ئێمە لە تۆرە کۆمەڵایەتیەکان

عێراق

ئەو خوێندكارانەی لە خوێندنی زانكۆ دابڕاون وەردەگیرێنەوە

خەڵك- بەشی هەواڵ
وەزارەتی خوێندنی باڵا و توێژینەوەی زانستی حكومەتی فیدڕاڵ ڕایدەگەیەنێت، ئەو خوێندكارانەی لە سەرەتای خوێندنی زانكۆ لە ساڵی خوێندنی 2009-2010 بەرەو ژوور لە خوێندن دابڕاون، دەگێڕدرێنەوە بۆ خوێندن لە زانكۆكان.

ئەمڕۆ دوو شەممە، ئیهاب ناجی عەباس، بەڕێوەبەری گشتی لە بەڕێوەبەرایەتی توێژینەوەكان و پلاندانان و بەدواداچوون لە وەزارەتی خوێندنی باڵاو توێژینەوەی زانستی حكومەتی فیدڕاڵ، لە ڕاگەیەندراوێكدا ئاماژەی بەوەكردووە، “وەزارەتی خوێندنی باڵا ڕازی بووە لەسەر گێڕانەوەی ئەو خوێندكارانەی بەهۆی ئامادەنەبوون یان دەرنەچوون (لە ماددەكانی قۆناغەكان یان ماددەكانی پەڕینەوە) لە دەوام و تاقیكردنەوەكان لە ساڵی خوێندنی 2009-2010 بەرەوژوور دابڕاون لەهەموو قۆناغەكانی خوێندندا، بگێڕدرێنەوە و دەستبەكاربوونیشیان لە ساڵی خوێندنی داهاتووی 2019-2020وە بۆ دەكرێت”.

ڕاشیگەیاندووە، “وەزارەتی خوێندنی باڵا و توێژینەوەی زانستی، ئەو خوێندكارانەی لە بڕیارەكە بەدەركردووە، كە بەهۆی قۆپی و ساختەكاریی یان سزای هەڵسوكەوتەوە دوورخراونەتەوە، وێڕای ئەوانەش، كە لەسەر داواكاری خۆیان بۆ پەیوەندیكردن بە خوێندنی ئێواران یان زانكۆ تایبەتییەكانەوە دوورخراونەتەوە، لەگەڵ ئەوانەش، كە پەیوەندییان بە خوێندنی تایبەت بە هەردوو وەقفی سوننی و شیعییەوە كردووە بۆ خوێندن لە دەرەوەی عیراق و ئەوانەش، كە دوورخراونەتەوە و لەو كۆلیژ و پەیمانگەكان وەرگیراون، كە نمرەی كەمترییان پێویستە.

بۆ وەرگرتنی زانیاریی سەبارەت بەوەی وەزارەتی خوێندنی باڵا و توێژینەوەی زانستی لە هەرێمی كوردستان هەنگاوێكی هاوشێوەی حكومەتی فیدڕاڵ هەڵدەنێت یان نا، (خەڵك) پەیوەندی كرد بە یوسف گۆران، وەزیری خوێندنی باڵای هەرێمەوە، بەڵام پەیوەندییەكە بێ‌ وەڵام بوو.

هاوكات، عەباس ئەكرەم، وتەبێژی وەزارتی خوێندنی باڵای هەرێم بۆ (خەڵك) ڕەتیكردەوە لە ئێستادا بڕیاری لەو جۆرەی لەلایەن وەزارەتی خوێندنی باڵای حكومەتی فیدڕاڵەوە بەدی كردبێت، بۆیە ئامادەنەبوو هیچ زانیارییەك لەو بارەیەوە پێشكەش بكات.

عێراق

بە كۆرۆنا مردوون
نەجەف، 111 تەرم لەماوەی 24 كاتژمێری ڕابردوودا بەخاكسپێردران

خەڵك- بەشی هەواڵ
لیوای دوو و تیمی پزیشكی حەشدی شەعبی، ئاماژە بە بەخاكسپاردنی 111 تەرم دەكەن كە لەماوەی 24 كاتژمێری ڕابردوودا بەهۆی كۆرۆناوە گیانیانلەدەستداوە.

بەپێی ڕاگەیەندراوێك كە لەلایەن ڕاگەیاندنی حەشدی شەعبییەوە بڵاوكرایەوە”لیوای دووی حەشدی شەعبی و تیمی پزیشكی سەر بە حەشد، 111 تەرمیان لە گۆڕستانی (وادی السلام)ی نوێ‌ لە پارێزگەی نەجەف كە بۆ قوربانیانی ڤایرۆسی كۆرۆنا تەرخانكراوە، بەخاكسپارد”.

هەر لە ڕاگەیەندراوەكەدا هاتووە”ئەوانەی لە گۆڕستانی (وادی السلام)ی نوێ‌ بەخاكسپێردران، لەماوەی 24 كاتژمێری ڕابردوودا بەهۆی كۆرۆناوە لەم پارێزگایانەی عیراق گیانیانلەدەستداوە: 48 تەرم لە بەغدای پایتەخت، 26 تەرم لە زیقار، 23 تەرم لە پارێزگەی بەسرە، 5 تەرم لە پارێزگەی میسان، 4 تەرم لە پارێزگەی نەجەف، دوو تەرم لە پارێزگەی بابل”.

بەردەوام بە لە خوێندنەوە

عێراق

کەرکوک..باندێکی بازرگانیکردن بەئەندامانی جەستەى مرۆڤ دەستگیرکرا

خەڵک – بەشی هەواڵ

 

ئەمڕۆ پێنج شەممە دەزگای ئاسایشی نیشتیمانیی عیراق لەکەرکوک دەستگیرکردنی باندێکی بازرگانیکردن بەئەندامانی جەستەى مرۆڤی ئاشکراکرد.

 

دەزگای ئاسایشی نیشتیمانیی عیراق لەکەرکوک ڕاگەیەندراوێکی بڵاوکردەوە، کە تێیدا ئاماژەى بەدەستگیرکردنی باندێکی بازرگانیکردن بەئەندامانی جەستەى مرۆڤ کرد، کە لە دوو ژن و پیاوێک پێکهاتوون.

 

باس لەئەوەشکراوە، ئەو باندە لەڕێگەی تۆڕە کۆمەڵایەتییەکانەوە پەیوەندییان لەگەڵ قوربانییەکان دروستکردووە و هەڵیانخەڵەتاندوون.

 

بەردەوام بە لە خوێندنەوە

عێراق

عیراق..گەشتە ئاسمانییەکان بۆ هاوڵاتییان دەستپێدەکاتەوە

خەڵک – بەشی هەواڵ

بەپێی نوسراوێکی وەزارەتی تەندروستی عیراق، گەشتە ئاسمانییەکان بۆ هاوڵاتییانی عیراق دەستپێدەکاتەوە، بەڵام لەژێر چاودێری و ڕێنماییە تەندروستییەکاندا.

 

بەپێی ڕێنماییەکان، هەر کەسێک دێتە ناو عیراقەوە دەبێت پشکنینی بۆ بکرێت و ئەگەر نیشانەى کۆرۆنای هەبێت، ئەوا دەنێردرێت بۆ وەرگرتنی چارەسەر لەنەخۆشخانە.

 

هەر بەپێی ڕێنماییەکان، هەر کەسێک بیهەوێت لەعیراقەوە گەشت بکات، دەبێت کە گەڕایەوە پشکنینی بۆ بکرێت و دواتر کەرەنیتین بکرێت.

بەردەوام بە لە خوێندنەوە

کوردستان