ئێمە لە تۆرە کۆمەڵایەتیەکان

عێراق

داوای بە هەرێم بوون دەكات
عەلی شەداد بۆ (خەڵك): بەسڕە شارێكی ستەملێكراوە

خەڵك- بەشی هەواڵ
سەرۆكی لیژنەی نەوت و غاز لە ئەنجوومەنی پارێزگای بەسڕە، پێیوایە پارێزگاكەیان بە ڕەچاوكردنی ئەو داهاتەی بۆ عیراق دەستەبەری دەكات بەراورد بە پارێزگاكانی تری عیراق لە بودجەدا پارەی بۆ تەرخان نەكراوە، داواكاریی بوون بە هەرێمی پارێزگاكەش بە شیاو دادەنێت.

عەلی شەداد فارس، سەرۆكی لیژنەی نەوت و غاز لە ئەنجوومەنی پارێزگای بەسڕە لە لێدوانێكی تایبەت بە (خەڵك) ڕایگەیاند، “ڕاستە هەندێك پارە تەرخانكراوە و دەسەڵاتی ئیداری و جێبەجێكردن دراوە بە پارێزگای بەسڕە، بەڵام ئەوەی مایەی بێ ئومێدبوونە، پشكی بەسڕەیە لە یاسای بودجەی گشتی دەوڵەت، كە لەگەڵ هەندێك پارێزگادا یەكسان كراوە، لەكاتێكدا بەسڕە لەڕووی ژینگەیی و ژێرخانەوە زیانی پێگەیشتووە، بەهۆی بەو ڕێژە ئاوارە زۆرەی هاتوونەتە پارێزگاكە لەئێستادا ژمارەی دانیشتوانی بەسڕە دەگاتە چوار ملیۆن كەس، بۆیە لە بودجەدا نایەكسانی بەدی دەكرێت”.

بە وتەی عەلی شەداد، “سەبارەت بە ماددەی تایبەت بە پتڕۆدۆلاریش، مافی پارێزگای بەسڕە لەو ڕووەوە دەگاتە سێ‌ ترلیۆن زیاتر، بەڵام لەو بارەیەوە لە بودجەدا تەنیا یەك ترلیۆن دینار بۆ هەموو پارێزگا بەرهەمهێنەرەكانی نەوت تەرخان كراوە، ئەمەش خۆی لەخۆیدا بەراورد بە بەرهەمی نەوتی بەسڕە، ستەمێكی تری داراییە، كە لە پارێزگاكە دەكرێت”.

ئەو ئەندامەی ئەنجوومەنی پارێزگای بەسڕە بەدووری نازانێت، ڕوو لە هەنگاوی بەرەو بەهەرێم بوون هەڵبنێن و لەو بارەیەوە دەڵێت: “بەدووری نازانین حكومەتی خۆجێی بەسڕە و خەڵكی بەسڕە، بەرەو ئەو ڕێگەچارەیە هەنگاو بنێن، ئەگەر حكومەتی فیدڕاڵ و تەنانەت پەرلەمانیش بەدەم داواكاری و داخوازییەكانی پارێزگاكەوە نەیەن”.

پارێزگای بەسڕە لە باشووری عیراق، بە گەورەترین بەرهەمهێنەری نەوت لە عیراقدا دادەنرێت، بەڵام بەپێی پێویست لەڕووی خزمەتگوزاریی و باری گوزەرانی دانیشتوانەكەی لەلایەن حكومەتی فیدڕاڵەوە ئاوڕی لێنەدراوەتەوە، ئەمەش بۆتە مایەی ئەوەی دانیشتوانی بەسڕە ناوبەناو بڕژێنە سەر شەقامەكان و خۆپیشاندانی ناڕەزایی بەرانبەر بە ئاستی خزمەتگوزاری و بڵاوبوونەوەی بێكاری لە پارێزگاكەدا دەرببڕن، چەند جارێكیش هاووڵاتیانی ئەو پارێزگایە داوای بەهەرێم بوونیان كردووە و بۆ ئەو مەبەستەش ئاڵایەكی تایبەت بەو هەرێمەیان ڕاگەیاندبوو، بەڵام لەلایەن بەرپرسانی باڵای عیراقەوە ڕەتكرایەوە.

وێنە؛ ئاڵای تایبەت بە هەرێمی بەسڕە

 

ئابوری

ھۆشداری دەدرێت لەداخستنی گەرووی ھورمز

خەڵك – بەشی هەواڵ

وەزیری نەوتی عیراق ھۆشداریدا بەھۆی ناكۆكییەكانی نێوان ئەمریكا و ئێران، گەرووی ھورمز دابخرێت.

