ئێمە لە تۆرە کۆمەڵایەتیەکان

جیهانی

سۆڵشایه‌ر چی ده‌کات؟ به‌رپرسانی یونایتد له‌کۆتا کوبونه‌وه‌دا ڕاهێنه‌ری هه‌میشه‌یی یانه‌که‌یان ده‌ستنیشان کردووه‌


خه‌ڵک سپۆرت

به‌رپرسانی یانه‌ی مانچسته‌ر یونایتد باوه‌ڕیان به‌پلانه‌کانی ئولی گۆنار سۆڵشایه‌ری نه‌رویجیه‌ و بڕیاریانداوه‌ له‌کۆتایی وه‌رزدا بۆندی هه‌میشه‌یی پێشکه‌ش بکه‌ن.

ڕۆژنامه‌ی “زه‌ سه‌ن”ی به‌ریتانی له‌زاری سه‌رچاوه‌ ناوخۆییه‌کانی مانچسته‌ر یونایتده‌وه‌ ئاشکرای کردووه‌، له‌کۆتا کۆبونه‌وه‌ی ئه‌نجومه‌نی ئیداره‌ی یانه‌ زه‌به‌لاحه‌که‌ی شاری مانچسته‌ر، ده‌رباره‌ی که‌یسی ڕاهێنه‌ر و ئه‌گه‌ره‌کانی دابینکردنی ماوریسیۆ پۆچتینۆی ڕاهێنه‌ری ئه‌رجه‌نتینی یانه‌ی تۆتنهام گفتوگۆ کراوه‌، به‌ڵام له‌ کۆبونه‌وه‌که‌دا زۆرینه‌ له‌گه‌ڵ ئه‌وه‌دابوون سۆڵشایه‌ر به‌رده‌وام بێت و بۆندی هه‌میشه‌یی پێشکه‌ش بکرێت.

سه‌رچاوه‌که‌ ئاماژه‌ی کردووه‌، ئید ودواردی به‌ڕێوه‌به‌ری جێبه‌جێکار و ده‌سته‌ی وه‌رزشیی و هونه‌ری یانه‌ پێیان وابووه‌ سۆڵشایه‌ر باشترین کار ئه‌نجام ده‌دات و به‌ڵگه‌شیان ئه‌وه‌بووه‌ که‌ له‌کۆی ١١ یاریی ١٠ بردنه‌وه‌ی تۆمار کردووه‌، پێیان وابووه‌ ئه‌گه‌ر پۆچتینۆش دابین بکه‌ن بێگومان له‌ماوه‌ی نیوه‌ وه‌رزێکدا ناتوانێت به‌و شێوه‌یه‌ پاڵپێوه‌نه‌ری یاریزانه‌ یاخیبووه‌کانی سه‌رده‌می مۆرینیۆ بێت، بۆیه‌ به‌شێوه‌یه‌کی یه‌کجاره‌کی بیرۆکه‌ی کڕینی ئه‌و ڕاهێنه‌ره‌یان له‌ فه‌رهه‌نگی یانه‌که‌ سڕیوه‌ته‌وه‌.

به‌وپێیه‌ی ململانێکانی وه‌رزی ٢٠١٨/٢٠١٩ به‌رده‌وامه‌ و واده‌ی گواستنه‌وه‌کانیش کۆتاییان هاتووه‌، ده‌سته‌ی کارگێڕی یونایتد بڕیاریداوه‌ له‌کۆتایی وه‌رزدا کۆتایی به‌ بۆندی کاتیی سۆڵشایه‌ر بهێنێت و بۆندی هه‌میشه‌یی بۆ ماوه‌ی چوار ساڵ بخه‌نه‌ به‌رده‌ست.

جیهانی

هەڵبژاردەی ئەڵمانیا بووە بە گەورەترین مەترسی بۆ یانەی لیڤەرپوڵ


خەڵک سپۆرت

یەکێتی تۆپی پێێ ئەڵمانیا پلان بۆ سەردەمی دوای یواکیم لۆوڤی ڕاهێنەر دادەڕێژێت و یۆرگن کلۆپ وەک جێنشینی ڕاهێنەرە مێژووییەکە دیاریکراوە.

