنی لیستی مووچەی مانگەكانی ئەمساڵ بە پاشەكەوتەوە مامۆستایان نیگەران دەكات

خەڵك – بەشی هەواڵ
مامۆستایانی ناڕازی ڕایدەگەیەنن، لە ئەگەری هاتنی بەشە بودجەی هەرێم لە لایەن عیراقەوە پاشەكەوتی مووچەی مامۆستایان لا نەبرێت هەڵوێستمان دەبێت و خۆپیشاندان و بایكۆت ڕێكارێكی مەدەنیە بۆ داواكردنی مافەكانمان، دەشڵێت،”ئەوەی باس دەكرێت كە گوایە لیستی مووچەی مانگی 1و 2ی ئەمساڵ بە پاشەكەوتەوەیە ڕاست بێت هەڵوێستی جدیمان دەبێت”.

دڵشاد تالیب بابان، مامۆستای ناڕازی لە سلێمانی بە (خەڵك) ی ڕاگەیاند، پێشتر ئەوەمان بەیان كرد، كە لە ئەگەری هاتنی بەشە بودجەی حكومەتی هەرێم لە لایەن عیراقەوە ، دەبێت پاشەكەوتی مووچە نەمێنێت، لە ئێستاشدا جەخت لەسەر ئەوە دەكەینەوە.

وتیشی،”بۆ بەدەستهێنانی مافەكانمان لەكاتی هاتنی بەشە بودجە و لانەبردنی پاشەكەوتی مووچە، بە ڕێكاری مەدەنی داوای مافی ڕەوای خۆمان دەكەین، كە خۆپیشادان و بایكۆتی ناوەندەكانی خوێندن بژاردەیەكن، كە مامۆستایانی ناڕازی دەیگرنەبەر”.

ڕاشیگەیاند، لە تۆڕەكۆمەڵایەتیەكان بڵاوكراوەتە گوایە لیستی مووچەی مانگەكانی 1 و 2ی ئەمساڵ لە پەروەردەكان بەستراوە بە پاشەكەوتەوە، ئەگەر ئەوە ڕاست بێت بۆ ئەوش هەڵوێستی جیدیمان دەبێت .

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان