ئێمە لە تۆرە کۆمەڵایەتیەکان

ئابوری

ئۆپیك باسی نرخی نەوت دەكات لە بازاڕدا

خەڵك- بەشی هەواڵ
ئەمینداری گشتی ڕێكخراوی ئۆپیك دەڵێت، ڕێكخراوەكە یاری بە نرخی نەوتەوە ناكات، لەكاتێكدا ئۆپیك سەركردایەتی كەمكردنەوەی بەرهەم دەكات بۆ بەدیهێنانی هاوسەنگی لەنێوان خستنەڕوو و داواكاری لە بازاڕەكاندا.

ئەمڕۆ دوو شەممە، محەمەد باركیندۆ، ئەمینداری گشتی ڕێكخراوی ئۆپیك بە ڕۆژنامەوانانی ڕاگەیاند، “كاری ئێمە یاری كردن نییە بە نرخەكان، بۆیە ستەمە گەر بەوە تۆمەتبار بكرێین”

لیژنەی ئەنجوومەنی نوێنەرانی ئەمریكا لە پێنج شەممەی ڕابردوودا ڕەزامەندی لەسەر پڕۆژە یاسایەك دەربڕی، كە ڕێكخراوی ئۆپیك ڕووبەڕووی سكاڵای دادوەری دەكاتەوە بە تۆمەتی دەستگرتن بەسەر بازاڕەكاندا، بەڵام پێناچێت ئەنجوومەنەكە بەشێوەیەكی تەواوەتی چاو بەو پڕۆژە یاسایەدا بخشێنێت.

سەبارەت بە نرخی نەوتیش باركیندۆ ئاماژەی بەوەكردووە، ئەمڕۆ نرخەكان لە بازاڕەكاندا جێگیربوون، وێڕای زیادبوونی چالاكی هەڵكەندنی بیرە نەوتەكانی ئەمریكا و مەترسی زیادبوونی داواكارییەكان لەسەر نەوتی خاو بەهۆی خاوبوونەوەی وتوێژە بازرگانییەكان لەنێوان ئەمریكا و چین.

بەپێی دوایین نرخی نەوتیش لە بازاڕەكانی جیهان، نرخی بەرمیلێك نەوتی برێنت بە 62.13 دۆلار مامەڵەی پێوەكرا و نرخی بەرمیلێك نەوتی خاوی خۆرئاوای تەكساس-یش بە 52.45 دۆلار مامەڵەی پێوەكراوە.

ئابوری

یاسین مەحمود: شەقامی 100 مەتری سلێمانی وەبەرهێنان دەخاتە قۆناغێكی نوێوە

خەڵك-بەشی هەواڵ

وتەبێژی یەكێتی وەبەرهێنەرانی كوردستان ڕایدەگەیەنێت، دروستكردنی شەقامی 100 مەتری شاری سلێمانی بواری وەبەرھێنان دەخاتە قۆناغێكی نوێوە و دەشڵێت: “جێگری سەرۆك وەزیران زۆر گرنگی بەو پڕۆژەیە دەدات”.

بڕیارە لە ماوەیەكی نزیكدا شەقامی 100 مەتری شاری سلێمانی بچێتە بواری جێبەجێكردنەوە و بەپێی زانیارییەكانی (خەڵك) بە سێ قۆناغ پڕۆژەكە جێبەجێ دەكرێت و یەكێكە لە پڕۆژە گەورە و ستراتیژییەكانی شاری سلێمانی.

یاسین مەحمود، وتەبێژی یەكێتی وەبەرھێنەرانی كوردستان بە (خەڵك)ی ڕایگەیاند، درووستكردنی شەقامی 100 مەتری شاری سلێمانی زۆر گرنگە و بڕیارە بە سەرمایەی خەمڵێنراوی 300 ملیۆن دۆلار بەشی تاسڵوجە-عەربەت لە چەند مانگی داهاتوودا بكەوێتەكار و بە تەواوبوونیشی بواری وەبەرھێنان لە پارێزگای سلێمانی دەخاتە قۆناغێكی نوێوە.

