ئێمە لە تۆرە کۆمەڵایەتیەکان

کوردستان

ئەنجوومەنی مامۆستایانی ناڕازی ڕاگەیەنراوێكی بڵاوكردەوە

خەڵك- بەشی هەواڵ

ئەنجوومەنی مامۆستایانی ناڕازی دواكارییەكانی خەڵك و مامۆستایان دەگەیەننە پەڕلەمانی كوردستان و لەگەڵ هەردوو فراكسیۆنی یەكێتی و پارتی كۆدەبنەوە.

ئەنجوومەنی مامۆستایانی ناڕازی لە ڕاگەیەنراوێكدا، كە وێنەیەكی دەست (خەڵك) كەوتووە، ئاماژەی بەوەكردووە، لەدرێژەی هەوڵەكانیان مامۆستایانی ناڕازی سەرجەم شار و شارۆچكەكان داواكارییەكانی خەڵك و مامۆستایانیان گەیاندە پەڕلەمان و داوایان لە فراكسیۆنەكانی پەڕلەمان كرد یەكەم كاری پەڕلەمان و حكومەتی نوێ هەڵوەشاندنەوەی سیستەمی بەناو پاشەكەوت و دانانی میكانیزمێك و شێوازێكی گونجاو بێت بۆ گێرانەوەی مووچە بەناو پاشەكەوت كراوەكان.

وەك ئەنجوومەنەكە ئاشكرای كردووە، لە ماوەكانی ڕابردوودا دیداریان لەگەڵ فراكسیۆنەكانی نەوەی نوێ و یەكگرتوو و گۆڕان و كۆمەڵ ئەنجامداوە.

ڕاشیگەیاندووە، ئەمڕۆ دوو شەممە 11/2/2019 لە درێژەی سەردانەكانیان لە تەلاری پەڕلەمان لەگەڵ فراكسیۆنەكانی پارتی و یەكێتی كۆبوونەوە و دووبارە داوایان كرد قوت و بژێوی هاووڵاتیان لە ململانێ سیاسییەكان بەدوور بگیرێت و كاری یەكەمی پەڕلەمان و حكومەتی نوێ كۆتایی هێنان بێت بە ستەمی پاشەكەوت.

کوردستان

پڕۆژەی دۆکیۆمێنتی بینا کۆنەکانی سلێمانی ڕاگەیەندرا

سلێمانی ـ نزار جەزا

ئەمڕۆ پێنج شەممە سیتی لابی سلێمانی کۆتاییهاتنی پڕۆژەی بەدۆکیۆمێنتکردنی گەڕەک و بینا کۆنەکانی سلێمانی ڕاگەیاند.

پڕۆژەی بەدۆکیۆمێنتکردنی گەڕەک و بینا کۆنەکانی سلێمانی کۆمەڵێک گرنگی هەیە کە لەکورتەی پڕۆژەکەدا بەچەند خاڵێک گرنگییەکەی خراوەتەڕوو:

یەکەم: پاریزگاریکردن لەپێناسە و ناسنامەی شاری سلێمانی، کە خەریکە لەدەستدەدرێت، بەهۆی تەشەنەکردنی شێوازە نوێ و هاوردە و نەخوازراوەکانی تەلارسازی لەدەرەوەی وڵات.

دووەم: گرنگی زۆریئەو خانوو گەڕەکە کۆنانە بۆپەرەپێدانی لایەنی ئابووری شار لەڕێگەی پەرەدان بە بواری گەشتوگوزار لەو خانوو و گەڕەکانەدا.

سێهەم: نەبوونی ئامارێکی تەواوی ئەوخانوو و گەڕەکە کۆنانە بۆ پەرەپێدان بەبواری توێژینەوەی زانستی لەبەشەکانیتەلارسازی و مێژووناسی و کلتووری.

چوارەم :ڕزگارکردنی ئەو بەشەکەمەی کە ماوە لە خانو و بینا و بەشە کۆنەکانی سلێمانی لە ڕوخان و ڕووخاندن.

پێنجەم: بۆ دروستکردنی داتابەیسێکی دروسە لەڕێگەی بەکارهێنانی سیستمی GIS.

شەشەم: بۆ پارێزگاریکردن لە شێوازی ژیانی ڕۆژانە و کلتوری ڕەسنی شارەکە.

حەوتەم: قۆناغێکی گرنگ و سەرەکی و پێویستە بۆ دروستکردنی ماستەرپلانێکی گشتگیر.

چرۆ حەیدەر ، بەڕێوەبەری سەنتەری سیتیلابی سلێمانی بە (خەڵک)ی ڕاگەیاند، ساڵ بە ساڵ خانووە کۆنەکانی سلێمانی بەرەو لەناوچون دەچن، کە بەپێی داتاکان نزیکی 200 خانوی کۆن لە کۆی شەش هەزار و 300 خانوو ماوەتەوە، کە لەو ڕێژەیەش تەنها نزیکی 120 خانوو بەکەڵکی تێداژیان دێت، بۆیە زۆر گرنگە ئەم بینا کۆنانە بپارێزرێن.

ئاماژەی بەئەوەشدا، لەساڵی ئایندەدا قۆناغی سێهەمی پڕۆژەکە کۆتایی دێت و لەئێستاشەوە دەکرێت کار لەسەر نۆژەنکردنەوەی ئەو بینا کۆنانە بکرێت.

