ئێمە لە تۆرە کۆمەڵایەتیەکان

جیهان

ڕۆحانی: ئێران لە پەرەپێدانی بەرنامە موشەكییەكەی بەردەوام دەبێت

خەڵك – بەشی هەواڵ
سەرۆك كۆماری ئێران ڕایدەگەیەنێت، گەلی ئێران ڕووبەڕووی قورسایی ئابووری بۆتەوە، بەڵام لەڕێی یارمەتیدانی یەكترەوە زاڵ دەبین بەسەر كێشەكاندا، دەشڵێت: “ئێران لە پەرەپێدانی بەرنامە موشەكییەكەی بەردەوام دەبێت”.

كەناڵی فەرمی ئێران (ئیرنا) بڵاویكردەوە، حەسەن ڕۆحانی، سەرۆك كۆماری ئێران لەوتارێكیدا بەبۆنەی یادی چل ساڵەی شۆڕشی ئیسلامییەوە لە گۆڕەپانی مەیدان ئازادی لە تارانی پایتەخت ڕایگەیاندووە، سەرەڕای فشارەكانی ڕۆژئاوا بۆ سەر وڵاتەكەی، ئێران سوورە لەسەر ئەوەی پەرە بە هێزە سەربازییەكەی و بەرنامە موشەكیە بالستیەكەی بدات.

ڕاشیگەیاندووە، گەلی ئێران ڕووبەڕووی قورسایی ئابووری بۆتەوە و ڕووبەڕووشی دەبێتەوە، بەڵام لەڕێی یارمەتیدانی یەكترەوە زاڵ دەبین بەسەر كێشەكاندا.

ئاماژەی بۆ ئەوەشكردووە، بەردەوام دەبین لە پەرەپێدانی مووشەك و هێزە سەربازییەكەمان و داوامان نەكردووە و داواش ناكەین پەرە بە جۆرە جیاوازەكانی موشەكەكانمان بدەین.

دوای ئەوەی واشنتن لە ڕێككەوتنە ناوەكییەكەی ئێران كشایەوە و هەموو سزاكانی بەسەر تاراندا سەپاندەوە، ڕۆحانی بەڵێنیدا زاڵ ببێت بەسەر سزاكانی ئەمریكادا.

جیهان

بەوێنە..بەهۆی خوراندنی ڕوخساری لەكاتی شۆفێریدا پیاوێك غەرامە كرا

خەڵك-بەشی هەواڵ

پیاوێك لە ڕۆژهەڵاتی وڵاتی چین لەكاتێكدا بەبەردەم كامێرایەكی چاودێری پۆلیسی هاتووچۆ تێپەڕی كردبوو ڕوخساری خوراندبوو، لەبەرانبەردا سزا درا.

“لیو” پیاوێكی چینییە و هەفتەی رابردوو لەكاتێكدا سەرقاڵی شۆفێری بوو لەبەرانبەر كامێرایەكی چاودێری ڕوخساری خوراند، هاوكات بە بیانووی ئەوەی ئەو پیاوە پەیامێكی گەیاندووە، كە دەڵێت یاساكان لەكاتی شۆفێریدا ڕێگەیان بە پەیوەندیكردن داوە، هەر لەبەر ئەوە وێنەكەی گیراوە و سزای دارایشی بۆ ڕەوانە كراوە.

لای خۆشیەوە، ڕۆژنامەی (گڵوباڵ تایمز) بڵاویكردەوە، بەرپرسانی ئەو وڵاتە ناوی ئەو كەسەیان سڕیوەتەوە و پێیان ڕاگەیاندووە، كامێراكە جوڵەی شۆفێرەكەی وەك ئەوە تۆمار كردووە، كە بە مۆبایل قسە بكات.

بەپێی زانیارییەكان، 170 ملیۆن كامێرای چاودێری لە چین بوونی هەیە و بڕیارە لە ساڵی داهاتوودا400 ملیۆن دوربینی دیكە جێگیر بكرێن.

بەردەوام بە لە خوێندنەوە

جیهان

واشنتن و تاران هەوڵی گفتووگۆ دەدەن

خەڵك- بەشی هەواڵ

ئەمریكا و ئێران لە ڕێگەی چەند نێوەندێكەوە خەریكی گفتووگۆی ناڕاستەوخۆ و نافەڕمین.

ڕۆژنامەی وۆڵستریت جۆڕناڵی ئەمریكایی بڵاویكردەوە ” كاربەدەستانی ڕۆژئاوایی و عەرەبی خەریكی گواستنەوەی پەیامی ئێران و ئەمریكان بۆ یەكدی بە ئامانجی كەمكردنەوەی گرژییەكانی نێوانیان بەتایبەت لە كەنداو”.

بەپێی زانیارییەكان، ئێران مەرجی بۆ دەستكردن بە گفتووگۆ لەگەڵ ئەمریكا ئەوەیە گەمارۆ نەوتییەكانی سەری كەمبكرێنەوە، ئەمەشی لە ڕێگەی كاربەدەستە ئەوروپاییەكانەوە بە ئەمریكا ڕاگەیاندووە.

بەپێی سەرچاوەكان، جۆن وێڵكس باڵوێزی بریتانیا لە عیراق ڕۆڵی سەرەكی هەیە لە هێنان و بردنی نامە و پەیامەكانی تاران و واشنتن بۆ یەكدی بۆ كەمكردنەوەی گرژییەكانی نێوانیان.

بەردەوام بە لە خوێندنەوە

ئابوری

ترەمپ بۆ ژاپۆن: تەرازووی بازرگانیمان لاسەنگە

خەڵك – بەشی هەواڵ

سەرۆكی ئەمریكا ڕایدەگەیەنێت، تەرازووی بازرگانیمان لەگەڵ ژاپۆن لاسەنگە و داوای دادپەروەری دەكەین .

دۆناڵد ترەمپ سەرۆكی ئەمریكا لەمیانی گەشتەكەیدا بۆ ژاپۆن لە شوێنی مانەوەی باڵیۆزی ئەمریكا لە تۆكیۆی پایەختی ئەو وڵاتە، لەگەڵ گەورە وەبەرهێنەرانی ئەمریكا ‌و ژاپۆن كۆبووەوە ‌و لە وتەیەكیشدا داوای لە سەرمایەدارانی ژاپۆن كرد وەبەرهێنان لە ئەمریكا زیاد بكەن.

دۆناڵد ترەمپ سەرۆكی ئەمریكا ڕەخنە لە ئاڵوگۆڕی بازرگانی نێوان وڵاتەكەیی ‌و ژاپۆن گرت و ڕایگەیاند، تەرازووی بازرگانی نێوان ئەمریكا‌ و ژاپۆن كێشەی تێدایە‌ و ئێمە بازرگانییەكی زیاتر دادپەروەرانەمان دەوێت.

ترەمپ وتیشی، پەیوەندییەكانی نێوان واشنتۆن ‌و تۆكیۆ هیچ كاتێك هێندەی ئێستا بەهێز نەبووە، بەڵام تەرازووی بازرگانیمان لاسەنگە، بۆیە دەمانەوێت بازرگانییەكی زیاتر دادپەروەرانەمان هەبێت، بۆ ئەمەش گفتوگۆی جددی لەگەڵ لێپرسراوانی ژاپۆن دەكەین.

بەردەوام بە لە خوێندنەوە

کوردستان