ئێمە لە تۆرە کۆمەڵایەتیەکان

کوردستان

سیستمی خوێندن لە كۆلێژەكانی پزیشكی زانكۆكانی هەرێم دەگۆڕێت

خەڵك – بەشی هەواڵ
وەزیری خوێندنی باڵا و توێژینەوەی زانستی حكومەتی هەرێم ڕایدەگەیەنێت، ئەو سیستمەی ئێستا لە كۆلێژەكانی پزیشكی دەخوێندرێت سیستمێكی بەریتانی كۆنە، دەشڵێت: “دەبێت گۆڕانكاری لە پڕۆگرامەكانی خوێندن لە كۆلێژەكانی پزیشكی بكەین، كە خزمەت بە تاكەكانی كۆمەڵگە بكات”.

وەزارەتی خوێندنی باڵا و توێژینەوەی زانستی حكومەتی هەرێم لە ڕاگەیەنراوێكدا، كە وێنەیەكی بۆ (خەڵك) ناردووە ئاماژەی بەوەكردووە، د.یوسف گۆران، وەزیری خوێندنی باڵا و توێژینەوەی زانستی ئەمڕۆ دوو شەممە، 11ی شوبات لە كۆبوونەوەیەكدا لەگەڵ بەڕێوەبەری پڕۆگرامەكانی خوێندن لە كۆلێژەكانی پزیشكی لە زانكۆكانی كوردستان ڕایگەیاندووە، دەبێت بەشێوەیەك گۆڕانكاری لە پڕۆگرامەكانی خوێندن لە كۆلێژەكانی پزیشكی بكەین، كە خزمەت بە تاكەكانی كۆمەڵگە بكات.

ڕاشیگەیاندووە، خوێندنی پزیشكی یەكێكە لە سێكتەرە هەر گرنگ و هەستیارەكانی كۆمەڵگە، بۆیە دەبێت بەشێوەیەك كادیر لەو بوارە پەروەردە بكرێت، كە نەك هەر لە بازاڕی كاری كوردستان، بەڵكو بتوانن لە وڵاتانی دیكەش كار بكەن.

ئاماژە بۆ ئەوەشكراوە، ئەو سیستمەی ئێستا لە كۆلێژەكانی پزیشكی دەخوێندرێ سیستمێكی بەریتانی كۆنە، لەبەرئەوە دەبێت پەیڕەوی ئەو سیستمە نوێیە بكەین، كە‌ ئێستا لە بەریتانیا كاری پێ دەكرێ، بۆ گەیشتن بەو سیستمە نوێیە،‌ هەموو جۆرە هاوكاری و پاڵپشتیەك دەكەین.

کوردستان

كاتی كۆنگرە دیاری دەكات
كۆمەڵی ئیسلامی داوای یەكهەڵوێستی بۆ هەڵبژاردنەكانی كەركوك دەكات

خەڵك – بەشی هەواڵ
ئەنجوومەنی سیاسیی كۆمەڵی ئیسلامی لە كۆبوونەوەی ئاسایی خۆیدا داوای ئاسایی كردنەوەی پەیوەندی ‌و یەك هەڵوێستی نێوان سەرجەم لایەنە كوردستانییەكان دەكەن لەپرسە نەتەوەییەكاندا.

ئەنجوومەنی سیاسی كۆمەڵی ئیسلامی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ شەممە 24/8/2019 لەشاری هەولێر بە سەرپەرشتی عەلی باپیر، ئەمیری كۆمەڵی ئیسلامی كوردستان، ئەنجوومەنی سیاسی كۆمەڵی ئیسلامی كۆبوونەوەی ئاسایی ئەنجامدا و لە كۆبونەوەكەدا دۆخی سیاسیی هەرێم‌ و عیراق‌ و ئاماژەكانی گۆڕانكاری سیاسی لە ناوچەكە تاوتوێ كرد.

ئەنجوومەنی سیاسی كۆمەڵی ئیسلامی جەختی لەسەر بەردەوامی هەڵوێستی كۆمەڵی ئیسلامیی لەبەرژوەندی خەڵك ‌و جەماوەر كردۆتەوە، هەروەك باس لەئامادەكارییەكانی بەستنی كۆنگرەیەكی سەركەوتوو كرا، كە بڕیارە لەمساڵدا كۆمەڵی ئیسلامی كۆنگرەی چوراەمی خۆی ببەستێ.