سامر غەزبان وەزیری نەوتی عیراق ڕایگەیاند، وەزارەتی نەوت لە ئێستاوە ڕێوشوێنی پێویستی لەبارەی دابینكردنی سووتەمەنی پێویست بۆ وێستگەكانی كارەبا لە وەرزی ھاویندا گرتووەتەبەر و بەروارد بە ساڵی ڕابردوو زۆربەی كێشەكان چارەسەر دەكرێن.

وەزیری نەوتی عیراق وتیشی، داخستنی گەرووی ھورمز بەھۆی ناكۆكییەكانی نێوان ئەمریكا و ئێرانەوە كاریگەری لەسەر عیراق و وڵاتانی ھەناردەكردنی نەوت لەناوچەكە دەبێت.

پێشتر، سامر غەزبان ڕایگەیاندبوو، وەزارەتەكەی بەنیازە ڕێوشوێنی پێویست لەكاتی ڕوودانی ھەر پێشھاتێكی چاوەڕواننەكراو بەھۆی ناكۆكییەكانی نێوان واشنتۆن و تاران لەناوچەكەدا بگرێتەبەر.

بەردەوام بە لە خوێندنەوە

ئابوری

هەوڵدەدرێت مووچەی خانەنشینی زیادبكرێت

خەڵك – بەشی هەواڵ

ژمارەیەك لە ئەندامانی ئەنجومەنی نوێنەرانی عیراق لە هەوڵدان مووچەی خانەنشینی لە عیراق زیاد بكرێت.

سامر زیبان ئەندامی لیژنەی دارایی ئەنجومەنی نوێنەرانی عیراق لە لێدوانێكی ڕۆژنامەوانیدا ڕایگەیاند، لیژنەی خزمەتگوزارییەكانی ئەنجومەنی نوێنەران لەهەوڵدایە بۆ دۆزینەوەی شێوازێك بۆ زیادكردنی مووچەی خانەنشینان، چونكە ئەو توێژەی كۆمەڵگە زوڵمێكی زۆریان بەرامبەر كراوە.

ئەو ئەندامەی لیژنەی دارایی ئەنجومەنی نوێنەرانی عیراق ئاماژەی بەوەشدا، جیاوازییەكی زۆر لە مووچەی خانەنشینان هەیە بەتایبەت خانەنشینانی سوپای پێشوو.

سامر زیبان جەختیشیكردەوە، لیژنەكە كاردەكات بۆ زیادكردنی مووچەی خانەنشینان لەماوەی چەند مانگی داهاتوودا.

بەردەوام بە لە خوێندنەوە

ئابوری

لەئەگەری ڕوودانی جەنگ، عیراق شوێنی بۆ هەناردەكردنی نەوت دۆزیوەتەوە

خەڵك – بەشی هەواڵ

بەڕێوەبەری كۆمپانیای نەوتی بەسڕە ئاشكرایدەكات، لەكاتێكدا جەنگ لەنێوان ئەمریكا و ئێران ڕووبدات عیراق جێگرەوەی بۆ هەناردەكردنی نەوتی وڵاتەكەی دۆزیوەتەوە.

ئیحسان عەبدولجەبار بەڕێوەبەری كۆمپانیای نەوتی بەسڕە رایگەیاندووە، بەرهەمهێنانی نەوتی ڕۆژئاوای قوڕنەی یەك بۆ 500 هەزار بەرمیلی ڕۆژانە بەرزبووەتەوە، ئەوەش دوای ئەوەدێت كە كارمەندانی كۆمپانیای ئیكسۆن مۆبیل لەو كێلگەیە كشانەوە و بە هاوكاری كارمەندانی ناوخۆیی چەند یەكەیەكی نوێ، بەرهەمهێنان بۆ ئەو كێڵگەیە زیادكرا.

بەڕێوەبەری كۆمپانیای نەوتی بەسڕە ئاماژەی بەوەشكرد، فەرماندەیی پۆلیسی نەوتی پارێزگای بەسڕە، جێگرەوەی بۆ هەناردەكردنی نەوت دۆزیووەتەوە، ئەگەر بێتو جەنگ لە نێوان ئەمریكا و ئێران ڕووبدات (بێ ئەوەی شوێنەكەی ئاشكرابكات)، جێگرەوەكەش بە هەماهەننگی وەزارەتی نەوتی عیراق بووە و دەتوانرێت بۆ چەند مانگێك كاری لەسەر بكرێت، چونكە هەناردەكردنی نەوت تاكە سەرچاوەی ئابووری عیراقە.

ئیحسان عەبدولجەبار ئەوەشی خستەڕوو، عیراق توانای تەواوی هەیە بۆ ئەوەی بڕێكی زۆر نەوت هەناردە بكات، بەڵام بەهۆی ڕێككەوتنی وڵاتانی هەناردەكاری نەوت (ئۆپیك)ەوە ئاستی هەناردەكردنی كەمكردووەتەوە.

بەردەوام بە لە خوێندنەوە

کوردستان