سیتی لابی سلێمانی لەساڵی 2017 وەک سەنتەرێکی هاوبەشی نێوان کۆمپانیای ڤیوپایەنیر و زانکۆی سلێمانی بەگرێبەسێکی تایبەت دەستی بەکار و چالاکییەکانی کرد.

سیتی لابی سلێمانی یەکەمجارە لە کوردستان و دەوروبەری دەکرێتەوە، کە ڕاستەوخۆ سودمەندە لەئەزمونەکان سیتی لابی زانکۆی ساکسیۆن لەهۆڵەندا، کە شێوازێکی نوێیە لەبەکارهێنانی کۆمەڵێک ئامڕاز و هۆکاری تایبەت بۆ پێکەوەبەستنی زانکۆ و کەرتی گشتی و کەرتی تایبەت و چڕکردنەوەی هەموو هەوڵەکان بۆ ئاڕاستەکردنیان بۆ چارەسەری کێشەکان لەسەر ئاستی شارەکان.

بەردەوام بە لە خوێندنەوە

کوردستان

دەسپاكی ئامارەكانی گەندەڵی بڵاوكردەوە

خەڵك ـ ئارام سەردار

ئەمڕۆ پێنچ شەممە ۱۸ی تەمووزی ۲۰۱۹، سەرۆكی دەستەی دەسپاكی ئاشكرای كرد ،52 كەیسمان ڕەوانەی دادگای لێكۆڵینەوە كردووە ، 20 كەیسی گەندەڵیمان ڕەوانەی دادگای تایبەتمەند كردووه.

ئەحمەد ئەنوەر سەرۆكی دەستەی دەسپاكی هەرێمی كوردستان لە كۆنفڕانسێكی ڕۆژنامەوانیدا ڕایگەیاند ، داوایان كردووە لەحكومەت ناوی بەرپرسەكانیان بۆ بنێرێ بۆ ئەوەی فۆڕمی دەستەی دەسپاكی بۆ ئاشكراكردنی سەروەت و سامانیان بۆ ڕەوانە بكەن.

دەشڵێت “وەك چۆن لە بەرنامەی كاری كابینەی نۆیەم دووپاتكراوەتەوە، داوامان كردووە، حكومەت كار لەسەر چاكسازی و نەهێشتنی گەندەڵی بكات، چونكە ئێستا لە هەموو كات زیاتر هەرێم پێویستی بە چاكسازییە لە كەرتی گشتی و سێكتەرەكانی خزمەتگوزاری ، ئەنجومەنێكیش بۆ دژایەتی گەندەڵی و دادگایەكی تایبەتیش بۆ كەیسەكانی گەندەڵی دابمەزرێنرێت بۆ خێرا یەكلاكردنەوەی كەیسەكانی گەندەڵی هاوشێوەی بەغدا”.

سەرۆكی دەستەی دەسپاكی ئەوەش دەخاتەڕوو، كۆی گشتی كەیسەكانی هەواڵدەری گەیشتووەتە 245 كەیس، تەنها لە شەش مانگی یەكەمی ئەمساڵ 88 داوای هەواڵدەری كەیسی گەندەڵی تۆمار كراون، هەروەها 143 داوای سزایی كەیسی گەندەڵی تۆمار كراون و كۆی گشتی داوای سزایی گەیشتووەتە 250 كەیس، لەهەمان كاتدا لەكۆی ۷۲ كەیسی تایبەت كە رەوانەی دادگای لێكۆلینەوە و ڕەوانەی دادگای تایبەتمەند كردووە ، 17 كەیس یەكلایی كراونەتەوە و بڕیاری دادگای بۆ دەرچووە .

ئاماژەی بەوەشكرد، لەئێستادا 105 كەیس لە قۆناغی لێكۆڵینەوەن و دوای تەواوبوونی ڕێكارەكانی تر تەواو دەكەن.

بەردەوام بە لە خوێندنەوە

کوردستان

تا ئێستا جێگرانی سەرۆكی هەرێم دەستبەكارنەبوون

خەڵك- بەشی هەواڵ

جێگرانی سەرۆكی هەرێمی كوردستان یەكێكیان كاندیدی یەكێتی و ئەوی دیكەیان سەر بە گۆڕانە و بەپێچەوانەی خولەكانی پێشووەوە، جێگری سەرۆكی هەرێم ناچێتە پەڕلەمان بۆ وەرگرتنی متمانە.

بژار كۆچەر، سەرۆكی لیژنەی یاسایی پەڕلەمانی كوردستان بە (خەڵك)ی ڕاگەیاند، سەرۆكی هەرێمی كوردستان بە مەرسوم بڕیاری دەستبەركاربوونی جێگری سەرۆك دەدات و پێویست ناكات پەڕلەمان متمانەیان بداتێ‌.

وتیشی”وادەی دەستبەكاربوونیان پەیوەندی بە پەڕلەمانەوە نییە، بەڵام بەپێی یاسایی نوێی سەرۆكایەتی هەرێم، كار و دەسەڵات و متمانەیان دەكەوێتە لای سەرۆكی هەرێم”.

بڕیارە هەریەك لە جەعفەر شێخ مستەفا، لە یەكێتی و مستەفا سەید قادر لە گۆڕان ببن بە جێگری نیچیرڤان بارزانی، سەرۆكی هەرێمی كوردستان.
بەپێی زانیارییەكان هەفتەی داهاتوو مەرسومی دەستبەكاربوونیان دەردەكرێت و دەسەڵاتەكانیشیان لەلایەن سەرۆكی هەرێمەوە دیاری دەكرێت.

بەردەوام بە لە خوێندنەوە

کوردستان