ئەنجوومەنی سیاسیی بەپێویستی زانی سەرجەم ئەندامان ‌و ئۆرگانەكانی حزبەكەی وزەی خۆیان بخەنە گەڕ بەمەبەستی ئەنجامدانی كۆنگرەیەكی سەركەوتوو لەپێناو بەرەوپێشبردنی زیاتری كار و پڕۆژەی كۆمەڵی ئیسلامیی لەداهاتوودا.

هاوكات لەكۆبوونەوەكەدا ئەنجوومەنی سیاسیی كۆمەڵ هەڵبژاردنەكانی ئەنجوومەنی پارێزگاكانی عیراقی خستە بەرباس ‌و لەوپێناوەشدا ئاسایی كردنەوەی پەیوەندیی و یەك هەڵوێستی نێوان سەرجەم لایەنە كوردستانییەكانی بەپێویست زانی‌ لەپرسە نەتەوەییەكاندا، بۆ ئەوەی بتوانن لەناوچە كێشەلەسەرەكاندا بەتایبەت پارێزگای كەركووك ئامانجە نەتەوەییەكان بێننەدی.

بەردەوام بە لە خوێندنەوە

کوردستان

كۆسرەت ڕەسوڵ دوا كاتی بۆ دیاریكردنی كۆنگرەی یەكێتی دیاریكرد

خەڵك- بەشی هەواڵ
جێگری سكرتێری گشتی یەكێتیی نیشتمانیی كوردستان دوا وادە بۆ دیاریكردنی كۆنگرەی چوارەمی حزبەكەی دیاری دەكات و دەڵێت: “هەفتەی داهاتوو بڕیار دەدەین”.

كۆسرەت ڕەسوڵ عەلی، جێگری سكرتێری گشتی یەكێتی دوای بەشداری كردنی لە پرسەی دایكی شۆڕش ئیسماعیل، وەزیری پێشمەرگەی هەرێم بۆ ڕۆژنامەنووسان وتی، “لە كۆبوونەوەی سەركردایەتی لە هەفتەی داهاتوو كاتی بەستنی كۆنگرە یەكلادەكەینەوە”.

سەبارەت بە خۆهەڵبژاردنەوەی وتی، “تاوەكو ئێستا دیارنییە و دواتر بڕیاری لەبارەوە دەدەم”.

لە كۆبوونەوەی مەكتەبی سیاسی یەكێتی لە مانگی ڕابردوو بڕیار درا تا كۆتایی ئەمساڵ كۆنگرە ببەسترێت و ئەنجوومەنی باڵای مەكتەبی ڕێكخستنی ئەو حزبەش پێشنیاری كرد ڕۆژی “شەهیدانی یەكێتی”، كە (21-11)یە كۆنگرە ببەسترێت و دواتریش ئەنجوومەنی ناوەندی ئەو حزبە پشتیوانی بۆ دیاری كردنی ئەو ڕۆژە بۆ بەستنی كۆنگرە دەربڕی.

بەردەوام بە لە خوێندنەوە

کوردستان

ڕووداوێكی هاتووچۆ سێ برینداری لێدەكەوێتەوە

خەڵك- بەشی هەواڵ

لەنزیك زانكۆی گەرمیان ئۆتۆمبێلێك خۆی دەكێشێت بە بەربەستی شەقامەكەدا و بەهۆیەوە دوو ژن و پیاوێك بریندار دەبن.

بەڕێوەبەرایەتی هاتووچۆی گەرمیان لە ڕاگەیەندراوێكدا، كە وێنەی دراوە بە (خەڵك) ئاماژەی بەوەكردووە، دوانیوەڕۆی ئەمڕۆ شەممە ئۆتۆمبێلێكی جۆری تۆیۆتا پیكاب، لەفلكەی زانكۆی گەرمیان دوای ئەوەی شۆفێرەكە كۆنتڕۆڵ لەدەست دەدات خۆی دەكێشێت بە بەربەستی شەقامەكەدا و بەوهۆیەوە شۆفێرەكە و دوو سەرنشین بریندار بوون.

ڕاشیگەیاندووە، ئۆتۆمبێلەكە بەئاڕاستەی شارەدێی باوەنور ڕۆشتووە، بریندارەكان پیاوێك و دوو ژنن.

ئاشكراشی كردووە، بریندارەكان بەمەبەستی وەرگرتنی چارەسەر گەیەنرانە نەخۆشخانەی فریاكەوتنی شەهید هەژار لەكەلار، لەلایەن تیمی هاتوچۆوە لێكۆڵینەوە لەڕووداوەكە دەستی پێكردوە.

بەردەوام بە لە خوێندنەوە

کوردستان