ئێمە لە تۆرە کۆمەڵایەتیەکان

عێراق

پێشوازی لە حسێن نیعمە كردووە
سەرۆك كۆمار داوای دەركردنی یاسایەكی تایبەت بە هونەرمەندان و ڕۆشنبیران دەكات

خەڵك- بەشی هەواڵ
سەرۆك كۆماری عیراق، داوای دەڕشتنی یاسایەك دەكات، تا لێوەی ژیانێكی خۆشگوزەران بۆ هونەرمەندان و ڕۆشبیران بڕەخسێت، جەختیش لەسەر پێویستی بایەخدان و چاودێریكردنی ژیانی ئەو توێژە دەكاتەوە.

ئەمڕۆ بەرهەم ساڵح سەرۆك كۆماری عیراق، لە بەیاننامەیەكدا كە وێنەیەكی بۆ (خەڵك) نێردراوە، ئاماژە بە “پێشوازی سەرۆك كۆمار بۆ حسێن نیعمەی هونەرمەندی ناسراوی عیراقی” كراوە.

هەر لە بەیاننامەكەدا هاتووە”سەرۆك كۆمار كاروانی دوورودرێژی پڕبەرهەمی حسێن نیعمەی هونەرمەندی بەرزنرخاندووە كە لەگەڵ ژمارەیەكی تر لە پێشڕەوان و داهێنەرانی بواری هونەری عیراقی، كاریگەرییان هەبووە لەسەر پەرەپێدانی گۆرانی عیراقی لەماوەی ساڵانی رابردوو”.

بەرهەم ساڵح، جەختی لەسەر پێویستی ئاوڕدانەوە لە داهێنەران و رۆشنبیران و هونەرمەندانی عیراقی و بایەخدانی پێویست و چاودێریكردنیان كردۆتەوە، بەپێویستیشی زانیوە، یاسایەك دەربكرێت، تا لێوەی ژیانێكی شكۆمەندانە بۆ ئەو توێژە فەراهەم بكرێت، بەجۆرێك لەگەڵ داهێنان و پێگە و دەستكەوتەكانیاندا یەكانگیربێت.

لای خۆیەوە، حسێن نیعمە هونەرمەندی دەركەوتووی عیراقی، بایەخدانی سەرۆك كۆماری بە بواری هونەری و رۆشنبیری و بەرەوپێشبردن و پشتیوانیی و چاودێریكردنی، بەرز نرخاند.

ئەمەش لەكاتێكدایە، پێشتر حسێن نیعمە لە تۆڕە كۆمەڵایەتییەكاندا، داوای لە وڵاتانی كەنداو و وڵاتانی ئەوروپا كردبوو داڵدەی بدەن، بەو پێیەی وێڕای مێژووی كاروانە هونەرییەكەی، ژیان و گوزەرانی لە عیراق زۆر خراپە و مانگانە تەنیا 400 هەزار دینار وەردەگرێت و سێ كوڕیشی كە دەرچووی زانكۆن، بێ كارن و لە دەزگاكانی حكومەت دانەمەزراون.

عێراق

حەشدی شەعبی هێزەكانی لە پارێزگەیەكی باشووری عیراق بڵاوەپێدەكات

خەڵك- بەشی هەواڵ
ئەمڕۆ هەینی هێزەكانی حەشدی شەعبی لە پارێزگەی نەجەفی باشووری عیراق بڵاوەیانپێكرا.

حەشدی شەعبی لە بەیاننامەیەكدا هۆكاری بڵاوەپێكردنی هێزەكانی لیوای دووی لە كوچە و كۆڵانەكانی شاری نەجەف لەبەیانی ئەمڕۆدا ڕاگەیاند.

هۆكاری ئەو هەنگاوەشی ئاشكراكردووە كە پەیوەندی بە پاراستنی ڕێوڕەسمەكانی ڕۆژی شەهیدی ئیمام عەلییەوە هەیە.

هێزەكانی حەشدی شەعبی یەكتربڕ و ڕێگا سەرەكی و ستراتیژییەكانیان داخستووە بە پێی پلانێكی ئەمنی، لەگەڵ بڵاوبوونەوەی هێز لە شەقام و بورجەكانی چاودێری و دەروازەكاندا.

بەردەوام بە لە خوێندنەوە

عێراق

“ململانێی بێكۆتا ناوچەكانی شەنگال و نەینەوای خستۆتە دۆخێكی دژوار”

خەڵك – بەشی هەواڵ

قایمقامی قەزای شەنگال داوا لە سەرۆك وەزیرانی عیراق دەكات، شەڕ و پێكدادان لە ناوچەكانی شەنگال كۆتایی پێبهێنرێت و ماددەی 140ی دەستوری عیراقیش جێبەجێبكات .

 

مەحما خەلیل، قایمقامی قەزای شەنگال، ڕایگەیاندوە “ململانێی بێكۆتا ناوچەكانی شەنگال و نەینەوای خستۆتە دۆخێكی دژوار، گەر بەم شێوەیەی ئێستا بمێنێتەوە ، تەنها خەڵك باجەكی دەدەن”.

 

مەحما خەلیل وتویەتی: قبوڵكراو نیە ناوچەكە لەژێر هەڕەشەی ململانێ سیاسیەكان و خواستە نەرێنیە نێودەوڵەتیەكاندا بێت، “ئەو ناوچانە تایبەتن و ئاستی رۆشنبیری خەڵكەكەی لە ناوچەكانی دیكەی باكور جیاوازە، بەڵام بە گشتی ئەو ناوچەیە لە ژێر كاریگەری پێكدادان و ململانێ سیاسیەكاندایە “.

خەلیل دەڵێت “هیوای زۆریان بە حكومەتەكەی عادل عەبدولمەهدی هەیە تا داوای لێ‌ بكەین بە هاوكاری سەرجەم لایەنەكان چارەسەر بۆ دۆخی شەنگال بدۆزێتەوە، پشت بەو بڕگە یاسایی و دەستوریانەی تا ئێستا كاران وچاوەڕوانی خستنە بواری جێبەجیكردنی بڕگەی 140ی دەستوری عیراقی دەكەین.

سەرچاوە/ ڕووداو

بەردەوام بە لە خوێندنەوە

عێراق

توركیا 300 كۆچبەری نایاسایی دەستگیردەكات

خەڵك- بەشی هەواڵ
دەسەڵاتدارانی توركیا 300 كۆچبەری نایاسایی دەستگیردەكەن كە لە هەوڵی پەڕینەوەدابوون بۆ ئەوروپا.

سەرچاوە توركیاییەكان دەڵێن “هێزەكانی پاسەوانی سنووری زۆرتر لە 300 كۆچبەری نایاساییان دەستگیركردووە كە هەوڵی پەڕینەوەیان داوە بە ڕێگەی نایاسایی لە هەرێمی ئەدرنەوە بۆ سنووری بولگار و یۆنان”.

ئاماژەیان بەوەشداوە ئەو دەستگیركراوانە خەڵكی چەند وڵاتێكن كە لەنێویاندا عیراقی هەن.

بەردەوام بە لە خوێندنەوە

کوردستان