وتیشی، “لەئێستادا گەورەترین كێشەی وەبەرھێنەرانی سلێمانی ئەوەیە، كە شوێنێكی گونجاو نییە خزمەتگوزاری پێدا تێپەڕێت و بتوانین وەبەرھێنانی تێدابكەن، چونكە لە ڕابردوودا شەقامەكانی 30 مەتری و 40 مەتری و 60 مەتری سلێمانی ھەبووە و ھەمووی بووە بە وەبەرھێنان و ئێستا بوار نەماوە بۆ وەبەرهێنان”.

ئاشكراشیكرد، بە تەواوبوونی شەقامی 100 مەتری زیاتر لە ملیارێك دۆلار وەبەرھێنان زیاد دەبێت و دەتوانرێت چەندین پڕۆژەی وەبەرھێنان جێبەجێ بكرێت، چونكە نێوان شەقامی 60 مەتری و 100 مەتری پانتاییەكی فراوانە و پڕ دەبێت لە خزمەتگوزاری و چەندین پڕۆژەی وەبەرهێنانی تێدا ئەنجام دەدرێت.

ئاماژەی بۆ ئەوەشكرد، قوباد تاڵەبانی، جێگری سەرۆكی ئەنجوومەنی وەزیران زۆر گرنگی بە پڕۆژەكە دەدات و دەیەوێت ئەمساڵ ئەو شەقامە بكەوێتە بواری جێبەجێكردنەوە.

بەردەوام بە لە خوێندنەوە

ئابوری

ئەمریكا مەرجێك بۆ بازرگانی نێوان عیراق و ئێران دادەنێت

خەڵك- بەشی هەواڵ
سەرەڕای سزاكانی ئەمریكا بۆ سەر كۆماری ئیسلامی ئێران و قەدەغەكردنی مامەڵە لەبواری وزە لەگەڵ ئەو وڵاتە، بەڵام واشنتن بە دانانی مەرجێك عیراقی لەو بڕیارە بەخشیوە.

ئاژانسی (ڕۆیتەرز) لە زاری بەرپرسێكی عیراقیەوە بڵاویكردۆتەوە، كە ئەمریكا بڕیاریداوە بە بەخشینی عیراق لە قەدەغەی ئەمریكی بۆ سەر كەرتی وزەی ئێرانی و ڕێگەی داوە عیراق غاز و چەند كاڵایەكی دیكە لە تاران بكڕێت و مامەڵەی لەگەڵ بكات.

وەك بەرپرسە عیراقیەكە وتویەتی، “ئەمریكا مەرجی ئەوەی بۆ حكومەتی عیراقی داناوە، كە دەبێت لە مامەڵەكانی لەگەڵ ئێران دراوی جۆری دۆلار نەدان بەو وڵاتە”.

ئاشكراشی كردووە، كە وەزارەتی دارایی عیراق هەژمارێكی بانكی لە بانكێكی حكومی كردۆتەوە بۆ پێدانی بەهای ئەو پێویستیانەی لە ئێرانی دەكرێت بە دینار.

بەردەوام بە لە خوێندنەوە

ئابوری

سبەی تەنها مووچەی یەك وەزارەت دابەشدەكرێت

خەڵك – بەشی هەواڵ
سبەی تەنها مووچەی یەك وەزارەت خەرج دەكرێت و سەرچاوەیەكی داراییش دەڵێت: “هێشتا هیچ بڕە پارەیەك لە بەغداوە بۆ دابەشكردنی مووچەی فەرمانبەرانی هەرێم ڕەوانە نەكراوە”.

سەرچاوەیەك لە وەزارەتی دارایی و ئابووری حكومەتی هەرێم بە (خەڵك)ی ڕاگەیاند، بڕیارە سبەی دوو شەممە عیراق پارە ڕەوانەی هەرێم بكات و بەوەش دابەشكردنی مووچە خێراتر دەبێت.

ڕاشیگەیاند، سبەینێ‌ دوو شەممە 19ی ئابی 2019 تەنها مووچەی وەزارەتی داد دابەشدەكرێت.

ئەو سەرچاوەیە ئاماژەی بۆ ئەوەشكرد، لەگەڵ هاتنی پارەكەی بەغدا دەست بە دابەشكردنی مووچەی مانگی ئایاری فەرمانبەران دەكرێت و تاوەكو هەفتەی داهاتوو مووچەی سەرجەم وەزارەت و دەستە و فەرمانگەكان دابەشدەكرێت.

بەردەوام بە لە خوێندنەوە

کوردستان