ڕۆژنامەی “دەیلی میرەر”ی بەریتانی ئاشکرای کردووە، لەدووای مۆندیالی ٢٠٢٢ی قەتەر یەکێتی تۆپی پێی ئەڵمانیا و یواکیم لۆوڤی ڕاهێنەر بۆندی نێوانیان کۆتایی دێت، ڕاهێنەرەکە لەحاڵەتی سەرکەوتن و شکست بڕیاریداوە بەردەوام نەبێت.

لێرەوە یەکێتی تۆپی پێی ئەڵمانیا بیر لە چارەسەر دەکەنەوە، بۆ ئەو مەبەستەش چاویان لە تواناکانی یۆرگن کلۆپی ڕاهێنەری یانەی لیڤەرپوڵ بڕیوە، پێیان وایە باشترین جێنشینە بۆ لۆوڤ و دەتوانێت هاوشێوەی یانەکانی بروسیا دۆرتمۆند و لیڤەرپوڵ دووبارە هەڵبژاردەکە بگەڕێنێتەوە لوتکەی تۆپی پێ.

ڕۆژنامەکە نوسیویەتی: خۆشبەختانە کۆمپانیای فینوای خاوەنی پشکەکانی یانەی لیڤەرپوڵ سەرکەوتوو بوون لە نوێکردنەوەی بۆندی کلۆپ تا هاوینی ٢٠٢٤، لەکاتێکدا بۆندی پێشووی لە هاوینی ٢٠٢٢ کۆتایی دەهات و ئەگەر بەوشێوەیە بەردەوامبووایە ئەوا لە هاوینی ٢٠٢٢ یەکێتی تۆپی پێی ئەڵمانیا بە ئاسانی مسۆگەریان دەکرد.

یانە ئینگلیزییەکە لەم بارودۆخەشدا ترسیان لە مەکینەکانی ئەڵمانیا هەیە، بۆیە بڕیاریانداوە لەپێناو پاراستنی ڕاهێنەرەکەیان و بەردەوامیدان بەکارەکانی بۆ ماوەیەکی درێژخایەن بۆندی نوێی پێشکەش بکەن، بەپێی بۆندە نوێیەکە هاوشێوەی فێرگسۆن تا ئەو ساتە بەردەوام دەبێت کە خۆی حەزی پێدەکات.

بەردەوام بە لە خوێندنەوە

جیهانی

دوای تایگەر وودز و مایوێزەر سەروەتی ئەستێرەیەکی تۆپی پێ دەگاتە سنوری ملیار


خەڵک سپۆرت

کریستیانۆ ڕۆناڵدۆی پورتوگالی نزیکدەبێتەوە سەرەوتی دارایی بگاتە ملیار یورۆ و بەوشێوەیەش دەبێتە یەکەمین یاریزانی بواری تۆپی پێ دەبێتە ملیاردێر.

ڕۆژنامەی زە سەنی ئینگلیزی ئاشکرای کردووە، کریستیانۆ ڕۆناڵدۆی پورتوگالی ئەستێرەی یانەی یوڤانتۆس یەکێکە لەو یاریزانانەی کە لەدەرەوەی بواری وەرزش بازرگانییكی جیهانییە و ساڵانە داهاتی بە سەدان ملیۆن یورۆ مەزەندە دەکرێت.

سەرچاوەکە ئاماژەی کردووە، کریستیانۆ لەڕێگەی هۆتێلە پێنج ئەستێرەکانی و کۆمپانیا و کۆگا و براندەکانییەوە لە هاوینی ٢٠٢٠ داهاتێکی زیاتر دەخاتە سەر سەروەتەکەیی و دەگاتە سنوری ملیارێک یورۆ، کە ئەوەش یەکەمین یاریزانی بواری تۆپی پێیە دەگاتە ئەو ئاستە.

هەروەها لەسەر ئاستی وەرزش تائێستا تەنها تایگەر وودزی ئەفسانەی گۆڵف و فلۆید مایوێزەری ئەفسانەی بۆکسێن گەیشتونەتە سنوری ملیار یورۆ.

دۆنی پورتوگال لە ٢٠٠٣وە داهاتی ساڵانە کۆدەکاتەوە و لەساڵانی ٢٠٠٩وە یەکێکە لەخاوەن زۆرترین داهاتەکان لە بواری وەرزشدا و چەندین ساڵ یەکەمی ڕیزبەندی بووە، بەڵام لەئێستادا لیۆ مێسی ئەفسانەی یانەی بەرشلۆنە لوتکەی ڕیزبەندییەکەی گرتووە.

زە سەن ئاماژەی بە کردنەوەی زنجیرەیەک ڕێستورانتی ناوازەکردووە لە وڵاتانی پورتوگال و ئینگلتەرا و مەغریب، بەهۆی ئەو زنجیرەیەوە تائێستا بڕی ٨٠٠ ملیۆن دۆلاری بەدەستهێناوە، هەروەها لە ساڵی ٢٠١٩ داهاتی گشتی بەهەموو بوارەکان ١٠٠ ملیۆن یورۆ بووە بەرامبەر ١١٦ ملیۆن بۆ لیۆ مێسی.

بەردەوام بە لە خوێندنەوە

جیهانی

ئەستێرەیەکی دێرینی ئیتاڵیا: بەرپرسانی یوڤانتۆس دەزانن کە خولی ئیتاڵیا کۆتایی هاتووە


خەڵک سپۆرت

ئەنتۆنیۆ کاسانۆ ئەستێرەی پێشووی هەڵبژاردەی ئیتاڵیا و یانەی ڕۆما دووپاتی دەکاتەوە، کەمکردنەوەی موچەی یاریزانانی یانەی یوڤانتۆس واتای ئەوەیە خولی ئیتاڵیا لەم وەرزەدا کۆتایی هاتووە.

لەئێستادا خولی ئیتاڵیا بەبڕیاری یەکێتی تۆپی پێ و ڕابیتەی یانە پیشەگەرەکان ڕاگیراون و مەترسییەکانی ڤایرۆسی کۆرۆنا تادێت زیاتر دەبێت، بەو هۆیەشەوە نازانرێت کەی و لە چ بارودۆخێکدا خولەکە دووبارە دەستپێدەکاتەوە.

بەم هۆیەوە بەرپرسانی یانەی یوڤانتۆس بڕیاریان لەسەر کەمکردنەوەی موچەکانیاندا و یاریزانانی وەک کریستیانۆ ڕۆناڵدۆ و ئەستێرەکانی تر ڕەزامەندییان نیشاندا، ئەوەش (١٠٠) ملیۆن دۆلار پاشەکەوت بۆ یانە ئیتاڵییەکە دەگەڕینێتەوە.

لەم بارەیەوە کاسانۆ بە کۆرێری دێلۆ سپۆرتی ڕاگەیاندووە :” ئەگەر بەرپرسانی یانەی یوڤانتۆس موچەی یاریزانانی یانەکە کەم بکەنەوە، ئەوە واتای ئەوەیە وەرزی ٢٠١٩/٢٠٢٠ دووبارە ئەنجام نادرێتەوە و کۆتایی هاتووە، بەنسبەت منەوە بابەتەکە یەکلایی بۆتەوە، ئەگەرنا یانەیەکی یوڤانتۆس بۆ هەنگاوێکی وەها دەنێت”.

هەروەها دەڵێت :”دەکرا ئەم بڕیارە لەکۆتایی هەر مانگێک، یاخود لەکۆتاییەکانی مانگی شەش بدرێت، بەنسبەت یانە هەژارەکانیشەوە پێویستە چارەسەرێک بۆ لێبڕینی موچەی یاریزانەکان بدۆزنەوە، چونکە هەندێک لەو یاریزانانە تەنها چوار و پێنج هەزار یورۆ موچەیانە و کرێ خانوو ئوتۆمبێل دەدەن، هەندێکیان پارەی قیستی ئوتۆمبێل و خانویان لەسەرە”.

لەکۆتاییشدا جەخت دەکاتەوە، کە وەزیری وەرزشی ئیتاڵیا باشترین بڕیاریداوە بە دووبارە ئەنجامدانی خولەکە لە دۆخێکی لەباردا، تایبەت بەخۆشی بەباشی دەزانێت قۆناغێکی چوار یانەیی ئەنجامبدرێت بۆ کۆتاییهێنان بە خولی ئیتاڵیا.

بەردەوام بە لە خوێندنەوە

کوردستان